GÖY ÜZÜNƏ YAXIN ADAM

Ömür çox qısadır. Bir də gözünü onda açırsan ki, yaş 40-ı, 50-ni keçib, 60-ı haqlayıb, ömrün payızı qocalığına çətir tutub. Ömrün necə keçdiyini, nə zaman bu yaşa gəlib çatdığını onda bilirsən ki, saçlarına dən düşüb, ömür

Köhlənin yorulub, daha əvvəlkitək şaha qalxa bilmir. Bu ömrü əsl insan kimi yaşayıb, gözəl övladlar tərbiyə edən, cəmiyyət içərisində yaxşı mənada seçilən, yaratdıqları ilə yaşadığı zamana naxışlar vuran insanlar olduğu kimi, Allahın verdiyi ömrü boş və mənasız yerə xərcləyən, özündən sonra xatırlanası heç nəyi olmayan insanlar da olur. Təəssüf ki, zəmanəmizdə
belə insanlar çoxluq təşkil edir. Lakin aqillərimizin gözəl bir deyimi var: dünya yaxşıların çiynindədir. Ömür yolu qəfil qırılan və yarımçıq qalan, lakin bu yarımçıq ömründə iti zəkası, parlaq istedadı, gələcək nəslə vaxtilə Şamaxıda qurub-yaratdığı binalar, obyektlər camaata yadigar qoyan dəyərli
eloğlu, istedadlı ziyalı Azad Zəbhulla oğlu Dadaşov kimi! Belə fenomenal insanların fonunda pislər ya gözə görünmür, ya da barmaqla sayılacaq qədər az görünürlər.
Bu gün telefonda zəngimiz zamanı Azad müəllimin qardaşı, qələm dostum Cəmil müəllimin qırıq-qırıq səsini eşidəndə və qardaşının dünyasını dəyişməsi xəbərini söyləyəndə bir anlığa tutuldum. Bilirdim ki, Azad müəllim xəstəxanada yatır, qardaşları, ailəsi onun yolunda çalışır, müalicə olunub tezliklə ailəsinin, doğmalarının yanına qayıtmağı arzulayır. Elə əslində də dualarımızda biz də bunu söyləyir, Cəmil müəllimə təskinlik, ürək-dirək verirdik. Mən Cəmil müəllimi həmişə ötkəm, təmkinli görmüşəm, amma telefondakı səsi bu ötkəmliyi yumşaltmışdı... Azad müəllimin fotoşəklini mənə göndərəndə mərhumun üzündə dağların saflığını, müdrikliyini, əzəmətliliyini gördüm. Elə o andaca Allaha bu qədər yaxın, bu qədər əziz olan adamın dünyadan belə tez köçməsinə inanmağım gəlmədi...
Nə vaxtsa oxuduğum belə bir şeir isə bu sətirləri qələmə alanda yadıma düşdü:

Bir azca
göy üzünə yaxın otur,
duaların tez çatsın Rəbbimə.
İçini tox saxla,
üz vermə qəmə.
Səbrini bas,
gözündən düşmə yerə.
Özünə yaxın otur,
asi olma qədərə.
Hərdən
göz aldadır adamı,
öz içindən dikəl, qalx!
Bu dünyaya
ürəyinin gözüylə bax.
Hər şey ölənəcəndi,
Hər şey
öləndən sonradı...


Azad Zəbhulla oğlu Dadaşov 1947-ci ildə Şamaxıda anadan olub. Uzun müddət qədim rayonun tikinti təşkilatlarında iş icraçısı işləyib. Ulu Şirvanın ürəyi sayılan Şamaxının qədimliyinə bir yenilik, təravət gətirib. Özünün zəhməti və işgüzarlığı, həmçinin ziyalılığı ilə rayonda ad-san qazanmışdı. Ailəli idi, iki qızı, iki oğlu, səkkiz nəvəsi var.
Cəmil müəllimlə kiçik söhbətimiz zamanı öyrəndim ki, Dadaşovların ailəsinin ilki olan Azad müəllim sanki Cəmil müəllimgilə ağsaqqallıq yox, atalıq, böyüklük edibmiş. Cəmil müəllimgilin ailələri çoxuşaqlı olub. Azad, Azər və Afəri qardaşlarını itirmiş Cəmil müəllimgil ailədə 6 qardaş, 2 bacı olublar. Hazırda 3 qardaş, 2 bacı həyatda qurub-yaratmaqla məşğuldur.
Azad Dadaşov Göy üzünə yaxın yaşayıb, həm də dünyaya ürəyinin gözüylə baxıb. Cismani ölümü ilə də heç şey başa çatmayacaq, hər şey bundan sonra başlayacaq. Onun müəllifi olduğu layihələr, Şamaxıda qurub-yaratdıqları və xatirələri daim əzizlərinin, onu tanıyanların yaddaşında olacaq. Hər dağları, ucalıqları görəndə də yadımıza Azad müəllim düşəcək...


Dünyada bir xeyir, bir şər qalacaq,
Yaxşı insanlardan əsər qalacaq.
Çör-çöpü sahilə tullayır dəniz,
Dənizin dibində gövhər qalacaq.

X.R.Ulutürk bu misraları elə bil Azad Zəbhulla oğlu Dadaşov üçün yazıb.

Allah Sizə rəhmət eləsin, Azad müəllim!
Başınız sağ olun, Azad müəllimin tanıdığım qardaşları

Çingiz, Cəmil, Zəfər, övladları Zakir,Faiq,Tamara və Təranə Dadaşovlar!
Daşdəmir ƏJDƏROĞLU

Son xəbərlər

“Zəngilan” və “Şayıflı” Su Elektrik stansiyaları istifadəyə verildi

Son illərin TRENDİ – Yoqa gimnastikadır, yoxsa dəb?

Prezident və xanımı “Ağalı” hotelinin açılışında iştirak edib

İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyub

Lamiyə Vəliyeva dünya çempionu oldu

Sabah hava belə olacaq

Özünü asan qız son anda xilas edildi

Mayın 18-nin ULDUZ FALI: Bürclər üçün DƏYƏRLİ MƏSLƏHƏTLƏR

BMT-nin mənzil-qərargahında kondisionerlər söndürülüb

BİZİM TƏQVİM: 18 mayda baş vermis tarixi hadisələr

Namibiyada şirlərə görə məktəblər bağlanıb

Namibiyada şirlərə görə məktəblər bağlanıb

Kaledoniya üsyanı: Fransa parçalana bilər - FOTO

Gürcüstan Prezidenti əcnəbi agentlər haqqında qanuna dəyişiklik etməyəcək

Azərbaycanın 5 güləşçisi Avropa çempionatının finalında

Bərdə Tarix-diyarşünaslıq Muzeyində "Dünənimizin, bu günümüzün və sabahımızın carçıları" adlı tədbir keçirilmişdir. - FOTOLAR

14 yaşlı argentinalı fubolçu Maradonanın rekordunu qırıb

Avropada BAŞ NAZİR "OVU" - Daha bir hökumət başçısı ÖLÜMLƏ HƏDƏLƏNİR

Azərbaycan şahmatçısı erməni rəqibini məğlub edib

Bakıda yeniyetmə elektron qəlyana görə 90 ay həbsdə qalacaq

ABŞ Ukraynaya silah tədarükü üzrə qrupun iclasını keçirəcək

Pentaqon Kiyevə silah tədarükü ilə bağlı iclas keçirəcək

Qızıl Avropa Liqası: Azərbaycanın qadın voleybol millisi Xorvatiyanı məğlub edib

Vətən Müharibəsi Qəhrəmanına yüksək vəzifə verildi

Rusiyada hərbi akademiyada partlayış olub, xəsarət alanlar var

Premyer Liqa: Çempion 7 qolun vurulduğu oyunda "Turan Tovuz"a qalib gəlib

Qaxa, Qəbələyə dolu düşüb, Bakıda şimal-qərb küləyi güclənib - FAKTİKİ HAVA

Azərbaycanın təmir üçün göndərdiyi manevr teplovozlarından biri Bakıya çatdırılıb

Bütün xəbərlər
«    May 2024    »
BeÇaÇCaCŞB
 12345
6789101112
13141516171819
20212223242526
2728293031