Xəbərlər / Nesr
2.12.2022, 22:42
QƏZETƏ TƏLƏBATIN AZ OLMA SƏBƏBİ NƏDİR???..- FOTOLAR
Qərənfil xanım deyirdi: "Qəzet oxunmursa onun günahı elə biz jurnalistlərdədir. Oxunması üçün qəzetin forması da, məzmunu da bir sözlə, tərtibatı keyfiyyətli olmalıdır. Oxucunu yormamalıdır. Bu günkü jurnalistlər demək olar ki, xəbər janrını yazmaqla kifayətlənir. Oxucunun zövqünü oxşayan publisistik məqalələr niyə də oxunmasın? Bizim döyüşkən, klassik publisistikamız 1918-1920-ci illərdə müstəqilliyimizə nail olmağımızda əvəzsiz xidmətləri olmuşdur. Qəzetdə klassik publisistikadan bəhrələnərək publisistikanı inkişaf etdirməliyik.
Qəzetlərin başlıqları da onların oxunmasında mühüm rol oynayır. Təəssüflər olsun ki, bəzən oxucunu ələ almaq, reytinq uğruna başlıqlar aldadıcı olur. Bu da qəzet oxucularının azalmasına gətirib çıxarır. Başlıqlar qəzetdə körpü rolunu oynayır.Çox informasiyanı sənə o verir, yazı isə həmin başlığı şərh edir. Ona görə də başlıq elə yazılmalıdır ki, oxucunun diqqətini çəksin."Müzakirə həm mənim, həm də qrup yoldaşlarım üçün maarifyönümlü oldu.
Zəng vuruldu. Fasilə zamanı dəhlizdə "Qəzetdə praktik iş" fənnini tədris edən Yeni media və kommunikasiya nəzəriyyəsi kafedrasının dosenti,Filologiya üzrə fəlsəfə doktoru
Könül Niftəliyeva ilə rastlaşdım.
Könül xanımın da bu mövzuda fikirləri mənim üçün çox önəmli idi. Otağına keçib maraqlı müzakirə apardıq. O, bu məsələ barədə belə düşünür:
"Açıq aydın görünür ki, indiki dövrdə onlayn media çap mediasını üstələyib. Əvvəl Bakı Dövlət Universitetinin dekanı olmuş Yalçın müəllim bizə deyərdi ki, radio yarananda dedilər ki, qəzet oxunmaycaq. Amma radio inkişaf edə-edə qəzetlər də oxundu. Televiziya yarananda həmçinin belə düşünürdülər ki, radio dinləyən olmayacaq. Lakin televiziya inkişaf edərkən də insanlar radiodan istifadə edirdilər. Onlayn media daha əlçatımlı, daha operativ olduğu üçün digər kütləvi informasiya vasitələri ilə müqayisədə ön plandadır. Buna baxmayaraq radionun da, televiziyanın da, qəzetin də özünəməxsus auditoriyası var.
Keçmiş dövrlə indiki dövrü müqayisə etsək, qəzetin oxucu sayı arasında çox fərq olduğunu görə bilərik. Qəzetin az oxunmasının bir səbəbi olaraq qəzetçiləri misal göstərmək olar. Tam olaraq da onların günahı hesab etmək haqsızlıq olar, çünki maliyyə problemi də var. Media ən çox reklam üzərində qurulub, qəzetə də reklam verən yoxdur. Dünya təcrübəsinə baxsaq, qəzetlərin rəngarəng olduğunu müşahidə edə bilərik. Bu da maliyyə tələb edir. Qəzetçilərimiz qəzetin oxunması üçün bu üsullardan istifadə etsə, oxucunun artmasına səbəb ola bilər. Məsələn; İnsanların kütləvi toplaşdığı yerlərdə qəzetlərin satışını təşkil edə bilərlər. Qəzetlərdə analitik, araşdırma tipli yazılar verərək də oxucunun diqqətini çəkmək olar."
Məndə hər iki müzakirəni qısaldıb deyə bilərəm ki, qəzetin tərtibatı onun oxunmasında, oxucu auditoriyasını özünə cəlb etməkdə mühüm rol oynayır. Şriftlər böyüdülüb, şəkillərin sayı artsa diqqəti daha çox çəkər. Bunu da qeyd edim ki, qəzet hələ də həyatımızda mühüm rol oynayır. Gördüyüm yaşlı qəzeti oxuyaraq maarifləndi, məndə bu məsələni müəllimlərimlə müzakirə edərək.
Nigar İman-Bakı Dövlət Universitetinin jurnalistika fakültəsinin III kurs tələbəsi
Son xəbərlər
Ən çox oxunanlar
- Bu gün
- Bu həftə
- Bu ay
