Polşa hökuməti Gürcüstan hüquq-mühafizə orqanlarının 8 nümayəndəsinin ölkəyə girişini məhdudlaşdırıb.

"Turaztv.az" “Report”-a istinadən xəbər verir ki, bu barədə ölkənin Xarici İşlər Nazirliyi sosial şəbəkədə məlumat yayıb.

“Gürcüstanda müxalifətə qarşı gücləndirilmiş repressiyalara cavab olaraq, Polşa etirazçılara qarşı güc tətbiq etməkdə məsul olan təhlükəsizlik qüvvələrinin səkkiz üzvünə ölkəyə giriş qadağası qoyub”, - bəyanatda deyilir.

Polşaya Gürcüstanın girişi qadağan edilən güc strukturlarının nümayəndələrinin adları açıqlanmır.