Xəbərlər
10.07.2026, 23:44
XƏLİL MİRZƏ : Dərib, qoxulayıb, ayaqlayan var... - FOTO
Qönçəyə bənzətdim səni bir səhər,
Qorxdum, qoxuyaram, gül ərtin qaçar.
Çəkdim keşiyini mən axşam-səhər,
Dedim, bahar gələr, çiçəyin açar.
Dedim, xoşbəxt ollam sənlə, gün gələr,
Çiçək ətrin məni meyxoş eləyər.
Sənlə nəfəs allam şən- axşam, səhər,
Məni gözəlliyin bihuş eləyər.
Nazınla oynadım, kökgənə döndüm,
Eynin tutulanda mən də üşündüm.
Açdın, şəfəq saçdın, mən söndüm, söndüm.
Özümü unutdum, səni düşündüm.
Qönçəyə bənzətdim səni bir səhər,
Bilmədim, ətrindən meyxoş olan var.
Bilmədim, hər axşam dodaqlarından
Öpüb, sinən üstə bihuş olan var.
Bilmədim, mənim pak sandığım gülü
Dərib, qoxulayıb, ayaqlayan var...
10.11.86.
Son xəbərlər
Ən çox oxunanlar
- Bu gün
- Bu həftə
- Bu ay
