Vatikan Ukrayna prezidenti Volodimir Zelenskiyə Papa I Fransiskin dəfn mərasimində ABŞ prezidenti Donald Tramp və Fransa prezidenti Emmanuel Makronla birlikdə birinci sırada oturmağa icazə verərək protokolu pozub.

"Turaztv.az" "Unikal"-a istinadən xəbər verir ki, bu barədə Britaniyanın “The Telegraph” qəzeti yazıb.


Qeyd olunub ki, Zelenski və həyat yoldaşı Yelena Zelenskaya Ukraynada sülh danışıqlarında irəliləyiş gözləntiləri fonunda Romaya gediblər.

Ukrayna lideri Oval kabinetdəki qalmaqaldan sonra Trampla ilk qısa görüşündən sonra Müqəddəs Pyotr meydanında öz yerini tutanda gurultulu alqışlarla qarşılanıb.

Britaniya mediası yazır ki, Vatikan, görünür, dövlət və ya hökumət başçısı olub-olmamasından asılı olmayaraq, əksər liderlərin ölkələrinin adına uyğun əyləşdiyi mərasimdə Zelenskinin diqqət mərkəzində olması üçün xüsusi tədbirlər görüb.

Məlumata görə, qaydalara əsasən dünya liderləri protokolların tərtib edildiyi ənənəvi diplomatiya dili olan fransız dilində ölkələrinin adı ilə əlifba sırası ilə oturmalı idilər.

Vatikan protokol qaydalarının pozulduğunu inkar etməyib.