Türkiyənin Ərzurum vilayətində turistləri aparan mikroavtobus aşıb. Qəza nəticəsində 25 nəfər müxtəlif dərəcəli bədən xəsarətləri alıb. Onların arasında uşaqlar da var.

Turaztv.az AZƏRTAC-a istinadən xəbər verir ki, hadisə Ərzurumun Palandöken xizək mərkəzinin ərazisində mikroavtobus turistləri oteldən hava limanına apararkən baş verib.

Yaralılar bölgədəki xəstəxanalara yerləşdiriliblər.

Faktla bağlı araşdırma aparılır.