Turaztv.az təqdim edir.

14.12.1956 – 14.12.2025
Dərin hüznlə yad edirik.

Şəhid Sərhəd Zöhrabbəyov 1956-cı ilin dekabr ayının 14-də Azərbaycan Respublikasının Qusar rayonunun Yasab kəndində ləzgi ailəsində anadan olmuşdur. Yasab kənd orta məktəbini bitirdikdən sonra 1979-cu ildə Gəncə Kənd Təsərrüfatı Akademiyasının aqronomiya şöbəsini bitirmişdir.
Əmək fəaliyyətinə Bərdə rayonunda başlamış, «Komsomol», «Kalinin», «Cəfər Cabbarlı» adına kolxozlarda baş aqronom, idarə heyətinin sədri, meşə-kənd təsərrüfatı idarəsinin müdiri vəzifələrində çalışmışdır.
Sərhəd Zöhrabbəyov son iş yerindən könüllü olaraq vətən çağırışına qoşulmuş, Bərdə hərbi batalyonunun qərargah rəisi olmuş, döyüşlərdə yüksək qəhrəmanlıq göstərmişdir. O, 24 avqust 1992-ci ildə Dranbom uğrunda gedən döyüşlərdə şəhid olmuşdur. Şəhidimizin məzarı Qusar rayonunun Yasab kəndindədir.
Birinci dərəcəli idmançı, cəsur döyüşçü Sərhəd Zöhrabbəyovun ailəsi — həyat yoldaşı Etibar xanım, oğlu Zöhrab və qızı Reyhanə hazırda Bərdə şəhərində yaşayırlar.
Ölümündən sonra Azərbaycan Respublikası Prezidentinin 1994-cü il tarixli əmri ilə “Azərbaycan Bayrağı” ordeni ilə təltif olunmuşdur.
Bərdə və Qusar rayonlarında küçələrdən biri onun adını daşıyır.
Allah nur üzlü şəhidimizə rəhmət eləsin, məkanı cənnət olsun.

Vaqif Məhəmməd Oğlu