Əhalinin müxtəlif təbəqələri arasında antinarkotik təbliğat işinin səmərəsinin artırılması məqsədilə Azərbaycan Respublikasının Daxili İşlər Nazirliyi (DİN) və Azərbaycan Dövlət Reklam Agentliyi (ADRA) birgə fəaliyyətə başlayıb.

DİN-in mətbuat xidmətindən AZƏRTAC-a bildirilib ki, birgə fəaliyyətin əsas istiqaməti antinarkotik təbliğatın və ictimai maarifləndirmənin daha da gücləndirilməsi ilə yanaşı narkotiklərin zərərlərini özündə əks etdirən sosial reklamların geniş kütləyə çatdırılmasını təmin etməkdir.