Türkiyə polisi Adana şəhərində tarixi əşyaları satmaq istəyən şübhəlilərə qarşı əməliyyat keçirib.

Redaktor.az yerli mənbələrə istinadən xəbər verir ki, 2 tarixi İncil kitabı, qədim pul və tarixi möhürün satıldığı barədə məlumat əldə edən polislər, şübhəlilərlə alıcı qismində əlaqə yaradıb. Onlar alıcıların polis olduğunu başa düşən kimi qaçmağa başlayıb. Maraqlısı isə şübhəlilərin qaçarkən tarixi əşyaların olduğu bağlamanı yerə atmaları olub.

Polis yerə atılan həmin şübhəli çanta tapıb və içinə baxdıqdan sonra tarixi əşyaların olduğunu görüblər.

Daha sonra şübhəlilər həbs ediliblər. Onların əşyaları hansısa muzeydən oğurlandığı güman edilir.