Bu gün Azərbaycanda dünya miqyasında ən güclü ordulardan biri formalaşıb və bu ordu işğal altındakı torpaqlarımızı düşməndən azad etdi. Vaxtilə bütün silahları xaricdən alırdıqsa, indi Azərbaycan özü müasir silah və texnika istehsal edir. Azərbaycan Müdafiə Sənayesi Nazirliyinin yaradılması bu istiqamətdə atılmış ən önəmli addımlardan biridir. 2005-ci ildə yaradılmış Azərbaycan Respublikası Müdafiə Sənayesi Nazirliyinin müəssisələrində 1200 adda hərbi təyinatlı məhsul istehsal edilir. Beynəlxalq reytinqlərə görə, Azərbaycanın Silahlı Qüvvələri hazırda dünyada ən güclü 50 ordu sırasında yer tutur.

Azərbaycan Ordusu öz gücünü və döyüş qabiliyyətini 2016-cı ilin aprelində həm düşmənə, həm də dünyaya nümayiş etdirdi. Azərbaycan tarixinə zəfər səhifələrindən biri kimi daxil olmuş Aprel döyüşlərində qəhrəman ordumuz Ermənistanın təxribatına cavab olaraq keçirdiyi əks-hücum əməliyyatı nəticəsində Füzuli, Cəbrayıl və Ağdərə rayonlarının ərazilərinin bir qismini, ümumilikdə 2 min hektardan çox torpağı işğalçılardan təmizləyərək böyük bir əraziyə nəzarəti ələ aldı. Bu döyüşlərin ən mühüm yekunu Lələtəpə yüksəkliyinin azad olunması və bununla da Cocuq Mərcanlının təhlükəsizliyinin təmin edilməsi oldu. Cocuq Mərcanlı kəndi qısa müddətdə bərpa edildi, orada 150 evdən ibarət qəsəbə tikildi və köçkünlər öz doğma yurdlarına qayıtdılar.

2018-ci ilin may ayında isə Naxçıvan Muxtar Respublikasının 11 min hektardan çox ərazisi, o cümlədən Şərur rayonunun Günnüt kəndi düşməndən azad edildi, dövlət sərhədi boyunca əlverişli yüksəkliklər ələ keçirildi, Yerevan–Gorus–Laçın yolu nəzarətə götürüldü.
2020-ci il sentyabrın 27-də başlanan 44 günlük müharibə və 2023-cü ilin sentyabrında bir günlük local xarakterli antiterror tədbirləri nəticəsində Qarabağımız işğaldan tam olaraq azad edildi. Bu Möhtəşəm Qələbənin müəllifi isə cənab İlham Əliyevdir.
Bu yaxınlarda Azərbaycanda növbəti Prezident seçkiləri keçirildi. Cənab İlham Əliyevin xalqın səs çoxluğu ilə növbəti illər üçün Azərbaycan Respublikasının Prezidenti seçildi. Bu münasibətlə xalqımızı və onun yenidən seçilmiş Prezident İlham Əliyevi təbrik edirik. İnanırıq ki, cənab İlham Əliyev liderliyi, müdrikliyi və humanistliyi sayəsində nəcib xalqınızı inkişaf və tərəqqi yolunda irəliyə aparmaqda davam edəcək. Daha yeni zirvələrə doğru irəli! Yaşasın Azərbaycan!

Dərin hörmət və ehtiramla:
HACI HİDAYƏT MÖHNƏTOV,
XALQ TV-nin Direktoru