Rusiyada yay son illərdə olmadığı qədər isti keçir. Moskvada isə temperatur rekorda yaxınlaşır.
Bizimyol.info xəbər verir ki, indi Rusiya paytaxtında istilik +31 dərəcə civarındadır. Rekord düz 63 il əvvəl – 1956-cı ilin iyunun 20-də qeydə alınmışdı. Onda termometr +31,1 dərəcəni göstərmişdi.

“Fobos” hava mərkəzinin rəhbəri Yevgeni Tişkovets deyir ki, rekord qeydə alınması da mümkündür. Amma temperaturun çox yüksək olacağına heç şübhə yoxdur.

Moskvada hava iyunun 22-də dəyişəcək. Skandinaviya siklonları temperaturu aşağı salacaq. Yağış yağması da gözlənilir. Buna baxmayaraq, bazar günü yenə azı +25 dərəcə istilik olacaq.