İllər heç vaxt insan ömründə izsiz ötüb keçmir. Hər bir zaman kəsiyi həm də dostların sınaq mərhələsidir. Yaş üstə yaş gəldikcə yeni dostlar qazanırsan və yaxud hansısa dostu “itirirsən”. Onsuz da sayı çox az olan əsil dostlar isə heç vaxt itirilmir. Əsl dostlar haqqında söhbət düşəndə həmişə müəllifini unutduğum bir şeiri xatırlayıram:



Təbii ki, söhbət əsl dostlardan gedir və mənim üçün belə dostlardan biri Ağayusif Abdulxalıq oğlu Ələkbərovdur. Gözəl baharın gözəl aylarından biri olan aprelin 12-də dünyaya göz açan dəyərli dostumu, həm də ən yaxın qohumumu (rəhmətlik anamın əmisi nəvəsidir) doğum günü münasibətilə səmimi qəlbdən təbrik edir, ona möhkəm cansağlığı, səmərəli iş sahəsində məhsuldarlıq, fəaliyyətində uğurlar diləyirəm.
Ağayusif Ələkbərov həmişə, hər yerdə yeri görünən bir dostdur. Həyatın çətinliklərinə və problemlərinə baxmayaraq onun çöhrəsində həmişə gülüş görmək olur. Əsl insan odur ki, qarşılaşdığı çətinliklərə, yaşadığı problemlərə gülüşlə, yumorla cavab versin. Ağayusif müəllim də məhz belə insanlardandır. İşin ağırlığı onun üzərinə düşsə də və işlərinin çoxluğuna baxmayaraq hələ bir dəfə alnını turşutmayıb, sifətinin bircə cizgisi ilə də narazılığını hiss etdirməyib. İllərdir onu tanıdığmdan deyə bilərəm ki, Ağayusif Ələkbərov xoş ruzili iş adamıdır, zəhmətkeşdir, öz iş sahəsində fədakardır, öz işinin kamil bilicisidir, təşəbbüskardır. Tətbiq etdiyi yeniliklər istehsalatda öz səmərəsini verir.
Əslən İsmayıllı rayonunun Basqal qəsəbəsindən A.Ələkbərovun bioqrafıyasında bu qədim məkanın xüsusi yeri var. Heç bir tərəddüdsüz deyə bilərəm ki, onun nəinki Basqal, İsmayıllı, hətta Azərbaycanımız haqqında bilgiləri çox zəngindir. Bir də ona sevinirəm ki, Ağayusif müəllim təkcə mənim yox, onun xeyirxahlığını görmüş insanların dostudur.
Əziz dostumuz, bir daha ad günün mübarək! Sizə ailənizlə, övladlarınızla və bütün doğmalarınızla bərabər xoşbəxt illər nəsibin olsun!