Azərbaycanda koronavirus infeksiyasına 117 yeni yoluxma faktı qeydə alınıb, 135 nəfər müalicə olunaraq sağalıb və evə buraxılıb.

Bu barədə Modern.az-a Nazirlər Kabineti yanında Operativ Qərargahdan məlumat verilib.

COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ümumilikdə 38894 nəfər koronavirus infeksiyasına yoluxub. Onlardan 36 424 nəfər müalicə olunaraq sağalıb, 566 nəfər vəfat edib, aktiv xəstə sayı 1898 nəfərdir.

Ölkədə son sutka ərzində 5898, hazırkı dövrədək isə 1041184 test aparılıb.