Düşünürəm ki, bu, burada oxuyan şagirdlər üçün, müəllimlər üçün böyük bir hadisədir.

Turaztv.az APA-ya istinadən xəbər verir ki, bunu bu gün Azərbaycanın Milli Qəhrəmanı Natiq Qasımovun adına olan Mingəçevir şəhəri 4 nömrəli tam orta məktəbdə səfərdə olan elm və təhsil naziri Emin Əmrullayev deyib.

“Həm şəhidimizin ailə üzvləri ilə, həm də məktəb rəhbərliyi ilə birlikdə ən yaxın zamanda müvafiq qaydada qanunvericiliyin tələbinə uyğun olaraq şəhid Natiq Qasımovun xatirəsinin əbədiləşdirilməsi bu məktəbdə nəzərdə tutulub. Bilirsiniz ki, qanunvericiliyə görə həm müvafiq qaydada büstün qoyulması, həm də məktəbin həm girişi, həm sinif otaqları, həm də müxtəlif aidiyyəti hissələrində işlərin görülməsini planlaşdırırıq. Bu isə öz növbəsində şagirdlərin gələcəkdə məhz Natiq Qasımovun timsalında qəhrəmanlıq nümunəsində tərbiyə almasını və Azərbaycanın inkişafı üçün daha yaxşı hazırlanmasını təmin edəcək.”, - deyə nazir bildirib.