https://turaztv.az/ Turaztv.az[shortrss] https://turaztv.az/xeberler/67376-sndn-sonra-hr-ey-hvslsiz-olmuam-foto.html https://turaztv.az/xeberler/67376-sndn-sonra-hr-ey-hvslsiz-olmuam-foto.html

Xəbərlər turaztv Sun, 16 Aug 2026 01:20:05 +0400 [/shortrss] [fullrss] https://turaztv.az/xeberler/67376-sndn-sonra-hr-ey-hvslsiz-olmuam-foto.html https://turaztv.az/xeberler/67376-sndn-sonra-hr-ey-hvslsiz-olmuam-foto.html
]]> turaztv Sun, 16 Aug 2026 01:20:05 +0400 [/fullrss] [yandexrss] https://turaztv.az/xeberler/67376-sndn-sonra-hr-ey-hvslsiz-olmuam-foto.html

Xəbərlər Sun, 16 Aug 2026 01:20:05 +0400

Qürbətin soyuğunda
Kazan vağzalındayam.
Yeddinci sahədəyəm,
saat üçə işləyir.
Yanımda xəyalındı
qatara gecikirik,
əlini ver , tez çataq.
Bizim dəli sevgimiz
hər şeyi yenməlidi.
Yenə bu boz vaqonda
bələdçi ermənidi.
Kupeni dəyişmədim,
o da heç qarışmadı..

Sən də xatırlayırsan?-
yol boyunca yediyin
Qaragilə dadını.
Taxta- taxta evləri,
mənim xəyallarımı,
sənin inadlarını.
Bizimlə yol yoldaşı
Piterə toya gedən
iki Tacik qadını?
Sonra üşüməyinə
beş yorğan bəs etmədi,
səhərəcən gülüşdük.
Şərfimə də büründün,
səni bağrıma basdım
nəfəsimdə isindin,
ətrimə də büründün
daha heç danışmadıq.

Sənsiz axşamdı burda
Volqanın düz üstünə
kədərli bir ay gəlib.
Biz gələndə qış idi,
indi bura yay gəlib.
Adımı sahilinə
yazdığın Ob çayından
ləpə- ləpə qan axır.
Bu boş müharibələr
bir qan - qada verir ki.
Rəsmi Moskva bu gün
bəyanatda deyib ki ,
Tramp ilə anlaşıb.
Dağılıb tamam ölkə.
Amma rus əsgərləri
Xarkova yaxınlaşıb.
Putin sənə bənzəyir
görərsən, hikkəsindən
xalqı bada verəcək!

Səndən sonra hər şeyə
hövsələsiz olmuşam.
Daha şampunlarıma
mixək filan qatmıram.
Gündüz içki içirəm,
gecə yuxu yatmıram.
Bütün günahlarına
dönüb-dönüb baxmışam.
Sənə bir məktub yazıb
Nevaya buraxmışam.
Deyinirəm bütün gün.
heç nədən yoruluram.
Səni unutmaq üçün
hamıya vuruluram.
Durub boş şeyin üstə
qızımı da döyürəm.
Etmədiyim səhvlərə
dizimi də döyürəm.
lənətə gəlsin hərşey.

Saat üçə işləyir,
Kazan vağzalındayam.
Mən yenə qürbətdəyəm,
ölümün ağzındayam.
Bilirsən ki, başımın çarəsinə baxmağı
yaxşıca öyrənmişəm.
Yenə bu boz vaqonda
bələdçi ermənidi
Deyir “ ara , minməsin “
Gəl buna anlad indi,
bir sərnişin iki yer
niyə ala bilməsin? -
sən mənim yanımdasan.
Əlini ver tez çataq,
Kazan vağzalındayam,
qatara gecikirik…

[/yandexrss][shortrss] https://turaztv.az/xeberler/67387-yazlarla-tslli-taprq.html https://turaztv.az/xeberler/67387-yazlarla-tslli-taprq.html

Xəbərlər turaztv Sun, 16 Aug 2026 00:28:07 +0400 [/shortrss] [fullrss] https://turaztv.az/xeberler/67387-yazlarla-tslli-taprq.html https://turaztv.az/xeberler/67387-yazlarla-tslli-taprq.html ]]> turaztv Sun, 16 Aug 2026 00:28:07 +0400 [/fullrss] [yandexrss] https://turaztv.az/xeberler/67387-yazlarla-tslli-taprq.html

Xəbərlər Sun, 16 Aug 2026 00:28:07 +0400

Sənubər Səhər,
Jurnalist

Düşüncələrini, bilgilərini qələmə alanlar yəqin ki, mənimlə razılaşacaqlar.
Bu ehtiyacın müvafiq bacarıqla uzlaşması qəlblərə rahatlıq gətirməklə yanaşı, həyati varlığımızın qiymətləndirilməsində də böyük rol oynayır.
Məncə, həyat paylaşımsız, öyrəntisiz boş səhralığa dönər. Mənəvi aclıq insanlığı məhv edər.
Yazdıqlarımızın qiymətini də mütləq eşitməliyik. Bu qiymətlərin nəticələrinə uyğun yaşamalıyıq, işləməliyik, düşünməliyik...
Niyə yaşayırıq? Hər kəs yazmağı bacarmır ki...
Fikirlərini tam ifadə edə bilmək bacarığı da hər kəsdə yoxdur.
O insanlara əməllərinə görə qiymət verə bilənlər isə var.
Heç kim tək özünə görə yaşaya bilməz. Bizi öyrədiblər, biz də öyrətməliyik.
Yaşam ehtiyacının ayrılmaz hissəsindən biri olan biliklər ölənə qədər bizi təqib edir.
Həyatımızın hər bir sahəsi yeni biliklərə ehtiyacla yaşayır.
Hər kəs öz marağına uyğun sahələrə üz tutsa da, ehtiyaclar və kənar təsirlər bizi fərqli ünvanları da öyrənməyə məcbur edir.
Bu öyrəntilər maraq və bilik dairəmizi genişləndirsə də həyat yolumuzu tam dəyişmir.
Kimlərinsə haqqında “gündə bir ağla qulluq edir” anlayışı da var amma...
Onları necə başa düşək?
Başa düşməyin, yol göstərməyin, kömək etməyin xeyri olurmu?
Bunlar çox çətin suallar oldu.
Məncə bu haqda psixoloq danışmalıdır.
Yazılarımız da çox zaman psixoloji təsir, məsləhət, anlayış çərçivəsində olsa da, fərdi durum vəziyyəti başqa suallar doğurur.
Yazaq, yaza bilməsək danışaq, danışa bilməsək göstərək - əməllərimizlə, münasibətlərimizlə.
Hamımız gündə bir ağıla qulluq edək – ağıla, ağıllara, ağıllılara.
Deyilənlərin müxtəlif anlamlarda qəbulunda mövcud dünyagörüşü də böyük rol oynayır.
Harda yaşamışıq? Necə yaşamışıq? Nəyi bilirik, nəyi bilmirik? Kimi sevirik, kimi sevmirik?
Həyat yolu, yaşam ortamları, bilgilər ömür səhifəmizi təmiz saxlasın.
Ətrafımızdakı çirkinlikləri təmizləməyə çalışanlar isə mübarizə yolunu bacarıqlarına uyğun müəyyənləşdirsinlər, öz bacarıqlarının da düzgün qiymətini görsünlər.
Arzular da pisliklərdən uzaq olsun.
Sevinək ki, hələ ki, pislik yaxşılığı üstələməyib.
Tufanlar müvəqqətidir.
Dağıntıları bərpa etmək bacarığı hələ yaşayır. [/yandexrss][shortrss] https://turaztv.az/xeberler/67390-hsnxan-sdov-dostum-foto.html https://turaztv.az/xeberler/67390-hsnxan-sdov-dostum-foto.html

Xəbərlər turaztv Sun, 16 Aug 2026 00:22:56 +0400 [/shortrss] [fullrss] https://turaztv.az/xeberler/67390-hsnxan-sdov-dostum-foto.html https://turaztv.az/xeberler/67390-hsnxan-sdov-dostum-foto.html ]]> turaztv Sun, 16 Aug 2026 00:22:56 +0400 [/fullrss] [yandexrss] https://turaztv.az/xeberler/67390-hsnxan-sdov-dostum-foto.html

Xəbərlər Sun, 16 Aug 2026 00:22:56 +0400

Nütfəsi xaraba, zatı qırıqa,
Çevirmə arxanı,ayıq ol, dostum!
Çörəyi diz üstə olan insana,
Süfrəndə yer vermə, nə sirr böl dostum!

Ağac bar verəndə başını əyir,
Meyvə saralanda yetişir, dəyir.
Heçnə bu dünyada əvəzsiz deyil,
Bilərək acıya demə bal,dostum!,

Olma yan - yörənə soyuq qış kimi,
Hopma ürəklərə pis qarğış kimi,
Qopub çəpiklərdən gəl alqış kimi,
Sevəni sən də sev, danış, gül dostum!

Qonsada başına şahlığın quşu,
Yayın istisində unutma qışı,
Əl uzad, dəstəklə yetimi, kişi,
Axirət dünyanı yadasal,dostum !.

Qeyrətin gözünün oyulmasına,
Qız - gəlinə böhtan deyilməsinə,
Mərdin namərdə əyilməsinə,
Müsayət eyləmə, vermə yol dostum!

Gəzmə el içində ayaq "ucunda",
Qorğatək tullanıb düşmə "saç"ında,
Bilki Allahı var,kasıb, açın da,
Hər kəslə xoş danış, könül al, dostum!.

Sönmüş ocaqlarda qoru sevindir,
Səs-səmir duymayan karı sevindir,
Həsənxan, mübtəla koru sevindir,
Nadana ağıl ver, göstər yol dostum!
15.08.2026 [/yandexrss][shortrss] https://turaztv.az/xeberler/67393-kuryer-200-azn-bxi-verdi-gndm-oldu.html https://turaztv.az/xeberler/67393-kuryer-200-azn-bxi-verdi-gndm-oldu.html

Xəbərlər turaztv Sun, 16 Aug 2026 00:22:33 +0400 [/shortrss] [fullrss] https://turaztv.az/xeberler/67393-kuryer-200-azn-bxi-verdi-gndm-oldu.html https://turaztv.az/xeberler/67393-kuryer-200-azn-bxi-verdi-gndm-oldu.html ]]> turaztv Sun, 16 Aug 2026 00:22:33 +0400 [/fullrss] [yandexrss] https://turaztv.az/xeberler/67393-kuryer-200-azn-bxi-verdi-gndm-oldu.html

Xəbərlər Sun, 16 Aug 2026 00:22:33 +0400

Əməkdar artist Bəhram Bağırzadə kuryeri təəccübləndirib.

"Unikal" xəbər verir ki, aktyor cəmi 100 metr məsafədən kuryer vasitəsilə sifariş verib. Sifarişi çatdıran kuryer B.Bağırzadəni qarşısında görəndə təəccüblənib.

Aktyor isə kuryerə 200 manat bəxşiş verib. Bu məbləği görən kuryer təəccüblə “Ciddisiniz” deyə soruşub.

B.Bağırzadə isə “Sür, get” cavabını verərək kuryeri yola salıb. (Axşam.az) [/yandexrss][shortrss] https://turaztv.az/xeberler/67392-tamamil-sni-intellektdn-istifad-ediln-ilk-serial-yaymland.html https://turaztv.az/xeberler/67392-tamamil-sni-intellektdn-istifad-ediln-ilk-serial-yaymland.html

Xəbərlər turaztv Sat, 15 Aug 2026 23:05:33 +0400 [/shortrss] [fullrss] https://turaztv.az/xeberler/67392-tamamil-sni-intellektdn-istifad-ediln-ilk-serial-yaymland.html https://turaztv.az/xeberler/67392-tamamil-sni-intellektdn-istifad-ediln-ilk-serial-yaymland.html ]]> turaztv Sat, 15 Aug 2026 23:05:33 +0400 [/fullrss] [yandexrss] https://turaztv.az/xeberler/67392-tamamil-sni-intellektdn-istifad-ediln-ilk-serial-yaymland.html

Xəbərlər Sat, 15 Aug 2026 23:05:33 +0400

Tamamilə süni intellektdən istifadə edilərək istehsal olunmuş ilk türk serialı yayımlanıb.

"Unikal" xəbər verir ki, iki 15 dəqiqəlik bölümdən ibarət olan "Qala Divarları" adlı kvazi-tarixi serial Amazon Prime onlayn platformasında təqdim olunub.

Serial müasir İran ərazisində yerləşən Ələmut qalasında baş verir və müxtəlif dillərdə əsl aktyorlar və səsləndirmələr yer alır.

Layihənin ssenarisini əvvəllər "El Turco" serialında çalışmış Kerem Deren və Çısil Hazal yazıblar. İstehsal şirkəti Ay Yapım, "əməliyyat təkmilləşdirmələri və yaradıcı incəlik" üçün ChatGPT və "vizual tədqiqat və ilham üçün MidJourney" çatbotlarını işə götürdüklərini bildirib. Yaradıcılar həmçinin Runway, Google Nano Banana, Veo, Kling, ComfyUI və Topaz-dan botlardan da istifadə ediblər.

[/yandexrss][shortrss] https://turaztv.az/xeberler/67391-premyer-liqa-son-empion-sabah-mvsm-qlb-il-balayb.html https://turaztv.az/xeberler/67391-premyer-liqa-son-empion-sabah-mvsm-qlb-il-balayb.html

Xəbərlər turaztv Sat, 15 Aug 2026 23:01:34 +0400 [/shortrss] [fullrss] https://turaztv.az/xeberler/67391-premyer-liqa-son-empion-sabah-mvsm-qlb-il-balayb.html https://turaztv.az/xeberler/67391-premyer-liqa-son-empion-sabah-mvsm-qlb-il-balayb.html ]]> turaztv Sat, 15 Aug 2026 23:01:34 +0400 [/fullrss] [yandexrss] https://turaztv.az/xeberler/67391-premyer-liqa-son-empion-sabah-mvsm-qlb-il-balayb.html

Xəbərlər Sat, 15 Aug 2026 23:01:34 +0400

Futbol üzrə Azərbaycan Premyer Liqasında I turun daha iki oyunu keçirilib.

AZƏRTAC xəbər verir ki, əvvəlcə meydana "Araz-Naxçıvan" və "İmişli" komandaları çıxıblar. Qəbələ şəhər stadionunda təşkil olunacaq görüşdə hesab açılmayıb - 0:0.

Digər matçda isə son çempion "Sabah" "Kəpəz"i qəbul edib. Masazırda yerləşən "Bank Respublika Arena"da baş tutan qarşılaşma paytaxt təmsilçisinin 2:0 hesablı qələbəsi ilə yekunlaşıb. Qolları Coy-Lens Mikels və Ksander Severina vurublar.

Qeyd edək ki, mövsümün açılış matçında "Turan Tovuz" doğma meydanda "Qəbələ"ni 1:0 hesabı ilə üstələyib. Turun digər oyunları avqustun 16-17-də keçiriləcək. [/yandexrss][shortrss] https://turaztv.az/xeberler/67389-tzyiqi-lmk-n-hans-qol-daha-yaxdr.html https://turaztv.az/xeberler/67389-tzyiqi-lmk-n-hans-qol-daha-yaxdr.html

Xəbərlər turaztv Sat, 15 Aug 2026 22:43:08 +0400 [/shortrss] [fullrss] https://turaztv.az/xeberler/67389-tzyiqi-lmk-n-hans-qol-daha-yaxdr.html https://turaztv.az/xeberler/67389-tzyiqi-lmk-n-hans-qol-daha-yaxdr.html ]]> turaztv Sat, 15 Aug 2026 22:43:08 +0400 [/fullrss] [yandexrss] https://turaztv.az/xeberler/67389-tzyiqi-lmk-n-hans-qol-daha-yaxdr.html

Xəbərlər Sat, 15 Aug 2026 22:43:08 +0400

Arterial təzyiqin düzgün ölçülməsi bir sıra vacib qaydalara əməl etməyi tələb edir. Bu proses sadəcə manjeti qola bağlayıb təzyiq ölçən aparatın düyməsini basmaqdan ibarət deyil.

Qolun vəziyyəti niyə vacibdir?
Təzyiqin dəqiq ölçülməsində əsas amillərdən biri qolun düzgün vəziyyətdə saxlanılmasıdır. 2024-cü ildə yayımlanan klinik araşdırmanın nəticələrinə görə, qolun mövqeyində hətta kiçik dəyişikliklər belə nəticələri əhəmiyyətli dərəcədə təhrif edir.

Fərq 4–10 mm civə sütununa qədər çatır. Bu isə insanın sağlamlıq vəziyyətinin səhv qiymətləndirilməsinə səbəb olur.

Əgər qolunuzu dizinizin üstündə saxlayırsınızsa və ya sərbəst şəkildə aşağı sallayırsınızsa, təzyiq göstəriciləri real göstəricidən daha yüksək çıxacaq.

Mütəxəssislər qolu həmişə ürək səviyyəsində saxlamağı tövsiyə edirlər. Bu, xarici amillərin təsirini azaldır və daha etibarlı nəticə əldə etməyə imkan verir.

Təzyiqi necə düzgün ölçmək lazımdır?
Qol sabit səthin üzərində və ürək səviyyəsində olmalıdır. Bunun üçün masa və ya başqa uyğun dayaqdan istifadə etmək olar.

Oturarkən kürəyiniz dayağa söykənməli, ayaqlarınız yerə tam basmalı və bir-birinin üstünə keçirilməməlidir.

Ölçmədən əvvəl bir neçə dəqiqə sakit oturmaq, proses zamanı isə hərəkət etməmək və danışmamaq vacibdir. Hətta kiçik fiziki aktivlik və söhbət belə nəticəyə təsir göstərə bilər.

Beləliklə, arterial təzyiqi düzgün ölçmək üçün manjetin düzgün taxılması ilə yanaşı qolun mövqeyi, oturuş forması və ölçmə zamanı sakit qalmaq da mühüm əhəmiyyət daşıyır. Bu qaydalara əməl etməklə daha dəqiq nəticə əldə etmək və göstəricilərin yanlış qiymətləndirilməsinin qarşısını almaq mümkündür.

[/yandexrss][shortrss] https://turaztv.az/xeberler/67388-bir-insan-portretin-doru-fotolar.html https://turaztv.az/xeberler/67388-bir-insan-portretin-doru-fotolar.html

Xəbərlər turaztv Sat, 15 Aug 2026 22:34:13 +0400 [/shortrss] [fullrss] https://turaztv.az/xeberler/67388-bir-insan-portretin-doru-fotolar.html https://turaztv.az/xeberler/67388-bir-insan-portretin-doru-fotolar.html ]]> turaztv Sat, 15 Aug 2026 22:34:13 +0400 [/fullrss] [yandexrss] https://turaztv.az/xeberler/67388-bir-insan-portretin-doru-fotolar.html

Xəbərlər Sat, 15 Aug 2026 22:34:13 +0400

Bəzi adamların haqqında yazmaq çətindir. Çünki onları bir neçə cümləyə sığışdırmaq olmur. İnsan var ki, haqqında danışanda əvvəlcə gördüyün sima gəlir gözünün qabağına, sonra səsi, sonra bir sözü, bir hərəkəti... Və birdən anlayırsan ki, sən əslində bir adamdan yox, bütöv bir ömürdən danışırsan. Nərminə Quliyeva haqqında düşünəndə məndə belə bir duyğu yaranır.
Nərminə adı mənə həmişə bir incəlik, bir doğmalıq hissi verir. Amma adın özü heç nə deməzdi, əgər onu daşıyan insan öz ömrü ilə həmin ada məna verməsəydi. İnsan öz adını zamanla özü yazır. Kimi adını böyük səslə yazır, kimi sakitcə. Kimi həyatdan keçib gedir, arxasında heç nə qoymur, kimi də bir neçə insanın qəlbində elə iz salır ki, illər o izi silə bilmir.
Nərminə Quliyeva da mənim üçün məhz belə insanlardandır - haqqında danışanda insanın yadına ilk növbədə onun insani tərəfi düşür. Çünki həyatda insanın əsl qiyməti nə vəzifəsi, nə var-dövləti, nə də haqqında deyilən sözlərin çoxluğu ilə ölçülür. İnsan insanlığının böyüklüyü ilə ölçülür. Birinə necə baxdı, birinin dərdini necə dinlədi, dar günündə kiminsə yanında necə dayandı - əsl ölçü budur!
Nərminə xanımın həyatında xüsusi bir doğmalıq da var: o, Şelli Tağıyevanın bacısıdır. Bacılıq, sadəcə, eyni evin, eyni soyadın, eyni uşaqlıq xatirələrinin bölüşülməsi deyil. Bacı olmaq bəzən bir-birinin danışmadığı sözü də duymaqdır. Uşaqlıqdan qalan bir baxışla biri-birini anlamaqdır. Həyatın müxtəlif yollarında uzaq düşsələr belə, ürəklərində biri-birinə açılan qapını həmişə açıq saxlamaqdır.
Bacılar haqqında düşünəndə adamın ağlına uşaqlıq gəlir. Bir ev, bir həyət, bir süfrə, bir pəncərə önündə edilən söhbətlər... Sonra illər keçir. Uşaqlıq böyüyür, insanlar dəyişir, həyat onları müxtəlif istiqamətlərə aparır. Amma uşaqlığın yaddaşı dəyişmir. O yaddaşın içində bacının səsi də qalır, gülüşü də, birgə yaşanan xırda hadisələr də. Bəlkə insanın ən böyük sərvətlərindən biri də budur: keçmişdən gələn və gələcəyə gedən bir doğmalığın olması.
Şelli Tağıyevanın bacısı olmaq Nərminə xanım haqqında danışarkən onun həyatındakı bu doğmalıq qatını daha da görünən edir. Ancaq hər bir insan kimi Nərminə Quliyevanın da özünəməxsus dünyası, öz xarakteri, öz yolu var. İnsan bir ailənin parçasıdır, amma eyni zamanda özü ayrıca bir aləmdir. Bacı-bacıya bənzəyə bilər, amma heç bir insan digərinin təkrarı deyil. Hər kəs öz ömrünün cümləsini özü yazır.
Məncə, Nərminə xanımın ən gözəl tərəflərindən biri də insanlarla münasibətdə səmimiyyətin əhəmiyyətini bilməsidir. Səmimiyyət qəribə bir şeydir. Onu gözlə görmək olmur, əllə tutmaq olmur, amma hiss etmək olur. Səmimi insanın yanında adam özünü rahat hiss edir. Çünki orada süni təbəssümə, artıq sözə, özünü olduğundan başqa göstərməyə ehtiyac qalmır.
Həyatda çox adam tanıyırıq. Bəzilərinin adı yadımızda qalır, özləri yox. Bəzilərinin isə adı çəkiləndə içimizdə bir istilik yaranır. “Hə, yaxşı insan idi...” deyirik. Məncə, insan haqqında deyilə biləcək ən böyük sözlərdən biri də budur: “YAXŞI İNSANDIR.” Çünki bundan böyük titul yoxdur.
İnsan ömrü qəribə bir yoldur. Bu yolun başlanğıcını xatırlamırıq, sonunu da bilmirik. Yolun ortasında isə biri-birimizə rast gəlirik. Kimisi ötəri yol yoldaşı olur, kimisi isə ömrümüzün bir parçasına çevrilir. Bəzən bir insanın bizə dediyi adi bir söz illər sonra yadımıza düşür. O vaxt anlayırıq ki, söz adi deyilmiş. Sadəcə, biz onun qiymətini həmin gün bilməmişik.
Nərminə Quliyeva haqqında yazarkən mənə elə gəlir ki, əsas məsələ onu böyük və pafoslu sözlərlə tərifləmək deyil. Əsas məsələ onun simasında insanın gözəlliyini görməkdir. Çünki həqiqi gözəllik üz cizgilərində yox, davranışdadır, insanın iş dünyasındadır, pak qəlbindədir. İnsanın gözəlliyi onun başqasının kədərinə biganə qalmamasındadır. Bir insanın ürəyində özündən başqa adamlara da yer ayıra bilməsindədir.
Bəzən dünyanı dəyişməkdən danışırlar. Halbuki dünya bir gündə dəyişmir. Dünya bir insanın digərinə yaxşı münasibətindən başlayır. Bir xoş söz, bir kömək, bir təbəssüm, bir “mən sənin yanındayam” demək - bunlar balaca görünür. Amma həyatın böyük dəyişiklikləri də elə belə balaca yaxşılıqlardan yaranır.
Nərminə xanımın obrazı haqqında düşünəndə mənim üçün ən qiymətli məqam da budur: insanın özündən sonra qoyduğu mənəvi iz. Çünki hər şey gəlib keçir. Günlər keçir, illər keçir, insanın saçına ağ düşür, yollar uzaqlaşır. Bir gün dönüb arxaya baxırsan və görürsən ki, əslində, həyat boyu topladığın ən qiymətli şey əşyalar yox, insanlardır. Kimə yaxşılıq etmisən, kimdən yaxşılıq görmüsən, kimin qəlbində iz qoymusan - ömrün həqiqi hesabı budur.
Nərminə Quliyevanın Şelli Tağıyeva ilə bacılıq münasibəti də bu mənada ayrıca dəyər daşıyır. Çünki ailə insanın ilk məktəbidir. Orada insan sevgini öyrənir, bölüşməyi öyrənir, bağışlamağı öyrənir. Bacı-qardaş, ata-ana, övlad münasibətləri insanın xarakterinə görünməz hərflərlə yazılır. Sonra həyat həmin hərfləri müxtəlif yollarla oxuyur.
Bəlkə də insan haqqında ən gözəl esse onunla eyni süfrədə oturan, onunla yol gedən, onun sevincini və kədərini görən insanların qəlbində yazılır. Biz kağız üzərində yalnız həmin yazının bir hissəsini ifadə edə bilərik. Əsl portreti isə insanın ətrafındakıların yaddaşı yaradır.
Nərminə Quliyeva haqqında mənim düşüncəm də belə bir yaddaşın içindən keçir. Bu yaddaşda səmimiyyət var, doğmalıq var, bacılığın isti nəfəsi var. Şelli Tağıyevanın bacısı olması isə bu portretə başqa bir rəng qatır: insanın yalnız özü ilə deyil, mənsub olduğu ailə və daşıdığı mənəvi bağlarla da yaşadığını xatırladır.
Axı insan tək yaşamır. Birinin bacısıdır, birinin övladıdır, birinin dostudur, birinin sirdaşıdır. Və bütün bu münasibətlərin içində özünü tapır. İnsan haqqında danışanda əslində onun toxunduğu həyatlara da toxunuruq.
Sonda bir həqiqət qalır: İNSANIN BÖYÜKLÜYÜ DÜNYADA NƏ QƏDƏR YER TUTMASI İLƏ YOX, NEÇƏ İNSANIN QƏLBİNDƏ YAXŞI YER TUTMASI İLƏ ÖLÇÜLÜR.
Bu dünya böyükdür, insan ömrü isə kiçik. Bu böyük dünyada özümüzdən sonra nə qoyub gedəcəyimizi heç kim dəqiq bilmir. Ev, pul, şöhrət - bunların hamısı bir gün arxada qalır. Amma insanın başqa bir insanın qəlbində qoyduğu yaxşı iz qalır. Bəlkə də ömrün ən böyük mənası elə budur!
Nərminə Quliyevanın adına mənim baxışım da məhz bu düşüncənin içindən keçir: İNSAN OLMAQ, İNSAN QALMAQ VƏ İNSANLARA YAXŞILIQ ETMƏYİ BACARMAQ. Çünki həyatda hər şey dəyişir. İllər keçir, yollar dəyişir, zaman öz sözünü deyir. Amma yaxşı insan haqqında deyilmiş xoş söz köhnəlmir.
İnsan gedir, izi qalır.
Əslində, insanın dünyadakı ən uzun ömrü də elə həmin izdir.
Nərminə Quliyevanın adı haqqında yazılan hər gözəl sözün arxasında da, məncə, bu həqiqət dayanmalıdır. Çünki insanın ömrü bir gün bitir, amma onun insanlara verdiyi sevgi, göstərdiyi diqqət, yaratdığı xoş xatirə bitmir. İnsan bəzən özü gedir, amma səsi qalır. Bəzən siması uzaqlaşır, amma xatirəsi yaxın olur. Bəzən bir ad çəkilir və bir dünya yada düşür.
Nərminə Quliyeva adı da belə bir doğmalığın adı olsun.
Bir insanın haqqında deyilə biləcək ən gözəl söz isə bəlkə də budur:
YAXŞI Kİ VAR. YAXŞI Kİ BU DÜNYANIN YOLUNDAN KEÇİB VƏ ÖZÜNDƏN YAXŞI BİR IZ QOYUB.

Səmimiyyəti hər şeydən üstün tutan
Daşdəmir ƏJDƏROĞLU

[/yandexrss][shortrss] https://turaztv.az/xeberler/67386-yaylaqlar-daralr-srlr-azalr-t-kskin-bahalaacaq.html https://turaztv.az/xeberler/67386-yaylaqlar-daralr-srlr-azalr-t-kskin-bahalaacaq.html

Xəbərlər turaztv Sat, 15 Aug 2026 22:00:29 +0400 [/shortrss] [fullrss] https://turaztv.az/xeberler/67386-yaylaqlar-daralr-srlr-azalr-t-kskin-bahalaacaq.html https://turaztv.az/xeberler/67386-yaylaqlar-daralr-srlr-azalr-t-kskin-bahalaacaq.html ]]> turaztv Sat, 15 Aug 2026 22:00:29 +0400 [/fullrss] [yandexrss] https://turaztv.az/xeberler/67386-yaylaqlar-daralr-srlr-azalr-t-kskin-bahalaacaq.html

Xəbərlər Sat, 15 Aug 2026 22:00:29 +0400

Azərbaycan tarixən qoyunçuluğun ən geniş yayıldığı ölkələrdən biri olub. Uzun illər bu sahə kənd əhalisinin əsas məşğulluq istiqamətlərindən biri olmaqla yanaşı, ölkənin ət və yun məhsullarına olan tələbatının ödənilməsində mühüm rol oynayıb. Lakin son illər mənzərə dəyişməyə başlayıb. Yerli istehsalın müxtəlif problemlərlə üzləşdiyi bir vaxtda Gürcüstandan Azərbaycana diri qoyun idxalının əhəmiyyətli dərəcədə artması diqqət çəkir. Gürcüstanın Milli Statistika İdarəsinin məlumatına görə, bu ilin yanvar-iyun aylarında Azərbaycana 1,3 milyon ABŞ dolları dəyərində diri qoyun ixrac edilib. Bu, ötən ilin eyni dövrü ilə müqayisədə 2,5 dəfə çoxdur. Ümumilikdə isə Gürcüstan bu ilin ilk altı ayında xarici bazarlara 11,7 milyon ABŞ dolları dəyərində diri qoyun ixrac edib ki, bu da ötən ilin müvafiq dövrü ilə müqayisədə üç dəfə çoxdur. Ən böyük ixrac Səudiyyə Ərəbistanına həyata keçirilib. Sonrakı yerlərdə isə Qətər, Azərbaycan, Liviya və Küveyt qərarlaşıb.

Rəsmi statistika da ölkədə xırdabuynuzlu heyvanların sayının son illər azalma tendensiyası nümayiş etdirdiyini göstərir. Dövlət Statistika Komitəsinin məlumatına görə, 2026-cı il yanvarın 1-nə Azərbaycanda qoyun və keçilərin sayı 6 milyon 757,8 min baş olub. Bu, 2025-ci ilin eyni dövrü ilə müqayisədə 138,7 min baş və ya 2 faiz azdır. Son beş ilin statistikası da azalma meylinin davam etdiyini göstərir. Belə ki, 2021-ci ildə ölkədə 8 milyon 89,7 min baş, 2022-ci ildə 7 milyon 899,7 min baş, 2023-cü ildə 7 milyon 751,7 min baş, 2024-cü ildə 7 milyon 60,6 min baş, 2025-ci ildə isə 6 milyon 896,5 min baş qoyun və keçi qeydə alınıb. Beləliklə, son beş ildə ölkədə xırdabuynuzlu heyvanların sayı təxminən 1,3 milyon baş azalıb.
Bəs Azərbaycanda qoyunçuluğa marağın azalmasının səbəbləri nələrdir?

Mütəxəssislərin fikirincə, Azərbaycanda qoyunçuluğun inkişafına mane olan səbəblər müxtəlifdir. Otlaq və yaylaq sahələrinin azalması, iqlim dəyişiklikləri, yem və baytarlıq xidmətlərinin bahalaşması, eləcə də sahənin gəlirliliyinin aşağı düşməsi ənənəvi heyvandarlığın inkişafına mənfi təsir göstərir.

Yem və saxlanma xərcləri artıb

Liberal İqtisadçılar Mərkəzinin sədri Akif Nəsirlinin sözlərinə görə, son illərdə qoyunçuluğun əvvəlki cəlbediciliyini itirməsinin bir sıra iqtisadi və struktur səbəbləri var. Əsas problemlərdən biri yem və saxlanma xərclərinin əhəmiyyətli dərəcədə artmasıdır. Fermerlər əvvəlki illərlə müqayisədə heyvan yemini, baytarlıq xidmətlərini və digər istehsal vasitələrini daha yüksək qiymətə əldə edirlər. Nəticədə mənfəət azalır və kiçik təsərrüfatlar bu sahədən uzaqlaşmağa başlayır.

Digər mühüm amil otlaq sahələrinin azalması və bəzi ərazilərdə örüşlərdən istifadənin məhdudlaşmasıdır. Qoyunçuluq geniş otlaq sahələri tələb edən fəaliyyət növü olduğundan, otlaq imkanlarının məhdudlaşması fermerləri əlavə yem almağa məcbur edir. Bu isə istehsalın maya dəyərini yüksəldir. Bununla yanaşı, kənd yerlərində əmək qabiliyyətli əhalinin bir hissəsinin şəhərlərə üz tutması da qoyunçuluğun inkişaf tempinə mənfi təsir göstərən amillərdəndir.
Ekspert qeyd edib ki, Gürcüstanda bəzi bölgələrdə geniş təbii otlaq sahələrinin mövcudluğu, istehsal xərclərinin nisbətən aşağı olması və ixrac imkanlarının genişlənməsi qoyunçuluğun inkişafına müsbət təsir göstərib.

İstehsaldan satışadək əlverişli mühit

A.Nəsirli hesab edir ki, kəndlilərin qoyunçuluğa marağını yenidən artırmaq mümkündür. Bunun üçün ilk növbədə iqtisadi baxımdan cəlbedici mühit yaradılmalıdır. Onun sözlərinə görə, yem xərclərinin azaldılması istiqamətində tədbirlər görülməli, otlaq sahələri qorunmalı və səmərəli idarə olunmalı, kiçik fermerlər üçün güzəştli kredit və subsidiya mexanizmləri genişləndirilməli, damazlıq işi gücləndirilməli, baytarlıq xidmətlərinin əlçatanlığı yaxşılaşdırılmalıdır.

Ekspert əlavə edib ki, fermerlərin məhsullarını daha sərfəli qiymətə sata bilmələri üçün satış və emal infrastrukturunun inkişaf etdirilməsi də vacibdir. İstehsalçı məhsulunu bazara asan çıxara, gəlir əldə edə və gələcəyinə əmin ola bilsə, qoyunçuluğa maraq da artacaq. Onun fikrincə, bu sahənin inkişafı yalnız subsidiya ilə deyil, istehsaldan satışadək bütün zəncir üzrə əlverişli iqtisadi mühitin formalaşdırılması ilə mümkündür.

Turizm yaylaqları heyvandarlığın əlindən alır

İqtisadçı-ekspert Rauf Qarayev isə hesab edir ki, Azərbaycanda qoyunçuluğun üzləşdiyi əsas problemlərdən biri yaylaq və qışlaq sahələrinin getdikcə azalmasıdır. Onun sözlərinə görə, qoyunçuluğun inkişafı üçün ilk növbədə geniş otlaq sahələrinin mövcudluğu vacibdir. Əvvəllər bu baxımdan daha əlverişli şərait olsa da, son illər müxtəlif səbəblərdən həmin imkanlar tədricən məhdudlaşır. Ekspert bildirib ki, bunun əsas səbəblərindən biri iri torpaq sahələrinin müxtəlif məqsədlərlə istifadəyə verilməsidir. Onun sözlərinə görə, geniş ərazilərin fərdi istifadəyə keçməsi yaylaqların sahəsini kiçildir və nəticədə heyvandarlıq üçün yararlı otlaq fondu azalır.

R.Qarayev qeyd edib ki, iqlim dəyişiklikləri də vəziyyəti ağırlaşdıran əsas amillərdəndir. Kəskin hava şəraiti və quraqlığın artması otlaq sahələrində yem ehtiyatını azaldır. Bu problem Azərbaycanda Gürcüstanla müqayisədə daha qabarıq hiss olunur və istehsal xərclərinin artmasına səbəb olur.

İqtisadçının sözlərinə görə, yaylaq sahələrinin azalmasına təsir edən digər amillərdən biri də turizmin inkişafıdır. Son illər insanlar turizm potensialı yüksək olan ərazilərdə torpaq sahələri alır, fərdi evlər tikərək onları kirayəyə verirlər. Nəticədə vaxtilə yaylaq kimi istifadə olunan bəzi ərazilər artıq başqa məqsədlər üçün istifadə edilir.

Yem, dərman və mütəxəssis çatışmazlığı

Ekspert vurğulayıb ki, qoyunçuluğun inkişafına mənfi təsir göstərən digər amillərdən biri yem və baytarlıq xidmətlərinin yüksək qiymətidir. Onun sözlərinə görə, ölkəyə idxal olunan yemlər vergidən azad edilsə də, fermerlər üçün hələ də baha başa gəlir. Dərman preparatlarının yüksək qiyməti də sahənin gəlirliliyinə mənfi təsir göstərir.

İqtisadçı həmçinin baytarlıq xidmətlərinin keyfiyyəti ilə bağlı problemlərin də mövcud olduğunu bildirib. Onun sözlərinə görə, bəzi hallarda ölkədə fəaliyyət göstərən baytarların yeni və mürəkkəb xəstəliklərin müalicəsi üçün kifayət qədər bilik və təcrübəsi olmur. Bu səbəbdən iri heyvandarlıq təsərrüfatları bəzən xarici ölkələrdən mütəxəssislər dəvət etməyə məcbur qalırlar ki, bu da əlavə xərc yaradır. ("Kaspi" qəzeti) [/yandexrss][shortrss] https://turaztv.az/xeberler/67385-selena-qomez-mhkmy-verildi-12-milyon-tlb-edirlr.html https://turaztv.az/xeberler/67385-selena-qomez-mhkmy-verildi-12-milyon-tlb-edirlr.html

Xəbərlər turaztv Sat, 15 Aug 2026 21:52:39 +0400 [/shortrss] [fullrss] https://turaztv.az/xeberler/67385-selena-qomez-mhkmy-verildi-12-milyon-tlb-edirlr.html https://turaztv.az/xeberler/67385-selena-qomez-mhkmy-verildi-12-milyon-tlb-edirlr.html ]]> turaztv Sat, 15 Aug 2026 21:52:39 +0400 [/fullrss] [yandexrss] https://turaztv.az/xeberler/67385-selena-qomez-mhkmy-verildi-12-milyon-tlb-edirlr.html

Xəbərlər Sat, 15 Aug 2026 21:52:39 +0400

Amerikalı məşhur müğənni və aktrisa Selena Qomez “Wondermind Global” ruhi sağlamlıq platformasına dair saxtakarlıq iddiası ilə üzləşib.

"Turaztv.az" “Qafqazinfo”-ya istinadən xəbər verir ki, 34 yaşlı Selena platformanı anası Mendi Tifi və iş adamı Daniella Pierson ilə birlikdə qurub.

Şirkətə sərmayə qoyan beş investor məhkəməyə müraciət edərək, Qomez və digər təsisçilərin platformanın gələcək fəaliyyəti barədə onları yanıltmaqda ittiham edib.

Onlar bildiriblər ki, investisiya mərhələsində onlara reklam əməkdaşlıqları, məşhurların iştirakı ilə xüsusi məzmunlar və mobil tətbiq kimi layihələrin həyata keçiriləcəyi barədə məlumat verilib. Məlumata görə, bu vədlər gözlənilən şəkildə reallaşmayıb.

İnvestorlar həmçinin Selena Qomezin şirkətin brendini fəal şəkildə tanıtmaq öhdəliyini yerinə yetirmədiyini iddia edirlər.

Məhkəməyə müraciət edən beş investor yatırdıqları ümumilikdə təxminən 1,2 milyon dolların geri qaytarılmasını və dəymiş zərərə görə əlavə kompensasiya ödənilməsini tələb edir. [/yandexrss]