Bakının Suraxanı rayonunda 2 minik avtomobili toqquşub.

Oxu.Az xəbər verir ki, hadisə Beynəlxalq Hava Limanı istiqamətində, “Buta Palace”ın yaxınlığında baş verib.

Süleyman Süleymanovun idarə etdiyi “Mercedes” markalı minik avtomobili hərəkətdə olarkən anidən idarəetməni itirib və nəticədə Təbriz Məmmədovun idarə etdiyi “Daewoo” markalı minik maşını ilə toqquşub.

Zərbənin təsirindən “Daewoo” yol kənarındakı arakəsmə panellərə çırpılıb.

Qəza zamanı “Daewoo”nun sürücüsü müxtəlif dərəcəli bədən xəsarətləri alaraq xəstəxanaya çatdırılıb.

Faktla bağlı araşdırma aparılır.