Xəbərlər
4.03.2026, 01:02
TƏRANƏ MƏFTUN : DÜNYANIN ƏN BƏDBƏXT ADAMI OLUB - FOTO
Qəlbimdə sevginin yox idi sonu.
Eşq ilə doğurdu günəş hər səhər,
Təbiət geymişdi gözəllik donu.
Gecə gözlərimdən yuxu qaçırdı,
Həmsöhbət olurdum ulduzlar ilə.
Günəş şəfəqini şövqlə saçırdı,
Duyğular dinirdi kaman, tar ilə.
Adına bağlıydı bütün arzular,
Sən idin ünvanı xoş diləklərin.
Gen dünya olurdu sənsiz boş məzar,
Əsiri olurdum dəqiqələrin.
Mənasız olurdu özü həyatın,
Həsrət gözlərimə zülmət çökürdü.
İntizar xoş keçən günün, saatın,
Üstünə iztirab külü tökürdü.
Elə inanmışdım mən bu sevgiyə,
Deyirdim ölüncə biz ayrılmarıq.
Yoxsa gözə gəldi eşqimiz, niyə,
Ayrıldıq, ölmədik, hələ də varıq?
Axı eşq nəğməli dünya bizimdi,
Ayrılıq kəlməsi bizə yad idi.
Nə yaxşı dözürük biz ayrı indi,
Yoxsa ki, sevginin dəyəri itdi?
Səni bilmirəm, mən həmənki mənəm,
Məhəbbət həyatın anlamı olub.
Sevginin dəyərin bilməyən, sənəm,
Dünyanın ən bədbəxt adamı olub.
03.03.2026 23:55 II gün
