Nesr - Turaztv.az https://turaztv.az/ az[shortrss] MƏNƏVİYYATININ ƏSAS ROLU https://turaztv.az/xeberler/67197-mnvyyatinin-sas-rolu.html https://turaztv.az/xeberler/67197-mnvyyatinin-sas-rolu.html
Xəbərlər / Nesr turaztv Mon, 17 Aug 2026 00:10:21 +0400 [/shortrss] [fullrss] MƏNƏVİYYATININ ƏSAS ROLU https://turaztv.az/xeberler/67197-mnvyyatinin-sas-rolu.html https://turaztv.az/xeberler/67197-mnvyyatinin-sas-rolu.html ]]> turaztv Mon, 17 Aug 2026 00:10:21 +0400 [/fullrss] [yandexrss] MƏNƏVİYYATININ ƏSAS ROLU https://turaztv.az/xeberler/67197-mnvyyatinin-sas-rolu.html
Xəbərlər / Nesr Mon, 17 Aug 2026 00:10:21 +0400
Hicran Fuad Əhmədli

Mənim düşüncə tərzimə görə insanda, insani keyfiyyətlər hər şeydən öndə durmalıdır.Təbii ki, hər birimiz insanıq...Amma həyatda elə insanlarda var ki, xüsusilə seçilirlər.Həm də belə insanlar dövrümüzdə barmaqla sayılacaq qədər azdır desək, yanılmarıq.Hesab edirəm ki, insan olmaq üçün göstərilən keyfiyyət dərəcəsi kifayət etmir.Məsələnin kökündə keyfiyyətlərlə yanaşı, mənəvi aləmin zəngin olması da labüddür.Bu isə bir çox insanlara yük kimi görünə bilər.Eyni zamanda məsuliyyət də tələb edir.Elə bu nöqteyi-nəzərdən də insanlar bu yükü çəkməz istəməz.İmkanlarını özünə və ya digər amillərin mövcudluğundan müəyyən istiqamətlərə yönəldə bilər...
Bir neçə il əvvəl AYB-nin Natəvan zalında tədbirə dəvətli idim.Bu zaman hörmətli ziyalımız Daşdəmir Əğdəroğlu mənə yaxınlaşıb soruşdu:"Siz Hicran Əhmədli deyilsiz?" Cavabım:"Bəli, mənəm" oldu.Elə bu an məlum oldu ki, aylar əvvəl Cəmil müəllim Zəbhulla mənim şeirimi baş redaktoru olduğu Turaztv.az saytında işıqlandırıb.Mənim isə bundan heç xəbərim olmayıb.Fb platformasında şeirimi görüb, bəyənib və məni tanımadan bu yüksək keyfiyyəti özündə təzahür etdirən nümunəvi addımı atıb.Mənə bunu hörmətli Daşdəmir müəllim ərz edəndə, bir anlıq nə deyəcəyimi bilmədim.Həm təşəkkürümün gecikdiyinə görə sözün açığı utandım, həm də insani keyfiyyətlərin azaldığı zamanda qarşımda əsil insan, əsil ziyalı, şəxsiyyət gördüm.Əlbəttə ki, indiki zaman üçün paylaşımdan xəbəriz olmaq çətin məsələ deyil.Amma hörmətli Cəmil müəllimin səssiz durması onun mənəvi aləminin böyüklüyünün göstəricisidir.

Cəmil müəllimin rəhbərliyi ilə fəaliyyət göstərən "Ədalət və həqiqət"qəzeti, "Turaztv.az.saytı məhz xalqa, millətə, eləcə də ədəbi mühitdə gənc yazarlara deyərdim ki, işıqlı bir yoldur.
O, vətənpərvərlik, ictimai-siyasi mövzulara geniş yer ayıran, milli-mənəvi dəyərlərimizi unutmayan əvəzsiz ziyalıdır.Onun mətbuatda göstərdiyi xidmətlər gənc nəslin əxlaqi və tərbiyəvi yetişməsində böyük rol oynayır.
Sözsüz, Cəmil Zəbhulla haqqında daha çox danışmaq, hətta mürəkkəbi tükətmək olar.Amma mən bu gün hörmətli Cəmil müəllimin qarşıdan gələn, ləyaqətlə xidmətində durduğu 65 ilini ürəkdən təbrik etmək istəyirəm.Onun bu şərəfli, rəngarəng ömür yollarının daha da uzun illərə getməsini arzu edirəm.Ona can sağlığı, yaradıcılıq uğurları arzu edirəm.
Hörmətli Cəmil müəllim, nə yaxşı ki, varsız! Hər zaman var olun!

ZƏBHULLA ÖMRÜ.

Şəninə təriflər söyləsəm azdır,
İşıqlı bir nurdur, bahardır, yazdır.
Qələmim deyir ki, şeirinə yazdır,
Rəngarəng ömürdür, Zəbhulla ömrü.

Gənclərə yol açan, inam yaradan,
Seçilmiş insandır, deyir Yaradan.
Misra-misra seçir ağı qaradan,
Rəngarəng ömürdür, Zəbhulla ömrü.

İnsanlıq özündən irəli durur,
Nadanlar tapanda bəzən də yorur...
Sevənlər onunla duymazmı qürür?
Rəngarəng ömürdür, Zəbhulla ömrü.

Ay Cəmil müəllim, var sizə sözüm,
Təşəkkür borcluyam elə mən özüm.
Keçdiyiz yollara baxarsa gözüm,
Rəngarəng ömürdür, Zəbhulla ömrü. [/yandexrss][shortrss] SÖZÜN, QƏLƏMİN ŞƏRƏFİNİ QORUYAN SÖZ SAHİBİ - FOTOLAR https://turaztv.az/xeberler/67084-szn-qlmn-rfn-qoruyan-sz-sahb-fotolar.html https://turaztv.az/xeberler/67084-szn-qlmn-rfn-qoruyan-sz-sahb-fotolar.html
Xəbərlər / Nesr turaztv Fri, 07 Aug 2026 13:47:32 +0400 [/shortrss] [fullrss] SÖZÜN, QƏLƏMİN ŞƏRƏFİNİ QORUYAN SÖZ SAHİBİ - FOTOLAR https://turaztv.az/xeberler/67084-szn-qlmn-rfn-qoruyan-sz-sahb-fotolar.html https://turaztv.az/xeberler/67084-szn-qlmn-rfn-qoruyan-sz-sahb-fotolar.html ]]> turaztv Fri, 07 Aug 2026 13:47:32 +0400 [/fullrss] [yandexrss] SÖZÜN, QƏLƏMİN ŞƏRƏFİNİ QORUYAN SÖZ SAHİBİ - FOTOLAR https://turaztv.az/xeberler/67084-szn-qlmn-rfn-qoruyan-sz-sahb-fotolar.html
Xəbərlər / Nesr Fri, 07 Aug 2026 13:47:32 +0400

“Ədalət və həqiqət” qəzetinin baş redaktoru, “Turaztv.az” saytının rəhbəri Cəmil Zəbhulla oğlu Dadaşovun işıqlı ömür yoluna bir nəzər

Şirvan asimanından süzülüb gələn sözün işığı, Şamaxı ziyalılığının mətbuat aləmində ucalan məğrur və səmimi səsi — ustad jurnalist Cəmil Dadaşovun şərəflə bəzədilmiş yubiley ömür zirvəsinə ehtiramla...

Sözün ucalığında bir ömür durur,
Dadaşov imzası şərəfdir, şandır.
Şamaxı yurdundan pərvazlanan səs,
Mətbuat mülkünə sadiq bir candır.
Bu nurlu yubiley, bu mübarək yaş,
Ziyalı ömrünün qızıl tacıdır!

MƏTBUATIN ŞiRVAN NƏFƏSi

Həyat sonsuz bir axın, zaman isə ağ kağızları unudulmaz mənəviyyat salnaməsinə çevirən ən böyük ustaddır. Bu sürətli, tələskən dünyada hər bir insanın mətbuat sahəsində silinməz iz qoyması, öz bənzərsiz dəst-xəttini qoruması asan məsələ deyil. Yalnız ömrünü millətin yaddaşına, sözün namusuna və həqiqətin carçılığına təmənnasız fəda edənlər zamanın amansız rüzigarına qalib gəlirlər.
Azərbaycanın mətbuat tarixi, sadəcə, qəzet səhifələrinin, rəsmi xəbərlərin və kütləvi informasiyanın deyil, sözün namusunu, imzanın ləyaqətini hər şeydən uca tutan fədakar şəxsiyyətlərin salnaməsidir. Çağdaş Azərbaycan mətbuatında, publisistikasında və ziyalı mühitində öz kəsərli qələmi, , satiric misraları, sarsılmaz dövlətçilik mövqeyi və dərin intellekti ilə özünəməxsus məktəb yaratmış belə ziyalılardan biri — "Ədalət və həqiqət" qəzetinin baş redaktoru, həmçinin Turaztv.az elektron portalının rəhbəri Cəmil Zəbhulla oğlu Dadaşovdur. Onun yaradıcılıq irsi milli yaddaşın qorunmasına, insan şəxsiyyətinin vəsfinə və vətəndaşlıq missiyasına həsr olunmuş zəngin xəzinədir. Cəmil müəllimin yaxınlaşan mübarək yubiley zirvəsi şərəflə, vəfa və dürüstlüklə bəzədilmiş ziyalı ömrünün cəmiyyət və gələcək nəsillər qarşısındakı səmimi hesabatıdır.
Bu peşəkar qələm sahibini ömür yolunun və zəngin yaradıcılıq irsinin bünövrəsi Azərbaycanın qədim mədəniyyət, tarix, elm və poeziya beşiyi olan Şamaxı torpağı ilə sıx bağlıdır. Xaqanilərin, Sabirlərin, Səhhətlərin, Hadilərin ruhunu daşıyan bu müqəddəs mühit və hörmətli valideyni Zəbhulla ocağından aldığı nəcib ailə tərbiyəsi onun həm insan xislətinə, həm də yazı xəttinə səmimi şəkildə hopub. Çağdaş dünyamızda süni parıltıların, başqa birisinə bənzəmək cəhdinin və yamsılamanın baş alıb getdiyi bir dövrdə Cəmil müəllim hər zaman öz bənzərsiz, xalis üslubunu qoruyub saxlamağı bacarıb, kimlərinsə kölgələrində yaşamaqdan hər zaman uzaq durub. O, dərk edib ki, əsl ucalıq başqasının kölgəsində yaşamaq deyil, ata-babadan qalan dürüst adı, ləyaqətli mənəvi möhrü göz bəbəyi kimi qorumaqdır. Bu ocaq nəcabəti onun bütün fəaliyyətinin mənəvi aləmidir.
Ustad yazarın yaradıcılıq irsinin əsasını dərin və fundamental

iNSANŞÜNASLIQ FƏLSƏFƏSİ


təşkil edir. Rəhbərlik etdiyi "Ədalət və həqiqət" qəzeti və Turaztv.az informasiya portalı vasitəsilə ortaya qoyduğu çoxşaxəli fəaliyyət, elektron medianın ən obyektiv və müstəqil səslərindəndir. Onun hazırladığı sosial-analitik məqalələri, oçerkləri və portret-esseləri, sadəcə, oxunmur; oxucunu varlığın və mənəviyyatın ali həqiqətləri ətrafında düşünməyə sövq edir. Cəmil müəllim cəmiyyətdə rast gəlinən sıravi, zəhmətkeş və ləyaqətli insanların ömür və peşə yollarını ağ vərəqlərə, kompüterin ekran yaddaşına köçürərkən, beynindən süzülüb gələn fikirləri sətirlərə, misralara çevirərkən bədii dilin ən zərif çalarlarından istifadə edir. Məhz bu səbəbdən oxucu onun yazılarını oxuyanda müəllif və mətnin qəhrəmanları ilə daxili dərd ortaqlığı, dərd oxşarlığı və ya səmimi peşə sevinci yaşayır.

"TURAZTV.AZ" – ELEKTRON MEDİANIN MÜASİR VƏ MÜSTƏQİL SƏSİ

İstedadlı yazar Cəmil Dadaşovun zəngin yaradıcılıq irsinin ən mühüm və uğurlu mərhələlərindən biri onun rəhbərlik etdiyi Turaztv.az informasiya portalıdır. Müəllif ənənəvi qəzetçilik prinsiplərini müasir rəqəmsal medianın tələbləri sayəsində ustalıqla sintez edərək cəmiyyətə dürüst, qərəzsiz və obyektiv xəbər çatdırmaq missiyasını reallaşdırmışdır. Onun rəhbərliyi altında sayt ölkədə və regionda baş verən sosial-analitik mövzuları, rəsmi yenilikləri hər zaman operativ şəkildə işıqlandırır, həmişə də reytinq cədvəlində ön sıradadır. Bu fəaliyyət kağız vərəqlərindən rəqəmsal dünyaya köçən jurnalist vətəndaşlığının əyani təzahürüdür.
Mətbuat və elektron media camiəsində Cəmil Dadaşov təkcə iti qələmi, peşəkarlığı və idarəçilik bacarığı ilə deyil, həm də ətrafındakı insanlara, bu sahəyə yeni qədəm qoyan gənc jurnalist nəsli üçün işıq paylamaq naminə öz rahatlığını peşəsinə qurban verib, fədakar qələm sahibi kimi tanınıb. Redaksiya mühitində gənclərə yol göstərmək, onlara jurnalistikanın təkcə texniki deyil, həm də sözün rəsmi məsuliyyətini və etik qaydalarını öyrətmək onun ziyalı xislətinin ayrılmaz hissəsidir. Gənc müxbirlərin yazı üslubunu düzəldərkən onlara təkəbbürlə deyil, qayğıkeş ustad təmkinliyi və xeyirxahlığı ilə yanaşır. Onun fəaliyyətindəki ən böyük peşə sevinci, mükafat formal və fərdi şöhrət yarışları deyil, idarə etdiyi mətbu orqanın dürüstlük prinsiplərinin qorunması və oxucuların səmimi rəğbətidir.
Ustad qələm sahibinin fəaliyyətinin ən müqəddəs nöqtəsini isə sönməz

VƏTƏN AŞİQLİYİ VƏ TORPAQ İSTƏYİ

təşkil edir. Onilliklər boyu Qarabağ həsrətlilərinin yurd nisgilini ürəyinin dərin sızıltısı ilə qələmə alan C.Zəbhullaoğlu bu gün — 2026-cı ilin reallığında azad Qarabağa aparan o füsunkar, dolanbac yolların bərpasını, "Böyük qayıdış" salnaməsini və yurd həsrətlilərinin o coşqun sevinclərini qələminin ən ali bəhrəsi kimi tərənnüm edir. Eyni zamanda o, yüksək xatirə vəfadarlığına sahibdir, dünyasını dəyişmiş fədakar həmkarlarının və gənclərin əziz adını sətirlərində yaşadaraq sarsılmaz birliyini nümayiş etdirir, daxildə çəkdiyi yoxluq əzabını xatirə vəfadarlığına çevirir.

DÜRÜSTLÜK, SƏMİMİYYƏT VƏ ZIYALI MÖVQEYİNİN ƏN PARLAQ ÖRNƏYİ

Qələm dostumuz Cəmil Dadaşovun ömür yolu və zəngin yaradıcılıq irsi bu fani dünyada dürüstlük, səmimiyyət və ziyalı mövqeyinin heç vaxt ucuzlaşmadığını bəyan edən ən parlaq örnəkdir. O, ləyaqətli imzası ilə Azərbaycan mətbuat tarixinə silinməz mənəvi möhür vurub. Onu yaxınlaşan yubiley zirvəsi münasibətilə qələm dostları və çoxmilyonlu oxucu ordusu adından ürəkdən təbrik edir, ona möhkəm cansağlığı, tükənməz yaradıcılıq enerjisi və ailə xoşbəxtliyi arzulayırıq. Bir istəyimiz də var: yandırdığı fikir məşəlinin nurlu işığı gələcək nəsillərin yolunu hər zaman aydınlatsın!

Şirvan məmləkəti, Şamaxı yurdu,
Ruhuna bəxş edib uca bir vüqar.
Zəbhulla ocağı elə bir nurdu,
Səndə ululardan xeyirxahlıq yar.

"Ədalət və həqiqət" uca kürsüdür,
Sən onun şərəfli, məğrur səsisən.
"Turaztv" mülkündə imzan möhrüdür,
Rəqəmsal medianın haqq nəfəsisən.

Sözün namusunu göz bəbəyi tək,
Qorudun ömürlük, ay Cəmil, hər an.
Sən yanan şam oldun, fədakar ürək,
Gənc qələm dostuna verdin asiman.

Şamaxı sevinci, yurdun istəyi,
O uzun illərin xoş təəssüratı.
Nurlatdı qəlbində vətən sevgisi,
Tac oldu ömrünə peşə həyatı.

Bu xoş yubileyin, bu nurlu yaşın,
Sənə cansağlığı, fərəh gətirsin.
Dostların vəfası, səmimi sevgi,
Ömrünü hər zaman uca bitirsin!

Qələmin kəsərli, imzan pak qalsın,
O uca Tanrımız sənə olsun yar.
Ay Cəmil müəllim, bu şərəfli yol,
Ömrünə gətirsin, fərəh, bəxtiyar!

Daşdəmir ƏJDƏROĞLU












































[/yandexrss][shortrss] QƏLƏMİNƏ SADİQ QALAN JURNALİST, SÖZÜNƏ SƏDAQƏTLİ ŞAİR... https://turaztv.az/xeberler/66215-qlmn-sadq-qalan-jurnalst-szn-sdaqtl-ar.html https://turaztv.az/xeberler/66215-qlmn-sadq-qalan-jurnalst-szn-sdaqtl-ar.html
Xəbərlər / Nesr turaztv Wed, 15 Jul 2026 00:12:08 +0400 [/shortrss] [fullrss] QƏLƏMİNƏ SADİQ QALAN JURNALİST, SÖZÜNƏ SƏDAQƏTLİ ŞAİR... https://turaztv.az/xeberler/66215-qlmn-sadq-qalan-jurnalst-szn-sdaqtl-ar.html https://turaztv.az/xeberler/66215-qlmn-sadq-qalan-jurnalst-szn-sdaqtl-ar.html ]]> turaztv Wed, 15 Jul 2026 00:12:08 +0400 [/fullrss] [yandexrss] QƏLƏMİNƏ SADİQ QALAN JURNALİST, SÖZÜNƏ SƏDAQƏTLİ ŞAİR... https://turaztv.az/xeberler/66215-qlmn-sadq-qalan-jurnalst-szn-sdaqtl-ar.html
Xəbərlər / Nesr Wed, 15 Jul 2026 00:12:08 +0400
BİZİM CƏMİL MÜƏLLİM...

"Dost rahatlıq verən bir məlhəmdir."
Nizami Gəncəvi

İnsan ömrünün dəyəri yaşadığı illərlə deyil, həmin illərə sığdırdığı əməllərlə ölçülür. Elə insanlar var ki, onların yaşı yalnız təqvimin rəqəmidir. Çünki qazandıqları hörmət, qazandırdıqları sevgi, göstərdikləri mərhəmət və insanlara bəslədikləri təmənnasız münasibət onları mənən ucaldır. Belə insanlar yaşadıqları cəmiyyətin etimadını qazanır, getdikləri hər yerdə xoş iz buraxırlar.
Elə insanlar da var ki, onlara göstərilən ehtiram daha çox yaşlarının çoxluğundan irəli gəlir. Halbuki əsl hörmət insanın ömrü boyu qazandığı mənəvi sərvətin, halal əməyin, dürüstlüyün və insanlıq keyfiyyətlərinin bəhrəsidir.

Belə insanlardan biri də otuz ilə yaxın yaxından tanıdığım, səmimiyyətinə, zəhmətkeşliyinə və dostluq sədaqətinə həmişə qiymət verdiyim qələm dostum, şair, publisist, jurnalist, "ƏDALƏT VƏ HƏQİQƏT" qəzetinin təsisçisi və baş redaktoru, "TURAZTV.az" saytının rəhbəri CƏMİL ZƏBHULLA OĞLU DADAŞOVDUR.
Bu il – avqustun 9-da Cəmil müəllimin 65 yaşı tamam olur. Altmış beş il insan ömrü üçün sadəcə zaman ölçüsü deyil. Bu, görülən işlərin, qazanılan dostların, yazılan əsərlərin, qorunan mənəvi dəyərlərin hesabatıdır. Cəmil müəllimin ömür yoluna nəzər salanda aydın görünür ki, bu illərin hər biri zəhmətlə, qələmlə, sözə və dövlətçiliyə sədaqətlə yoğrulmuş bir həyatın salnaməsidir.
Bu yazını qələmə alarkən məqsədim yalnız yubiley münasibətilə təbrik ünvanlamaq deyil. Əsl niyyətim uzun illər ərzində tanıdığım, dostluğunu qazandığım, zəhmətinə və şəxsiyyətinə həmişə hörmət bəslədiyim bir insan haqqında ürək sözlərimi oxucularla bölüşməkdir. Çünki bəzi insanlar haqqında yazmaq təkcə müəllif borcu deyil, həm də vicdan borcudur.
Həqiqətən də, Ədəbiyyat tarixində böyük şairlər, tanınmış yazıçılar çox olub və olacaq. Hərəsinin ədəbiyyatda öz yeri var. Amma insanın həyatında elə insanlar da olur ki, onların dəyəri yazdıqları əsərlərlə deyil, yaşatdıqları dostluqla, göstərdikləri səmimiyyətlə ölçülür. Mənim üçün Cəmil qardaşım məhz belə insanlardandır. Onu mənə doğmalaşdıran təkcə qələmi deyil, hər şeydən əvvəl insanlığıdır.
Şükür edirəm ki, Uca Yaradan ömür yolumda mənə daha çox qəlbində sevgi, mərhəmət, insani dəyərləri qoruyub saxlayan insanlarla rastlaşmağı qismət edib. Onlarla qurulan münasibətlər zaman keçdikcə dostluğa, etimada və qarşılıqlı hörmətə çevrilib. İllər ötüb, zaman dəyişib, amma həmin münasibətlərin səmimiyyəti dəyişməyib.
...İnsanın kimliyini zaman göstərir. İllər keçdikcə bəziləri unudulur, bəziləri isə əməlləri ilə insanların yaddaşında yaşayır. Cəmil qardaşım da məhz belə insanlardandır.
Bir də, həyat hər kəsə öz sınağını verir. Amma insanın böyüklüyü həmin sınaqların qarşısında sınmamağındadır. Cəmil qardaşımı yaxından tanıdıqca bir daha əmin olmuşam ki, onun ən böyük üstünlüyü, ürəyinin genişliyində, insanlara olan sevgisində və dostluğa sədaqətindədir.
Onu yaxından tanıyanlar yaxşı bilirlər ki, sadəlik onun ən böyük zinətidir. Təvazökarlıq, səmimiyyət, zəhmətkeşlik və insanlara hörmət onun xarakterinin ayrılmaz cəhətləridir. O, heç vaxt özünü önə çıxarmağa çalışmayıb. Əksinə, həmişə başqalarının uğuruna sevinib, qələm adamlarını bir araya gətirməyə, sözə və mətbuata xidmət etməyə üstünlük verib.

Bəzi insanlar yazdıqları ilə tanınırlar, bəziləri isə yaşadıqları ilə. Cəmil qardaşım hər iki neməti öz ömründə birləşdirə bilib. Amma mənim üçün onun ən böyük əsəri yazdığı şeirlərdən əvvəl qazandığı insan sevgisidir.
Bəzən insanı sevdirmək üçün böyük titullara ehtiyac olmur. Bir səmimi salamı, bir diqqətli hal-əhvalı, dostunun sevincinə ürəkdən sevinməyi kifayət edir. Cəmil qardaşım da məhz belə insanlardandır. Onun ətrafında yaranan hörmətin sirri yazdığı yazılardan əvvəl, yaşatdığı insanlıqdır.
Cəmil qardaşım təkcə şair və jurnalist deyil. O, ömrünü qələmin işığına bağlayan, sözü müqəddəs bilən, mətbuatın məsuliyyətini dərindən anlayan ziyalılardandır. Təsisçisi və baş redaktoru olduğu "ƏDALƏT VƏ HƏQİQƏT" qəzeti uzun illərdir ki, dövlətçilik ideyalarının, milli-mənəvi dəyərlərin, ədalətin və həqiqətin təbliğinə xidmət edir. Maddi çətinliklər, saysız-hesabsız maneələr onun yolunu dəyişməyib. Əksinə, hər nömrə çap olunanda sanki yeni bir uğur qazanmış kimi sevinməsinin dəfələrlə şahidi olmuşam.
Qəzet onun üçün sadəcə peşə deyil. Bu, həyat tərzi, mənəvi məsuliyyət və vətəndaşlıq borcudur. Məhz buna görə də o, uzun illər ərzində Azərbaycanın müxtəlif bölgələrini qarış-qarış gəzərək zəhmət adamlarını, elm və mədəniyyət xadimlərini, şəhid ailələrini, qaziləri, sadə kənd insanlarını oxuculara tanıdıb. Onun yazılarında pafosdan çox səmimiyyət, şüardan çox həyat həqiqətləri var.
Şair kimi də Cəmil qardaşımın özünəməxsus yeri var. Vətən sevgisi, Qarabağ dərdi, Xocalı faciəsi, təbiət gözəllikləri, cəmiyyətin ağrı-acıları və insan taleləri onun poeziyasının əsas mövzularını təşkil edir. Satirik şeirlərində isə böyük ustad Mirzə Ələkbər Sabirin məktəbinin nəfəsi duyulur. O, eyhamı yerində işlətməyi bacarır, cəmiyyətin nöqsanlarını incitmədən, amma düşündürəcək qədər kəskin dillə ifadə edir.
İLK TANIŞLIQDAN BAŞLANAN DOSTLUQ...
"Bədənin səfası dərman, ruhun səfası dostdur"
Avqustin
Həyatda elə görüşlər olur ki, o an bunun fərqinə varmırsan. İllər keçir, zaman öz sözünü deyir və dönüb geriyə baxanda anlayırsan ki, həmin təsadüfi görünən görüş, əslində, uzun bir dostluğun başlanğıcı imiş.
Cəmil qardaşımla ilk tanışlığım da belə olmuşdu.
O vaxtlar nə mən mətbuatda çalışırdım, nə də onun jurnalistlik fəaliyyəti vardı. Hərəmiz həyatın öz yolu ilə gedirdik. Bir gün yaşadığım Binəqədi rayonunun Sulutəpə qəsəbəsində, köhnə 217 saylı məktəbin yaxınlığında bir neçə qəsəbə sakinləri ilə bir nəfərin söhbət etdiyini gördüm. Yaxınlaşıb salam verdim. Məlum oldu ki, söhbət qarşıdan gələn parlament seçkilərindən gedir. Həmin görüşdə deputatlığa namizəd kimi insanlarla səmimi söhbət edən şəxs Cəmil Zəbhulla oğlu Dadaşov idi.
İlk diqqətimi çəkən onun gurultulu vədlər verməsi yox, insanlara sakit, təmkinli və hörmətlə yanaşması oldu. Danışığında süni pafos yox idi. Hiss olunurdu ki, qarşısındakı insanı dinləməyi bacaran, onun dərdini anlamağa çalışan bir ziyalıdır.
Sonralar o, fərdi şəkildə də məhəlləmizə gəldi. Bir neçə dəfə söhbətimiz oldu. O zaman heç ağlıma da gəlməzdi ki, illər sonra bizi eyni amal, eyni maraq – sözə, qələmə və mətbuata xidmət yolu birləşdirəcək.
Aradan illər keçdi. Tale bizi yenidən üz-üzə gətirdi. Bu dəfə artıq mətbuat aləmində. Görüşlərimiz tez-tez oldu, söhbətlərimiz uzandı. Bir fincan çay arxasında başlayan söhbətlər bəzən saatlarla davam edirdi. Ədəbiyyatdan, qəzetçilikdən, cəmiyyətin problemlərindən, insan talelərindən danışır, fikir bölüşürdük. O söhbətlərdə mən Cəmil qardaşımı daha yaxından tanıdım.
İllər ötdükcə əmin oldum ki, mənim ilk görüşdə hiss etdiyim sadəlik və səmimiyyət təsadüfi deyilmiş. Bu, onun dəyişməyən xarakteri, həyat fəlsəfəsi imiş. Məhz buna görə də bu gün geriyə baxanda deyə bilirəm ki, o gün Sulutəpədə başlayan tanışlıq zamanın sınağından çıxaraq möhkəm dostluğa çevrildi.
QƏLƏMİNƏ SADİQ QALAN JURNALİST, SÖZÜNƏ SƏDAQƏTLİ ŞAİR

Mətbuat elə bir sahədir ki, oradan həyata baxış daha geniş olur. Jurnalist hadisələri sadəcə izləyən deyil, onları cəmiyyətə çatdıran, zamanın salnaməsini yazan insandır. Bu yol isə yalnız peşə deyil, həm də böyük məsuliyyət tələb edir.
XÜSUSİ QEYD : Mən həmişə onun bir xüsusiyyətinə heyran olmuşam. Çətinliklər nə qədər çox olsa da, heç vaxt ruhdan düşməzdi. Kirayə evdə yaşaya-yaşaya son qəpiyini qəzetinin çapına xərcləyər, qəzeti vaxtında oxucuya çatdırmaq üçün gecəsini gündüzünə qatardı.
Dövlətçiliyin təbliği onun üçün sadəcə peşə yox, mənəvi borc idi.
Neçə dəfə jurnalistlərə mənzil verilən xəbərləri oxuyanda ürəyimdən keçirdi ki, kaş bu siyahıda Cəmil müəllimin də adı olaydı. Təəssüf ki, olmadı...
Amma o, bundan nə küsdü, nə də qələmini yerə qoydu.
Yenə yazdı.
Yenə yaratdı.
Yenə xalqın arasında oldu.
Mən onu tarlalarda zəhmət adamları ilə, kəndlərdə sadə insanlarla, elm və mədəniyyət xadimləri ilə görüşlərdə dəfələrlə görmüşəm.
Onun üçün vəzifədən, ad-sanından əvvəl insan dayanır.
Bəlkə də buna görə dostlarının sayı ildən-ilə artır.
Çünki səmimiyyət satın alınmır.
Səmimiyyət yaşanılır.
Cəmil qardaşım uzun illərdir ki, bu məsuliyyəti ləyaqətlə daşıyan qələm adamlarındandır. Onun təsisçisi və baş redaktoru olduğu "Ədalət və həqiqət" qəzeti adı kimi daim həqiqətin, milli-mənəvi dəyərlərin, dövlətçiliyin və vətəndaş mövqeyinin təbliğinə xidmət edib. Çoxları üçün qəzet sadəcə bir nəşrdir. Cəmil qardaşım üçün isə o, ömrünün ayrılmaz parçası, mənəvi missiyasıdır.
Dəfələrlə şahidi olmuşam ki, bütün çətinliklərə baxmayaraq, qəzetin növbəti sayının işıq üzü görməsi onun üçün böyük sevinc idi. Hər yeni nömrəni əlində tutanda gözlərindəki işıq illərin zəhmətini, sözə olan sevgisini və peşəsinə sədaqətini əks etdirirdi. Bu sevinci yalnız qələmi ilə yaşayan insanlar duya bilər.

Jurnalist fəaliyyəti ilə yanaşı, Cəmil qardaşım poeziyada da özünəməxsus yol seçib. Onun şeirlərində Vətən sevgisi, Qarabağ ağrısı, Xocalı faciəsinin acısı, doğma torpağa bağlılıq, təbiət gözəllikləri və insan taleyi geniş yer tutur. O, cəmiyyəti narahat edən məsələlərə biganə qalmır, bəzən lirikanın həzin dili ilə, bəzən isə satiranın iti qələmi ilə oxucunu düşündürməyi bacarır.
Onun "Gənclik illəri" şeirini oxuyanda insan ömrünün ötüb keçən çağlarına kövrək bir həsrət hiss olunur. Şair keçmişə sadəcə nostalji ilə baxmır. O, gənclik illərinin saflığını, halallığını, mənəvi təmizliyini axtarır və oxucunu da həmin duyğularla baş-başa qoyur. Bu şeirin təsir gücü də məhz səmimiyyətindən qaynaqlanır.
Satirik şeirlərində isə Mirzə Ələkbər Sabirin ədəbi ənənəsinin nəfəsi duyulur. Cəmil qardaşım cəmiyyətin nöqsanlarını sərt ittihamlarla deyil, düşündürən eyhamlarla təqdim edir. Oxucu əvvəlcə təbəssüm edir, sonra isə həmin misraların arxasında gizlənən həqiqətlər haqqında düşünməyə başlayır. Məncə, satiranın əsas gücü də elə bundadır.
Yaradıcılığının əsas üstün cəhətlərindən biri isə sünilikdən uzaq olmasıdır. O, yaşamadığını yazmır, hiss etmədiyini demir. Buna görə də həm publisistik yazıları, həm də şeirləri oxucuda inam yaradır və yadda qalır.

ŞEİRLƏRİNDƏ YAŞAYAN DUYĞULAR

Cəmil qardaşımı yalnız jurnalist kimi tanıyanlar onun şəxsiyyətinin bir tərəfini görmüş olurlar. Onu bütöv tanımaq üçün mütləq poeziyasına da baş vurmaq lazımdır. Çünki şairin demədiyini bəzən onun misraları deyir.
Cəmil qardaşımın yaradıcılığında diqqəti cəlb edən ilk cəhət səmimiyyətdir. O, oxucunu süni bədii vasitələrlə heyrətləndirməyə çalışmır. Yaşadığı hissi olduğu kimi qələmə alır. Elə buna görə də şeirlərində təbiilik var, inandırıcılıq var.
Onun poeziyasında Vətən sevgisi xüsusi yer tutur. Qarabağın ağrısı, Xocalının faciəsi, torpaq həsrəti, şəhidlərimizin müqəddəs xatirəsi onun qələminin ən həssas mövzularındandır. Bu mövzulara müraciət edərkən pafosa deyil, qəlbin səsinə üstünlük verir.
Mənim xüsusilə bəyəndiyim şeirlərindən biri də "Gənclik illəri" şeiridir. Bu şeirdə müəllif ötüb keçən illərin arxasınca sadəcə köks ötürmür. O, gəncliklə birlikdə geridə qalan saflığı, halallığı və mənəvi təmizliyi axtarır. Şeirin təsir gücü də məhz bu hisslərin səmimiyyətindən doğur.
Bu yazını hazırlayanda onun “Gənclik illəri” şeiri yadıma düşdü.
Şeir təxmini belə idi:

Nə tez ötüb keçdi ömürdən illər,
Qocalıq suyunda boyanmışam mən.
Uşaqlıq ötübdür, cavanlıq solub,
Vida sərhədində dayanmışam mən.

Çevrilib baxanda bir daha geri,
Seyr edir xəyalım doğma elləri.
Paklıq, halallığın göynəyir yeri,
Ötür həyatımın gənclik illəri.

Bəlkə də xoş günlər arxada qaldı,
Ona nə şər çatar, nə haray çatar.
Cəmil, neçə fikrə, xəyala daldı,
Çətin ki, saflığa o, haram qatar.

Bu şeirdə Cəmil müəllim poetik dillə özünü, öz həyatını təqdim edir.
Cəmil müəllimin satirik şeirləri isə tamam başqa ovqat yaradır. Bu şeirlərdə Mirzə Ələkbər Sabirin ədəbi məktəbinin nəfəsi duyulur. Cəmil qardaşım cəmiyyətin nöqsanlarını qəzəblə deyil, incə eyhamlarla göstərir. Oxucu əvvəlcə misralara gülümsəyir, sonra isə həmin gülüşün arxasında gizlənən acı həqiqətləri düşünməyə başlayır.
Məsələn, belə misralar:

"Getdi abır, getdi həya, getdi ar,
Qalmadı heç kimsədə bir ixtiyar.
Günbəgün artır, çoxalır modalar,
Lüt dolanır, guya ki, azaddı bu...
Bu, nə modadı, nə cürə zatdı bu."

Bu bir neçə misra müəllifin cəmiyyətə münasibətini aydın göstərir. Burada tənqid var, narahatlıq var, milli-mənəvi dəyərlərin aşınmasına etiraz var. Satiranın əsas gücü də elə bundadır – oxucunu düşündürmək.
Mənə görə, Cəmil qardaşımın yaradıcılığının ən mühüm xüsusiyyəti sözlə həyat arasında məsafə qoymamasıdır. O, necə yaşayırsa, elə də yazır. Elə buna görə də onun şeirləri oxucuda etibar yaradır. Səmimiyyət isə hər zaman poeziyanın ən böyük gücü olub.

QƏLBİN UNUDA BİLMƏDİYİ SEVGİNİN POETİK ETİRAFI

Bu şeir insan qəlbinin ən ağır sınaqlarından biri olan unutmaq istəyib unuda bilməməyin poetik etirafıdır. Burada şair zahiri ağrı ilə mənəvi ağrı arasındakı fərqi göstərərək oxucunu insan ruhunun dərinliklərinə aparır.
Cəmil müəllimin qələminin məhsulu olan "UNUTMAQDAN ÖTƏRİ" şeiri də məhz bu cəhəti ilə diqqəti cəlb edir. Şair burada ayrılıq, həsrət, nisgil və unuda bilməmək hissini pafosa yol vermədən, sadə, lakin yüksək poetik təsir gücünə malik obrazlarla təqdim edir.
Şeirin ideya mərkəzində bir həqiqət dayanır: insan bəzən xatirələrini deyil, ürəyini dəyişmədikcə sevdiyini unuda bilmir. Məhz bu fikir bütün şeir boyu müxtəlif poetik vasitələrlə inkişaf etdirilir.
İlk bənddən etibarən müəllif zahiri ağrı ilə daxili ağrı arasında bədii qarşılaşdırma yaradır:

"Gözlərimə dolan yaşı içərəm,
Ürəyimin göz yaşını neyləyim?
Ayağıma dəyən daşdan qaçaram,
Ürəyimə dəyən daşı neyləyim?"

Burada "göz yaşı" artıq fiziki hadisə olmaqdan çıxaraq mənəvi ağrının rəmzinə çevrilir. Göz yaşı gizlədilə bilər, silinə bilər, lakin ürəyin göz yaşını nə silmək, nə də gizlətmək mümkündür. "Ürəyin göz yaşı" ifadəsi klassik poetik ənənədə rast gəlinən, mətnindən aslı olaraq bədii müqayisənin, bənzətmənin uğurlu sintezidir. Müəllif ürəyə insan xüsusiyyəti verir, onu ağlayan bir varlıq kimi təqdim edir. Bununla da hisslərin dərinliyini daha təsirli şəkildə ifadə edir.
"Ayağıma dəyən daşdan qaçaram,
Ürəyimə dəyən daşı neyləyim?" misrasında "daş" çoxqatlı simvoldur. Bir tərəfdən həyatın adi maneələrini, digər tərəfdən isə sevginin gətirdiyi mənəvi yaraları ifadə edir. Ayağa dəyən daş insanın yolunu müvəqqəti kəsə bilər. Lakin ürəyə dəyən daş artıq taleyə çevrilir. Bu metafora şeirin emosional yükünü daha da artırır.
Şair ikinci bənddə daxili mübarizəni ön plana çıxarır:

"Səni görmək istəyimi boğaram,
Ümidimin gözü yolda qalmasın.
Mən həsrəti sevə sevə yıxaram,
Ayrılığa ümid yeri olmasın."

Burada "istəyi boğmaq" ifadəsi insanın öz hisslərinə qarşı apardığı mübarizəni göstərir. Maraqlıdır ki, müəllif sevgini yox, onu görmək arzusunu boğmağa çalışır. Çünki sevginin özünü boğmağın mümkünsüz olduğunu yaxşı bilir.
Burada, - "Mən həsrəti sevə sevə yıxaram, Ayrılığa ümid yeri olmasın." - misraları paradoks üzərində qurulmuşdur. "Sevə-sevə yıxmaq" ifadəsində daxili ziddiyyət mövcuddur. Həsrət insanı yıxan hiss olduğu halda, müəllif onu özü məğlub etmək istəyir. Bu, iradənin hisslər üzərində qələbə qazanmaq cəhdidir. Lakin şeirin sonluğu göstərir ki, bu mübarizə uğursuzluğa məhkumdur.
Son bənd poetik baxımdan şeirin zirvə nöqtəsidir:
"Elə loğman tapılaydı dünyada,Ürəyimdən bu nisgili siləydi."
Loğman obrazı Azərbaycan və ümumtürk ədəbi düşüncəsində müdriklik, şəfa və müalicə rəmzidir. Burada isə Loğman cismani deyil, mənəvi xəstəlik üçün axtarılır. Cəmil müəllim əslində bilir ki, belə bir loğman yoxdur. Bu arzu əlçatmaz olduğu üçün daha təsirli görünür.
Şeirin son iki misrası isə bütöv mətnin fəlsəfi nəticəsidir:

"Elə loğman tapılaydı dünyada,
Ürəyimdən bu nisgili siləydi.
Təkcə səni unutmaqdan ötəri,
Ürəyimi o dəyişə biləydi."

Bu misralarda şair çox incə psixoloji məqamı ifadə edir. İnsan sevdiyini beyni ilə deyil, ürəyi ilə yaşadır. Deməli, unutmaq yaddaşın işi deyil, qəlbin işidir. Ürəyi dəyişmək isə insanın öz varlığını dəyişməsi deməkdir. Beləliklə, şeir oxucuya demədən bildirir ki, əsl sevgi unudulmur; o yalnız insanın ömrü ilə birlikdə yaşayır. Cəmil müəllimin dostluğu kimi.

Poetik sənətkarlıq baxımından şeir diqqətəlayiq xüsusiyyətlərə malikdir. Cəmil müəllim ritorik suallardan ustalıqla istifadə edib. Bu suallar cavab gözləmir; onlar daxili iztirabın səsidir. Müqayisələr, bənzətmələr, bir-birini tamamlayaraq şeirin emosional bütövlüyünü təmin edir.
Dil son dərəcə sadədir. Lakin bu sadəlik bədii kasıblıq deyil, əksinə, yüksək poetik ustalığın göstəricisidir. Cəmil müəllim fikirlərini mürəkkəb, ağır fəlsəfi terminlərlə deyil, xalq danışıq dilinə yaxın ifadələrlə çatdırır. Elə buna görə də şeir həm adi oxucuya, həm də ədəbiyyatşünasa eyni dərəcədə təsir edir.
Şeirin ritmi, qafiyə sistemi və daxili ahəngi duyğunun axarına uyğun qurulmuşdur. Misralar sanki bir-birinin ardınca ürək döyüntüsü kimi gəlir. Bu musiqililik şeirin lirizmini daha da qüvvətləndirir.
Nəticə etibarilə, "Unutmaqdan ötəri" şeiri zahirən sadə görünən, lakin dərin psixoloji qatlara malik olan uğurlu lirik nümunədir. Burada şair ayrılığı yalnız sevginin sonu kimi yox, insan ruhunun ömür boyu daşıdığı mənəvi yük kimi təqdim edir. Şeirin əsas ideyası ondan ibarətdir ki, zaman xatirələri zəiflədə bilər, göz yaşını qurutmağa qadirdir, lakin ürəyin yaddaşını dəyişməyə qadir deyil. Məhz bu səbəbdən şeir oxucunun yaddaşında uzun müddət yaşayan təsirli poetik etiraf təsiri bağışlayır.
SON SÖZ...
A R Z U L A R VƏ ETİRAF...
"Zaman dostluğun məhək daşıdır"
Teymur Əhmədov
Azərbaycan alimi
Əziz Cəmil müəllim!
Ömür illərlə deyil, insanın arxasında qoyduğu izlə ölçülür. Siz altmış beş ildə təkcə qəzet səhifələrində deyil, dostlarınızın qəlbində də silinməyən iz qoymusunuz. Bu, hər insana nəsib olmayan xoşbəxtlikdir.
Cəmil müəllim, İllər əvvəl 60 illik yubileyinə qatıla bilməməyim bu gün də mənim üçün bir təəssüf olaraq qalır. O zaman özümə müxtəlif bəhanələr gətirsəm də, sonradan başa düşdüm ki, insan ömründə dostun sevincini bölüşməkdən qiymətli bəhanə yoxdur.
El arasında gözəl bir söz var:
"Uman yerdən küsərlər."
Bu gün isə ürəyim rahatdır.
Çünki bu yazını sadəcə yubiley təbriki kimi yox, dostluğa və insanlığa olan borcum kimi qələmə alıram.
Əziz Cəmil müəllim!
65 illik ömür yolunuza boylananda insan zəhmətin, sədaqətin, halallığın və təmiz adın necə böyük sərvət olduğunu bir daha anlayır.
Əziz Cəmil müəllim!
Arzu edirəm ki, qələminizin mürəkkəbi heç vaxt qurumasın, sözünüz həmişə həqiqətin yanında dayansın, yolunuz isə daim işıqlı olsun.
65 yaşınız mübarək, əziz dostum! Allah sizə möhkəm can sağlığı, uzun ömür və yeni yaradıcılıq uğurları nəsib etsin.
İnşallah, 70 yaşınızı da, 75 yaşınızı da, 80 yaşınızı da eyni mehriban dost çevrəsində birlikdə qeyd etmək qismətimiz olsun.

QƏLƏMİNƏ SADİQ QALAN JURNALİST, SÖZÜNƏ SƏDAQƏTLİ ŞAİR...
Elxas Comərd.
Dost.. [/yandexrss][shortrss] Şirvanın Sabir nəfəsli şairi https://turaztv.az/xeberler/66165-irvann-sabir-nfsli-airi.html https://turaztv.az/xeberler/66165-irvann-sabir-nfsli-airi.html
Xəbərlər / Nesr turaztv Sun, 12 Jul 2026 00:41:00 +0400 [/shortrss] [fullrss] Şirvanın Sabir nəfəsli şairi https://turaztv.az/xeberler/66165-irvann-sabir-nfsli-airi.html https://turaztv.az/xeberler/66165-irvann-sabir-nfsli-airi.html ]]> turaztv Sun, 12 Jul 2026 00:41:00 +0400 [/fullrss] [yandexrss] Şirvanın Sabir nəfəsli şairi https://turaztv.az/xeberler/66165-irvann-sabir-nfsli-airi.html
Xəbərlər / Nesr Sun, 12 Jul 2026 00:41:00 +0400

Cəmil Dadaşovun 65 İllik ömür yolu

Şamaxı Azərbaycanın qədim mədəniyyət, fəlsəfə və poeziya beşiyidir. Əsrlər boyu bu müqəddəs torpaq Əfzələddin Xəqani və İmadəddin Nəsimi kimi bəşəri klassiklərdən tutmuş, Seyid Əzim Şirvani, Məhəmməd Hadi və dahi Mirzə Ələkbər Sabirə qədər dünya ədəbiyyatı xəzinəsini zənginləşdirən mütəfəkkirlər yetişdirmişdir. Şirvan ədəbi mühitinin ən böyük özəlliyi onun həm uca məhəbbəti tərənnüm edən lirikaya, həm də cəmiyyətin eybəcərliklərini qamçılayan amansız satiraya eyni dərəcədə sahiblik etməsidir. Bu gün həmin zəngin ənənənin ləyaqətli davamçılarından biri də tanınmış şair-publisist Cəmil Zəbhulla oğlu Dadaşovdur. Ömrünün 65-ci baharını, müdriklik çağını qarşılayan Cəmil Dadaşov müasir Azərbaycan ədəbiyyatında özünəməxsus dəst-xətti, ictimai fəallığı və vətəndaşlıq mövqeyi ilə seçilən sənətkarlardandır. Onun yaradıcılığı iki böyük qütbün — Sabiranə kəsərli satiranın və Şirvan şeir məktəbinə xas incə lirik qoşmaların harmoniyasından ibarətdir. Cəmil Dadaşovun "Sabiranə" başlığı altında qələmə aldığı silsilə şeirlər adından da göründüyü kimi, birbaşa böyük ustad Mirzə Ələkbər Sabirin tənqidi-realist məktəbinin müasir dövrdəki bədii əks-sədasıdır. Müəllif dövrün eybəcərliklərini ustadın poetik ritmi və kəsərli üslubu ilə ifşa edir. Şair birinci "Sabiranə" şeirində zamanın gətirdiyi mənəvi aşınmanı hədəf alaraq yazır:

Saldı bu dövran bizi çox zillətə,
Yoxdu birisi acıya millətə.
Kimsəyə yoxdur daha bir etibar,
Kim nə tapdı tapdığı yerdə satar.


Müəllif "mədəni oğrular" ifadəsi ilə qanunsuzluqları pərdələyənləri, fəaliyyətini yalnız şadlıq evi və bar açmaqda görən saxta xidmətçiləri kəskin tənqid edir. Milli mənəviyyatın qorunması məsələsinə toxunan şair, qloballaşmanın gətirdiyi mənfi təsirləri, gəlinlə qızın seçilməməsini, namusun sərvətə qurban verilməsini ürək ağrısı ilə qeyd edir. Şeirin sonundakı: "Müstəqilik “bezperedel””vol”dayıq,

Saldıq əcəb, milləti biz zillətə,
Kim nə deyər bizdə olan qeyrətə.


Misraları Sabirin məşhur satirik tənəzinə birbaşa nəzirə olmaqla, azadlığı özbaşınalıq kimi başa düşənlərə qarşı yönəlmiş acı bir istehzadır.
Şairin ikinci "Sabiranə" şeiri sosial-məişət problemlərinin fəlsəfi və realist bədii təsviridir. Müəllif "qaralmaq" metaforasından (üz qaraldı, gündüz qaraldı, günümüz qaraldı) ustalıqla istifadə edərək cəmiyyətin ümumi mənzərəsini yaradır. Burada kommunal xidmətlərin (qaz, işıq, su) bərbad vəziyyəti, kasıbın borc içində boğulması publisistik dillə deyil, yüksək poetik sənətkarlıqla ifadə olunub:

Qazdan, ya işıqdan, ya sudan yox idi korluq,
Qaz şam kimi, su yoxdu, işıq közdü qaraldı.


Şair ticarətdəki və idarəçilikdəki haqsızlıqları vurğulayır, düzlüyün və ədalətin yalnız sözdə qaldığını bildirir. Millət vəkillərinə ünvanlanan "Bu millətə məclisdəkilərdən “dədə” olmaz" fikri şairin kompromissiz vətəndaşlıq mövqeyinin təzahürüdür.
Üçüncü "Sabiranə" şeiri isə birbaşa seçki proseslərində xalqa saxta vədlər verən, lakin mandat aldıqdan sonra kreslo xəstəsinə çevrilən simasız siyasətçilərə qarşı yönəlmiş manifestdir:

Boşdur sözünün əvvəli, həm axırı, qardaş,
Söz vermə filan eyləyərəm, mən seçiləndə.
Fərz et ki, yenə aldanaraq biz səni seçdik,
Göztər görək axır nə dönüş etdin işində.


Şair bu tipli insanları cəsarətsizlikdə, yalnız öz xeyrini güdməkdə ittiham edir. Eyni zamanda, şeirdə xalqın həddindən ziyadə olan dözümü və səbri də sətiraltı tənqid olunur. Cəmil Dadaşov xalqı ayıq-sayıq olmağa, saxta təriflərdən uzaq durmağa çağırır.
Cəmil Dadaşov təkcə cəmiyyətin dərdlərini yazan satirik deyil, həm də insan qəlbinin ən incə tellərini titrədən lirik qoşmaların, gözəlləmələrin müəllifidir. Onun lirikasında Şirvan məktəbinin klassik məhəbbət fəlsəfəsi yaşayır. "Şəhla gözlər" şeirində müəllif sevgini insanı yaşadan, ona dözüm və mətanət verən uca bir qüvvə kimi təsvir edir. İlk bəndlərdə keçmişə, xatirələrə boylanan şair, həyatın tufanlarına və yağışlarına qarşı nikbin bir dözüm nümayiş etdirir. Yarın şəhla gözlərindən gələn ümid onun gözlərindən "sevinc yağışı" olaraq axır. Şeirin son bəndi müəllifin lirik qəhrəmanının xarakterini ortaya qoyur:

Məni oda salmaq bir az çətindir,
Qəlbim İradəli, həm də mətindir.
Dözərəm oduna, ölərəm atsan.
Cəmili yaşadan məhəbbətindir.

Bu misralar klassik divan ədəbiyyatındakı aşiq obrazının müasir qoşma janrında uğurlu təzahürüdür
Şairin digər məşhur "Demə" qoşması isə ayrılıq və qocalıq ağrısını fəlsəfi şəkildə ümumiləşdirir. Lirik qəhrəman gəncliyini "ala gözlü bir ceyran" kimi xəyal edir və onun arxasınca boylanır. Zamanın amansız axarı, saça qonan bəyaz dənlər şair tərəfindən rənglərin simvolikası ilə verilir:

Ağ rəng uçub ömrümdən zaman - zaman,
Qonur saça, günlərimi qaraldır.


Şeirin son bəndindəki "Demə" rədifli çağırışlar sevgilinin təsəlli bəhanələrini rədd edən, həqiqəti (hətta acı olsa belə) qəbul etmək istəməyən, təmiz və səmimi bir qəlbin harayıdır:

Demə, məndən qalmamısan nigaran,
Demə, məni sevməmisən, yalandır.
Demə, sona çatmayacaq bu hicran,
Demə, demə düz olsa da, amandır.


Cəmil Zəbhulla oğlu Dadaşovun yaradıcılıq palitrası göstərir ki, o, klassik ənənə ilə müasirliyi özündə birləşdirən bütöv bir sənətkardır. Onun satiralarındakı ictimai kəsər xalqın dərdinə yanmaqdan, lirik qoşmalarındakı həzinlik isə insana və gözəlliyə olan sonsuz sevgidən qaynaqlanır. 65 illik yubiley ərəfəsində şair-publisist Cəmil Dadaşovu bədii sözümüzə verdiyi töhfələrə görə ürəkdən təbrik edir, ona Şirvan torpağının sönməz ilhamını, möhkəm cansağlığı və yeni yaradıcılıq uğurları arzulayırıq. Onun yanan qələmi və haqqı deyən sözü hələ uzun illər oxucuların yoluna işıq saçacaqdır. 09 avqust 2026-cı il tarixdə bütün yaxınlar və dostlarla bir yerdə görüşmək ümidi ilə...

Hüseyn İsaoğlu, yazıçı-publisist,
AYB-nin və AJB-nin üzvü [/yandexrss][shortrss] Yaşar İbadov Azərbaycan elmini beynəlxalq müstəvidə layiqincə təmsil edir https://turaztv.az/xeberler/65847-yaar-badov-azrbaycan-elmini-beynlxalq-mstvid-layiqinc-tmsil-edir.html https://turaztv.az/xeberler/65847-yaar-badov-azrbaycan-elmini-beynlxalq-mstvid-layiqinc-tmsil-edir.html
Xəbərlər / Nesr turaztv Fri, 03 Jul 2026 00:51:53 +0400 [/shortrss] [fullrss] Yaşar İbadov Azərbaycan elmini beynəlxalq müstəvidə layiqincə təmsil edir https://turaztv.az/xeberler/65847-yaar-badov-azrbaycan-elmini-beynlxalq-mstvid-layiqinc-tmsil-edir.html https://turaztv.az/xeberler/65847-yaar-badov-azrbaycan-elmini-beynlxalq-mstvid-layiqinc-tmsil-edir.html ]]> turaztv Fri, 03 Jul 2026 00:51:53 +0400 [/fullrss] [yandexrss] Yaşar İbadov Azərbaycan elmini beynəlxalq müstəvidə layiqincə təmsil edir https://turaztv.az/xeberler/65847-yaar-badov-azrbaycan-elmini-beynlxalq-mstvid-layiqinc-tmsil-edir.html
Xəbərlər / Nesr Fri, 03 Jul 2026 00:51:53 +0400

“Alternativ Psixologiya” elminin müəllifi, tibbi biologiya elmləri doktoru, professor, Oksford Universitetinin akademiki Yaşar İbadov Azərbaycan elmi mühitində özünəməxsus dəst-xətti, geniş dünyagörüşü və yenilikçi elmi yanaşmaları ilə seçilən görkəmli alimlərdəndir. O, uzun illər apardığı fundamental araşdırmalar, insanın psixoloji və bioloji imkanlarının öyrənilməsi istiqamətində həyata keçirdiyi elmi fəaliyyət və beynəlxalq miqyasda qazandığı uğurlarla elm aləmində özünə layiqli yer qazanmışdır.

Professor Yaşar İbadov biologiya, tibb, psixologiya və fəlsəfə kimi müxtəlif istiqamətləri özündə birləşdirən elmi konsepsiyalar yaratmaqla insanın daxili potensialının daha dərindən öyrənilməsinə xidmət edən mühüm nəzəriyyələr irəli sürmüşdür. Onun müəllifi olduğu “Alternativ Psixologiya” elmi müasir psixologiyaya fərqli baxış bucağı gətirən yeni bir istiqamət kimi qiymətləndirilir.
Bu elmi istiqamətin əsas məqsədi insanın daxili enerjisi, düşüncə imkanları, psixoloji potensialı və mənəvi dünyası arasındakı qarşılıqlı əlaqələri araşdırmaqdır. Professor Yaşar İbadov hesab edir ki, insan yalnız fiziki və bioloji varlıq deyil, eyni zamanda mürəkkəb psixoloji və mənəvi sistemdir. Bu baxımdan onun araşdırmaları insanın özünü dərk etməsi, daxili imkanlarını üzə çıxarması və həyat keyfiyyətini yüksəltməsi baxımından böyük əhəmiyyət daşıyır.
Yaşar İbadovun elmi yaradıcılığının əsas xüsusiyyətlərindən biri də ənənəvi elmi yanaşmalarla innovativ ideyaları vəhdət halında təqdim etməsidir. O, klassik elmin prinsiplərinə sadiq qalmaqla yanaşı, yeni elmi istiqamətlərin formalaşdırılmasına da xüsusi önəm verir. Məhz bu səbəbdən onun araşdırmaları təkcə Azərbaycanda deyil, müxtəlif ölkələrin elmi dairələrində də maraqla qarşılanır.
Tibbi biologiya elmləri doktoru kimi professor Yaşar İbadov insan orqanizminin funksional imkanları, sağlam həyat tərzi, bioloji proseslərin psixoloji vəziyyətlə əlaqələri istiqamətində mühüm tədqiqatlar aparmışdır. Onun elmi əsərlərində insan sağlamlığının qorunması, stresin idarə olunması, psixoloji dayanıqlığın artırılması və həyat enerjisinin düzgün istiqamətləndirilməsi kimi mövzular geniş şəkildə işıqlandırılır.
Professor Yaşar İbadovun fəaliyyətində beynəlxalq əməkdaşlıq da xüsusi yer tutur. Onun müxtəlif ölkələrdə keçirilən beynəlxalq konfranslarda iştirakı, elmi məruzələri və təqdim etdiyi yenilikçi ideyalar dünya alimlərinin diqqətini cəlb etmişdir. O, Azərbaycan elmini beynəlxalq müstəvidə layiqincə təmsil edən alimlərdən biri kimi tanınır.

Oksford Universitetinin akademiki adına layiq görülməsi Yaşar İbadovun elmi fəaliyyətinə verilən yüksək qiymətin göstəricisidir. Bu nüfuzlu akademik status onun uzun illər ərzində elmə verdiyi töhfələrin, apardığı tədqiqatların və əldə etdiyi nailiyyətlərin beynəlxalq səviyyədə qəbul edildiyini nümayiş etdirir. Belə bir yüksək elmi nüfuza sahib olmaq yalnız böyük zəhmət, əzmkarlıq və istedad nəticəsində mümkündür.
Professor Yaşar İbadov həm də gənc nəslin elmə marağının artırılması istiqamətində mühüm fəaliyyət göstərir. O, öz bilik və təcrübəsini gənc tədqiqatçılarla bölüşərək onların elmi inkişafına dəstək verir. Alimin fikrincə, hər bir cəmiyyətin gələcəyi elmli, savadlı və vətənpərvər gənclərin yetişdirilməsindən asılıdır. Bu baxımdan onun maarifçilik fəaliyyəti xüsusi təqdirə layiqdir.
Həyat və fəaliyyəti elmə, biliyə və insanlığa xidmət edən Yaşar İbadovun əsərləri oxuculara yalnız elmi biliklər vermir, həm də insanın özünə inamını artırır, onun daxili potensialını kəşf etməsinə stimul yaradır. Alim insanın uğur qazanmasının əsas şərtlərindən birinin düzgün düşüncə tərzi olduğunu vurğulayır. Onun araşdırmalarında insan iradəsinin gücü, müsbət düşüncənin əhəmiyyəti və mənəvi inkişaf məsələləri mühüm yer tutur.
Professorun çoxsaylı elmi məqalələri, monoqrafiyaları və tədqiqat işləri elm ictimaiyyəti tərəfindən maraqla qarşılanmışdır. Onun əsərlərində qaldırılan problemlər və irəli sürülən elmi ideyalar müasir dövrün aktual məsələlərinə cavab verməsi ilə seçilir. Bu əsərlər həm nəzəri, həm də praktik baxımdan mühüm əhəmiyyət daşıyır.
Yaşar İbadovun şəxsiyyətini səciyyələndirən əsas xüsusiyyətlərdən biri də onun yüksək intellekti ilə yanaşı, sadəliyi və insanpərvərliyidir. O, elmi fəaliyyətində olduğu kimi, ictimai münasibətlərdə də səmimiyyəti, xeyirxahlığı və humanist mövqeyi ilə seçilir. Onu tanıyanlar professorun daim insanlara faydalı olmağa çalışan, biliklərini paylaşmaqdan məmnunluq duyan bir ziyalı olduğunu qeyd edirlər.
Ölkəmizin intellektual sərvəti olaraq, öz elmi fəaliyyəti ilə Azərbaycan elminin inkişafına mühüm töhfələr verən professor Yaşar İbadovun araşdırmaları bu gün də yeni elmi istiqamətlərin formalaşmasına, insan potensialının daha dərindən öyrənilməsinə və elmi düşüncənin inkişafına xidmət edir. O, həm alim, həm pedaqoq, həm də maarifçi kimi cəmiyyət qarşısında mühüm missiyanı layiqincə yerinə yetirir. Bu yolda ona uğurlar arzulayırıq!
Turaztv.az [/yandexrss][shortrss] Gözəl qardaşlara mərd bacı oldum - FOTO https://turaztv.az/xeberler/64723-gzl-qardalara-mrd-bac-oldum-foto.html https://turaztv.az/xeberler/64723-gzl-qardalara-mrd-bac-oldum-foto.html
Xəbərlər / Nesr turaztv Wed, 03 Jun 2026 00:05:25 +0400 [/shortrss] [fullrss] Gözəl qardaşlara mərd bacı oldum - FOTO https://turaztv.az/xeberler/64723-gzl-qardalara-mrd-bac-oldum-foto.html https://turaztv.az/xeberler/64723-gzl-qardalara-mrd-bac-oldum-foto.html ]]> turaztv Wed, 03 Jun 2026 00:05:25 +0400 [/fullrss] [yandexrss] Gözəl qardaşlara mərd bacı oldum - FOTO https://turaztv.az/xeberler/64723-gzl-qardalara-mrd-bac-oldum-foto.html
Xəbərlər / Nesr Wed, 03 Jun 2026 00:05:25 +0400
XATİRƏ İSMAYILOVA,
şəhid anası

Allah dərd verdisə,dərdimi çəkdim
Naşükür olmadım yükümü çəkdim.
Kimi qanqal əkdi, tikan bitirdi,
Mən hara düşdümdə çiçək becərdim.

Dərdimi nuş etdim, aman demədim,
Heç zaman yaxşıya yaman demədim,
Əllərim hər şeydən üzülən anda,
Yenə də yazana zalım demədim.

Məni tanıyanı peşman etmədim,
Dağda-daşda bitdim, bağda bitmədim.
Azım çoxum oldu, pis günüm oldu,
Yoldaşı yarıda qoyub getmədim.

Dünyanın ən uca anası oldum,
Gözəl qardaşlara mərd bacı oldum,
Tanıdım dünyanın yaxşısın, pisin
Dosta mərd, düşmənə çox acı oldum.

Mənim nə varım var, nə dövlətim var...
Amma sevgi dolu bir ürəyim var...
Mənim nə ləlim var, nə gövhərim var
Sudan saf xislətim, nur cövhərim var...

 [/yandexrss][shortrss] Həyatın çətinliklərinə dözərək zamanın burulğanından üzüağ çıxıb yaşamağı yalnız sağlam düşüncəli insanlar bacarır - FOTO https://turaztv.az/xeberler/63888-hyatn-tinliklrin-dzrk-zamann-burulanndan-za-xb-yaama-yalnz-salam-dncli-insanlar-bacarr-foto.html https://turaztv.az/xeberler/63888-hyatn-tinliklrin-dzrk-zamann-burulanndan-za-xb-yaama-yalnz-salam-dncli-insanlar-bacarr-foto.html
Xəbərlər / Nesr turaztv Fri, 15 May 2026 00:03:41 +0400 [/shortrss] [fullrss] Həyatın çətinliklərinə dözərək zamanın burulğanından üzüağ çıxıb yaşamağı yalnız sağlam düşüncəli insanlar bacarır - FOTO https://turaztv.az/xeberler/63888-hyatn-tinliklrin-dzrk-zamann-burulanndan-za-xb-yaama-yalnz-salam-dncli-insanlar-bacarr-foto.html https://turaztv.az/xeberler/63888-hyatn-tinliklrin-dzrk-zamann-burulanndan-za-xb-yaama-yalnz-salam-dncli-insanlar-bacarr-foto.html ]]> turaztv Fri, 15 May 2026 00:03:41 +0400 [/fullrss] [yandexrss] Həyatın çətinliklərinə dözərək zamanın burulğanından üzüağ çıxıb yaşamağı yalnız sağlam düşüncəli insanlar bacarır - FOTO https://turaztv.az/xeberler/63888-hyatn-tinliklrin-dzrk-zamann-burulanndan-za-xb-yaama-yalnz-salam-dncli-insanlar-bacarr-foto.html
Xəbərlər / Nesr Fri, 15 May 2026 00:03:41 +0400
Ad gününüz mübarək, Oqtay müəllim!

Ömür yolu rəvan olmur. Bu yolların yoxuşu, enişi var. Həyatın çətinliklərinə dözərək zamanın burulğanından üzüağ çıxıb yaşamağı yalnız sağlam düşüncəli insanlar bacarır. Ad gününü təbrik edəcəyim Oqtay müəllimin atası Səttar müəllimi tanıyırıq. Onunla 15 gün bir müalicə ocağında, eyni otaqda olmuşuq, müalicəmizi davam etdirmişik. Bu müddətdə sözünün əvvəli də, axırı da oğlu Oqtay olurdu. Söhbət əsnasında öyrəndik ki, ixtisasca cərrah-həkimdir. Bir müddət Bakıda işlıədikdən sonra Amerikaya üz tutub. Orada bu peşəni şərəflə davam etdirir.
Söhbətimizdən onu da öyrəndik ki, Oqtay Məmmədov əsl insan, böyük şəxsiyyətdir. Həqiqi mənada humanist, vicdanlı, təmiz qəlbli Azərbaycan övladıdır. Böyüklə böyük, cavanla cavan, uşaqla uşaq kimi danışmağı bacaran, hər kəslə eyni dildə ünsiyyət quran nadir insanlardandır. Onun üçün insanın yaşı, vəzifəsi, statusu deyil, xarakteri, əxlaqı, ehtiyacı əsasdır.
Onu fərqləndirən ən əsas cəhətlərdən biri insanları dərindən hiss etmək və anlamaq qabiliyyətidir. Enerjisi bitməzdir. Saatlarla gözəl natiq kimi, özü də ana dilimizdə danışa bilər, insanı yormayan maraqlı nitqə malikdir. Oqtay müəllim adamları “kitab kimi oxuya bilir". Kimin üzündə təbəssüm saxtadır, kimin içində bir dərd gizlənir - bunu dərhal sezir. Gözünə hər hansı şübhəli hal dəyərsə, o insanı rahat buraxmaz. Soruşar, maraqlanar, halını öyrənər. Ta ki, içindəki sıxıntını üzə çıxarana qədər. Amma məsələ təkcə bunu öyrənməklə bitməz. O, mütləq çözüm axtarar. Kömək etmədən, əlindən gələni etmədən geri çəkilməz.
ŞƏKİLDƏ SƏTTAR MƏMMƏDOV və oğlu OKTAY MƏMMƏDOV

Səttar müəllimin dediyinə görə, onun elədiyi xeyirxahlıqların, nəcib işlərin saysız-hesabsız nümunəsi var. Hər birinin arxasında bir ailənin, bir insanın taleyinə toxunan xeyirxah əməl dayanır. O.Məmmədovun həssas xarakteri var.
Səttar müəllim həmişə onun haqqında iftixarla danışır. Deyir ki, oğlu olduğuna görə onun haqqında danışmır. Onu kənardan müçahidə edənlərin qənaətinə görə, Oqtay müəllim yüksək mədəniyyətə malikdir, həm də çox təmkinli, əsl Azərbaycan kişisinə xas olan ağsaqqal düşüncəlidir.
Bu gün, 15 may onun ad günüdür.
Atası Səttar müəllim, Oqtayın həyat yoldaşı Zemfira xanım, qızı Kəmalə, oğlanları Elnur, Kamran, qayınanası Sevil xanım, bacısı oğlu Kənan, Mədinə, Elgün təbrik edərək ona möhkəm cansağlığı, uğurlar, yorulmaz fəaliyyət, Azərbaycanımızın başını hər zaman uzaq bir ölkədə şərəfli etməyi, ailəsinin başının üstündən əskik olmamağı, ən əsası isə qalan ömrünü sağlam canla yaşamağı arzulayırıq.
Təbrikə Səttar müəllimin yaxın dostları Cəmil Dadaşov,Daşdəmir Əjdəroğlu,Pünhan Şükür,Xəlil Mirzə,Vüqar Hümbətov və bütün Oktaysevərlər də qoşulurlar

Dərin hörmət və səmimiyyətlə
Dostlar adından Cəmil Zəbhullaoğlu

Sonda Hafiz Baxışın ”Bizim dost itirən vaxtımız deyil” şerinin bir bəndi il sağollaşaq

Gəlin itirməyək dostları, qardaş,
Onsuz da çox deyil yaxşı dost, sirdaş.
Dostluq qalasından bir kərpic, bir daş
Uçurub aparır hər saat, hər il-
Bizim dost itirən vaxtımız deyil!


 [/yandexrss][shortrss] Prof. RÜFƏT LƏTİF OĞLU HÜSEYNZADƏ - 75 İL - FOTO https://turaztv.az/xeberler/63614-prof-rft-ltf-olu-hseynzad-75-l-foto.html https://turaztv.az/xeberler/63614-prof-rft-ltf-olu-hseynzad-75-l-foto.html
Xəbərlər / Nesr turaztv Thu, 07 May 2026 10:35:33 +0400 [/shortrss] [fullrss] Prof. RÜFƏT LƏTİF OĞLU HÜSEYNZADƏ - 75 İL - FOTO https://turaztv.az/xeberler/63614-prof-rft-ltf-olu-hseynzad-75-l-foto.html https://turaztv.az/xeberler/63614-prof-rft-ltf-olu-hseynzad-75-l-foto.html ]]> turaztv Thu, 07 May 2026 10:35:33 +0400 [/fullrss] [yandexrss] Prof. RÜFƏT LƏTİF OĞLU HÜSEYNZADƏ - 75 İL - FOTO https://turaztv.az/xeberler/63614-prof-rft-ltf-olu-hseynzad-75-l-foto.html
Xəbərlər / Nesr Thu, 07 May 2026 10:35:33 +0400
Prof. RÜFƏT LƏTİF OĞLU HÜSEYNZADƏ - 75 İL.
TƏBRİK EDİRİK!


FƏRİDƏ XUDİYEVA
ADPU-nun Ümumi Pedaqogika kaafedrasının müdiri,
Pedaqogika üzrə fəlsəfə doktoru, dosent.

Rüfət Lətif oğlu Hüseynzadə 1951-ci il 4 mayda Naxçıvan şəhərində müəllim ailəsində doğulmuşdur.
Keçən əsrin ziyalı nəslinə mənsub olan atası Lətif Hüseynzadə (2008-ci ildə 106 yaşında dünyasını dəyişmişdir. Allah rəhmət eləsin) Naxçıvanda əvvəlcə məktəb və mədrəsə təhsili görmüş, sonra yeni tipli, “Rüşdiyyə” məktəbində dövrünün böyük şəxsiyyətlərindən – Ttürkiyədə təhsil almış Hüseyn Caviddən türk dili, onun qardaşı Tehranda təhsil almış Şeyx Məhəmməd Rasizadədən ərəb, fars dilləri öyrənmiş, Qori Müəllimlər Seminariyasının məzunu Cavidin kiçik qardaşı Əlirzadan isə rus dili dərsləri almışdır.

Rüfət Hüseynzadə atası haqqında xatirələrdən danışarkən detyir ki, ailədə Hüseyn Cavid oxuduğu ölkənin dilində danışarkən türkcə kəlmələr işlədir, Şeyx Məhəmməd Rasizədə ərəbcə kəlmələr işlədir , Əlirza isə danışığında rusca sözlər işlədirdi. Anaları onlara həmişə deyirtdi balalarım ananınızın dilində danışın. Bu ailə yaxından tanış olan Cəlil Məmmədquluzadə “Anamın kitabı” əsərəni bu ailənin timsalında yazmışdır.
Daha sonra Bakıda Azərbaycan Dövlət Universitetinin Şərqşünaslıq fakültəsində ali təhsil alarkən Abdulla Şaiqdən, Bəkir Çobanzadədən, Tağı Şahbazi Simurqdan, Rusiyadan dəvət olunmuş görkəmli alimlərdən - B.B.Komarovskidən, M. Makovelskidən, A. Marrdan, Seredinskidən dərs almış, Mikayıl Müşfiqlə tələbə yoldaşı olmuş, Əhməd Cavadla dost olmuşdur.
Ədəbiyyatşünas alim, dosent, “İstiqlal” ordenli “Əməkdar Müəllim” Lətif Hüseynzadə gənc nəslin təlim və tərbiyəsində, xalq maarifimizin inkişafında, yeni, orijinal əsərləri ilə ədəbiyyatımızın zənginləşməsində təqdirəlayiq xidmətlər göstərmiş və onun uzun illər xalq maarifinin inkişafında, gənc nəslin təlim və tərbiyəsində fədakar əməyi Ulu Öndərimiz Heydər Əliyev tərəfindən yüksək qiymətləndirilmiş, “Lətif müəllim özü canlı tarixdir” – demiş və dövlət səviyyəsində onun 100 illik yubileyi keçirilmiş, dövlətimizin ən yüksək ordeni ilə “İstiqlal” ordeni ilə təltif edilmişdir.
Rüfət Hüseynzadə belə bir alim-ziyalı ailəsində dünyaya gəlmiş və bu nəslini layiqli təmsilçisi kimi həm özü həm də oğlu Əkrəm Hüseynzadə (Filoloq alim, NDU nun dosenti, sonra yüksək dövlət qulluğinda çalışmış və 2024 – cü ildə dnüyasını dəyşimişdir) davam etdirmişdir.

R.L.Hüseynzadə 1971-ci ildə ADPU-nun pedaqoji fakültəsindən məzun olmuş, Abşeron rayonunda müəllimlik etmiş və 1974-cü ildə Azərbaycan Müəllimlər İnstitutunda (əvvəlki adları müxtəlif olmuşdur) əvvəlcə tərbiyə işləri metodkabinetində metodist, 1983-cü ildə pedaqogikanın nəzəriyyəsi və tarixi ixtisası üzrə namizədlik dissertasiyası müdafiə etdikdən sonra pedaqogika kafedrasına müəllim, daha sonra baş müəllim və dosent vəzifələrində çalışmışdır.
2000-ci ildə “Əlavə təhsil üzrə rəhbər pedaqoji kadrlar” fakültəsinə dekan vəzifəsinə təyin edilmiş, daha sonra isə institutun bakalavr pilləsində “Pedaqogika və filologiya” fakültəsinə dekan vəzifəsinə seçilmişdir.
R.L.Hüseynzadə 2007-ci ildə pedaqogikanın nəzəriyyəsi və tarixi ixtisası üzrə elmlər doktorluğu dissertasiyası müdafiə edərək, pedaqoji elmlər doktoru elmi dərəcəsini, 2008-ci ildə isə Professor elmi adı almış. pedaqogika kafedrasına müdir və professor vəzifəsinə təyin olunmuşdur.
2009-cu ilin 07 dekabrında Azərbaycan Respublikasının Prezidenti, cənab İlham Əliyevin sərəncamı ilə R.L.Hüseynzadənin şərəfli elmi - pedaqoji əməyi yüksək qiymətləndirilərək ona Respublikanın “Əməkdar Müəllim”i adı verilmişdir.
2025- ci ildə ADPU-nun “100 illiyi fəxri nişanı” ilə təltif edilmişdir.
2016-2017-ci tədris ilindən AMİ ADPU-ya birləşdirilmiş və R.L. Hüseynzadə ADPU-nun pedaqogika kafedrasının professoru vəzifəsinə seçilmiş və bu günə qədər orada elmi – pedaqoji fəaliyyətini davam etdirməkdədir.
Bir faktı xüsusi olaraq qeyd edək ki, R.Hüseynzadənin bir müəssisədə fasiləsiz olaraq çalışması (Yalnız müxtəlif vaxtlarda müəssisənin adı dəyişilmiş) yarım əsrdən çox edir. Yəqin ki, ADPU – nun ən stajlı əməkdaşı, professoru Rüfət Hüseynzadə hesab edilə bilər.

Rüfət müəllim tələbələrin sevimlisidir.Onun mühazirələri çox maraqlı və məzmunlu keçir. Dərslərində kompüter texnikasından, slaydlardan igeniş istifadə edilir. O daim tələbələrin qayğısına qalır, onları elmi-yaradııcılıq işlərinə həvəsləndirir, bədii- yaradıcılıq işlərinə, mütaliə ilə məşğul oilmağa ruhlandırır. Buna görə də Rüfət müəllimin tələbələri daim müvəffəq qiymətlər alır, yüksək təhsil nəticələri əldə edirlər.
Prof. R.L.Hüseynzadənin əsas tədqiqat sahəsi qədim və orta əsrlər dövründə Azərbaycanda tərbiyə, təhsil və pedaqoji fikir tarixinin öyrənilməsidir ki, bu sahədə bir çox dəyərli əsərlərin müəllifidir.
Onun 20-dən artıq monoqrafiyası, kitab, dərslik, dərs vəsaiti, metodik vəsaiti, 20-dən çox fənn proqramı və 300-dən artıq pedaqoji elmin nəzəriyyə və tarixinə dair elmi əsərləri Respublikamızda, Türkiyədə, Rusiyada nəşr edilmiş bir çox beynəlxalq və respublika konfranslarının, simpoziumların iştirakçısı, bölmə rəhbəri və məruzəçisi olmuşdur.
4 may 2026 cı il tarixində ADPU -nun II tədris binasında Universitet rektorluğunun rəhbərliyi, təşəbbüsü və yüksək təşkilatçılığı ilə Tarix coğrafiya fakültəsinin və Ümumi Pedaqogika kafedrasının birgə fəaliyyəti ilə Prof. Rüfət Lətif oğlu Hüseynzadənin 75 illik yubileyinə həsr edilmiş təntənəli yubiley tədbiri keçirilmişdir. Tədbirin təşkili və keçirilməsində Ümumi pedaqogika kafedrasının xüsusi fəallığını və təşəbbüskarlığını təqdırə layiq hesab edirik.
Tədbirdə ADPU-nun Rektoru prof. Cəfər Cəfərovun təbriki diqqətlə dinlənildi və alqışlandı.Tədbirdə Tarix -coğrafiya fakültəsinin dekanı Asif Axundov yubilyar haqqında geniş məruzə etdi. Sonra ADPU -nun Elmi işlər üzrə prorektoru, professor Asəf Zamanov, Tədris işləri üzrə prorektoru dos. Eldar Aslanov, ADPU- nun Həmkarlar İttifaqının Sədri Vaqif Əliyev, Ümumi pedaqogika kafedrtasının müdiri, Fəridə xanım Xudiyeva, Magistartura və doktorantura şöbəsinin müdiri Rəşad Sadıqov, Universitet YAP – nın sədri Sultanəli Qurbanov çıxış etdilər, yubilyarın ünvanına xoş sözlər dedilər və yubilyarı Universitet Rektorluğunun və Həmkarlar İttifaqının “Fəxri Fərman”ı ilə təltif etdilər.

Daha sonra BDU -nun kafedra müdiri prof. Ləzifə Qasımova, ADU- nun Pedaqogika kafedrasının müdiri dos. İranə Məmmədli, həmin kafedranın dosenti Vidadi Bəşirov, Psixologiya kafedrasının müdiri dos. Əzim Əliyev, Yasamal Qadınlar Şurasının sədri, “Carçı” jurnalının baş redaktoru, Gülnarə Əmirquliyeva, AQRA Elmin İnkişaf Fondu İctimai Birliyinin sədri Mirələkbər Seyiidov, ADPU-nun YAP- nın Sədri Sultanəli Qurbanov, ADPU – nun Məktəbəqədər təhsil kafedrtasının müdiri, professor, Müseyib İlyasov, Pedaqogika kafedrasının professoru İramin İsayev, dosenti, Əməkdar Müəllim Heydər Cəfərov, dos Sahilə Orucova, dos. Kəmalə Quliyeva, dos. Şuriyyə Azadəliyeva, dos. Emilya Hüseynova, dos. Fəridə Hüseynova, professor, Məktəbəqədər təhsil fakültəsinin dekanı, Əməkdar Müəllim, professor Şəhla Əliyeva, İbtidai təhsil fakültəsinin dekanı, professor Qızxanım Qəhrəmanova, elmlər doktorluğu üzrə dissertant Məhbubə Məmmədova, Tarix muzeyinin elmi işçisi dos. Həbibə Əliyeva, doktorant Xəyalə Ramazanova və başqaları çıxış etdilər, yubilyarın elmi pedaqoji fəaliyyəti haqqında dəyərli sözlər deyərək, onu təbrik etdilər.
Prof. Rüfət Hüseynzadənin 75 illik yubileyini təbrik edir, ona cansalığı və işlərində uğurlar arzulayırılq.
Prof. R.L.Hüseynzadənin çap olunmuş əsərlərindən bəzi nümunələr aşağıdakılardır:

MONOQRAFİYALAR, DƏRSLİK, DƏRS VƏSAİTİ, METODİK VƏSAİT VƏ KİTABLAR

1. Yer üzünün ən şərəfli peşəsi – müəllimlik.Metodik vəsait. Bakı, Müəllim 2026.
2. Pedaqogika. Dərslik. 2 cilddə Bakı: Mütərcim, 2013.
3. Pedaqogika. Ali məktəb tələbələri üçün dərslik Bakalavr səviyyəsi, Bakı, Mütərcim, 2022
4. Azərbaycan məktəb və pedaqoji fikir tarixi. Bakalavr təhsil ssəviyyıəsi.Dərs vəsaiti Bakı: ADPU, 2021
5. Pedaqoji təcrübə.Metodik kitab. Bakı: Elm və təhsil, 2021
6. Pedaqoji prosesdə situasiyalar, metodlar, öyüd və nəsihətlərdən istifadə. Metodik vəsait. Bakı: Müəllim,- 2022. -532 s.
7. Sevə bilmək. Metodik vəsait. Ankara Türkiyə, 2026
8. Ögretmen-ögrenci ilişgileri.(Monoqrafiya) Türkiye, Adana, 1998
9. Məhəmməd Tağı Sidqi dilimiz və məktəbimiz haqqında. Bakı: Müəllim, 2005.
5. Qədim və erkən orta əsrlərdə Azərbaycanda tərbiyə, təhsil və pedaqoji fikir. (Monoqrafiya), Bakı: Nurlar, nəşriyyatı, 2007.
8. Magistr dissertasiyası.(Metodik vəsait). Bakı, Nurlar, 2009.
9. Tərbiyə işi və onun metodikası. (Dərs vəsaiti) Bakı: ADPU. 2012 .
10. Pedaqogika. Dərslik. 2 cilddə. Bakı: Mütərcim, 2013.
11. Məktəbdə pedaqoji prosesin təşkili. (Metodik vəsait). Bakı: Aktiv, 2013.
12. Педагогика. Учебник. Баку: АГПУ, 2015.
14. Tərbiyə: Hüquqi normativ əsaslar. (Dərs vəsaiti) Bakı: BDU, 2015 və
2022
15. Ailə pedaqogikası. Dəralik. Bakı: ADPU, 2016 .
16. “Müəllim hazırlığının aktual problemləri və modernləşdirilməsi”. Bakı:
Mütərcim, 2015
17. Şərqdə məktəb və pedaqoji fiukir. Dərs vəsaiti. Bakı: Müəllim, 2026.

PROQRAMLAR

1. Azərbaycan məktəb və pedaqoji fikir tarixi. Bakı, ADPU,2010.
2. Tərbiyə işinin metodikası. Bakı, 2010.
3. Pedaqogika elminin tarixi və metodologiyası(Təhsilin magistratura pilləsi üçün). Bakı, ADPU, 2010
4. Azərbaycan məktəb və pedaqoji fikir tarixi. (Təhsilin Bakalavr pilləsi üçün Proqram) Bakı: ADPU, 2010
5. Pedaqogika. (Təhsilin Bakalavr pilləsi üçün Proqram) Bakı: ADPU, 2010
6. Ali məktəb pedaqogikası. Magistr təhsili üçün Proqram Bakı, Avrasiya 2017
7. Azərbaycan Təhsil Tarixi. Bakalavr təhsil pilləsi üçün proqram. Bakı: ADPU , 2015
8. Tərbiyə prosesinin hüquqi-normativ əsasları. Magistr hazırlığı üçün Proqram. ADPU, 2015
9. Pedaqogika tarixi. Bakalavr təhsil pilləsi üçün proqram. Bakı: ADPU , 2010
10. Azərbaycan məktəb və pedaqoji fikir tarixi. Bakalavr təhsil pilləsi üçün proqram. Bakı: ADPU, 2010
11. “Təşkilat üçün praktik tətbiqlər və ərazi siyasətinin idarə edilməsi” magistr təhsil səviyyəısi üçün. Bakı 2021
12. “Sosial işdə tədqiqat metodları” – magistr təhsil səviyyəsi üçün. Bakı, 2021
13. Sosial pedaqogika – Bakalavr təhsil səviyyısi üçün. Bakı, 2022
14. ”Tədqiqatlar, kommunikasiya, və innovasiya” – Nagistratura təhsil səviyyəsi. Bakı, 2022
15. “Pedaqogikanın tarixi və metodologiyası”. PROQRAM Magistratiura təhsil səviyyəsi üçün. Sahilə Orucova ilə birlıkdə Bakı ADPU, 2021.
16. Sosial işin nəzəriyyəsi və təcrübəsi. Bakalavr səviyyəsi üçün fənn proqramı. Bakı:ADPU, 2026
Məqalələr
1. Oğuznamələr və onların pedaqoji əhəmiyyəti . AMİ-nin Xəbərləri.2007, № 4
2. Mövlana Cəlaləddin Rumi və Mövləvilikdə mənəviyyat aləmi. Bakı Slavyan Universiteti "Humanitar elmlərin öyrənilməsinin aktual problemləri.
2008, № 1.
3. Məhəmməd Tağı Sidqinin yeni Əlyazmaları və pedaqoji fikirləri.Azərbaycan Müəllimlər İnstitutunun Xəbərlər”i, 2009, № 2.
4. Yaşlıların təhsilində məktəb və pedaqoji fikir tarixi irsindən istifadə. Bakı Slavyan Universiteti. "Humanitar elmlərin öyrənilməsinin aktual
problemləri". jurn. 2009, № 3
5. Zaqafqaziya Müəllimlər Seminariyasının naxçıvanlı məzunları. Azərbaycan məktəbi 2010 № 1.
6. Bektaşilik və Bektaşilikdə mənəviyyat. Bakı Dövlət Universiteti. Dil və ədəbiyyat. Seriyası. Beyəlxalq Elmi –nəzəri jurnal. Bakı, 2010, № .3 (74).
7. Bakı milyonçusu, maarifpərvər xeyriyyəçi H.Z.Tağıyevin Sultana hədiyyəsi. Azərbaycan məktəbi, 2011, № 3
8. M.Ə. Sabirin pedaqoji görüşləri. Azərbaycan dili və ədəbiyyat tədrisi 2011, № 3
9. Gənclərimizin mənəvi tərbiyəsində Heydər Əliyev fenomeni. Bakı Avrasiya Universiteti.Heydər Əliyev və gənclər siyasəti. Heydər Əliyev 90 illik
yubileyinə həsr olunmuş respublika Elmi Praktik Konfransı. Bakı, 3 may 2013
10. Heydər Əliyev nəzəri irsində müəllim şəxsiyyəti. “Azərbaycan məktəbi” 2013 № 2.
11. Возможности дистанционного обучения в учебном процессе. Язык и литература . БГУ Баку, 2014, № 2
12. Azərbaycan Respublikasında Təhsilin inkişafı üzrə Dövlət strategiaysı” və səriştəli müəllim kadrları hazırlığı problemi. AMİ. XƏBƏRLƏR. 2014, № 2.
13. Təhsil strategiyası Heydər Əliyev ideyalarının məntiqi davamı kimi. Ümummilli lider Heydər Əliyevin anadan olmasının 92 –ci ildönümünə həsr
olunmuş Azərbaycanşünaslığın aktual problemləri. VI beynəlxalq elmi konfransın proqramı. Bakı Slavyan Universiteti 5-7 may 2015.
14. Təhsil- tarixi inkişaf prosesində. Təhsilin beşiyi - Naxçıvan, Gəmiqaya. "Azərbaycanda təhsil quruculuğunun prioritetləri: Müasir yanaşmalar.
Beynəlxalq elmi konfrans. ARTPİ, Naxçıvan Dövlət Universiteti, Naxçıvan Müəllimlər İnstitutu. Naxçıvan , 5-6 iyun, 2015.
15. Təhsil tarixi inkişaf prosesində. Məktəbəqədər və ibtidai təhsil. 2015 № 4
16. BDU-nun ilk mətbuat orqanı-"Student-jurnalist" qəzeti. BDU. Sosial Elmlər vı psixologiya fakültəsinin 25 illik yubilryinə həsr olunmuş "Çağdaş
dövr və sosial elmlərin aktual problemləri" mövzusunda Ümumrespublika elmi-praktik konfransın Materaiallları. 19 dekabr, 2016
17. Görkəmli pedaqoq, həkim və yazıçı - Yanuş Korçak. ADPU. XƏBƏRLƏR. 2017 №1
Turaztv.az [/yandexrss][shortrss] SÖZ VƏ SƏMİMİYYƏT ADAMI -Pünhan İSMAYILLI - 60 - FOTOLAR https://turaztv.az/xeberler/62732-sz-v-smmyyt-adami-fotolar.html https://turaztv.az/xeberler/62732-sz-v-smmyyt-adami-fotolar.html
Xəbərlər / Nesr turaztv Sun, 12 Apr 2026 00:15:52 +0400 [/shortrss] [fullrss] SÖZ VƏ SƏMİMİYYƏT ADAMI -Pünhan İSMAYILLI - 60 - FOTOLAR https://turaztv.az/xeberler/62732-sz-v-smmyyt-adami-fotolar.html https://turaztv.az/xeberler/62732-sz-v-smmyyt-adami-fotolar.html ]]> turaztv Sun, 12 Apr 2026 00:15:52 +0400 [/fullrss] [yandexrss] SÖZ VƏ SƏMİMİYYƏT ADAMI -Pünhan İSMAYILLI - 60 - FOTOLAR https://turaztv.az/xeberler/62732-sz-v-smmyyt-adami-fotolar.html
Xəbərlər / Nesr Sun, 12 Apr 2026 00:15:52 +0400
TƏBRİK EDİRİK!

SÖZ VƏ SƏMİMİYYƏT ADAMI


Onun ruhunu dindirən ən sevimli məşğuliyyət işidir. İllərini, alın tərini, zəhmətini verdiyi və bəhrəsini gördüyü peşəsi. Bu peşədə qazandığı bütün uğurların memarı isə özüdür. Zərrə-zərrə, pillə-pillə bu uğura doğru yol alıb. Bəzən zərif çiyinlərində daşıdığı işin ağırlığını, məsuliyyətini, çətinliyini hiss edib, bəzən yorulub, amma çəkinməyib, heç bir məqamda təslim olmayıb. Bu uzun, incə yolda qarşısına çıxan bütün maneələri əzmkarlığı, gücü, bacarığı, mübarizliyi, yeri gələndə sərtliyi ilə dəf edərək tutduğu yola davam edib. Geriyə çevrilib, qurduğu "həyat layihəsi”nə baxanda bəlkə də hansısa xırda toxunuşlar etmək istərdi, amma bütövlükdə heç nəyi dəyişməzdi... Bəzən insan öz-özünə danışır, fikirlərini götür-qoy edir. Əlbəttə, həyatda müəyyən məqamlar olur ki, adam sonra heyifsilənir: "Gərək belə etməzdim”, "Bunu belə etsəydim, daha yaxşı olardı” deyir. Amma bütövlükdə götürdükdə həyatımda heç nəyi dəyişməzdim. Yəqin hər şey elə belə də olmalı idi”. Haqqında söz açdığım, 60 illik yubileyinə ürək sözlərimi yazacağım istedadlı söz ustası, el şənliklərinin mahir aparıcısı, şeirimizin, sözümüzün mahir təbliğatçısı Pünhan İsmayıllı da məhz belələrindəndir, əzmkardır, prinsipialdır, cəsarətlidir.

Pünhan öz hörmətini, ad-sanını heç vaxt qabartmayan əsl ziyalıdır...


Onunla cəmi iki ya üç dəfə ünsiyyətdə olmuşam desəm, yanılmaram. Amma bu az saylı ünsiyyətimiz məndə, daha doğrusu, mənim düşüncələrimdə dərin izlər buraxıb,... Elə bil nəfəs ala bilmirsən və bu dəm sənin düşüncələrin o qədər sərin və xoş bir havaya köklənir ki, çaşıb qalırsan... Bu sənin mənəvi dünyanın qaranlıq yerlərini işıqlandırır, sənin ruhuna təmizlik gətirir, səni- həyatla bağlı olan ən gözəl ümidlər qucağına alır sanki...

Ziyalı insanlar cəmiyyətimizin əsas istiqamətverici qüvvəsidir, həqiqəti göstərən işıq mayaklarıdır. Onlar olmasa, cahillər cəmiyətdə daha çox yer tutar, elm, bilik bu cəhalətin kölgəsində itib-batar. Pünhan İsmayıllı 60 illik ömürlüyündə cəmiyyətimizin daha sağlam düşüncəli, daha savadlı olması üçün bütün varlığı ilə işıq göstərən mayak misali öz vətəndaş mövqeyini ortaya qoyub. Yox, elə bilməyin mən Pünhan qardaşımızın qohumuyam. Yox! Mən həssaslığımın və içimdəki səsin sayəsində yazıram bunu. Yazmasam, rahat ola bilmərəm, yazmasam, özümü günahkar bilərəm. Yazıram və bu yazdıqlarımla mənən rahatlıq tapıram. Özümü daha azad və xoşbəxt hiss edirəm...
Bakı Dövlət Universitetində oxuyanda mərhum şairimiz, diplom rəhbərim Famil mühazirələrinin sonunda həmişə deyirdi: "Bilik vacibdir, lakin insan olmaq ondan da vacibdir...” Bu sözlər uzun zaman məni təqib etdi. Bu fikir mənim yaddaşıma elə hopub ki, çətin bir də nə vaxtsa silinə... Pünhan İsmayıllı da həmin o şəxslərdəndir ki, insanlığı elmi, biliyi qədər böyük, sadəliyi isə hər kəsin qəlbinə sevinc gətirəcək qədər alidir. Toy mərasimlərindən birində gənclik illərimin dostu, bu gün də ən dəyərli məsləhətlərini aqldığım Xeyrulla Ağayevlə şirin söhbət edir, olanlardan, qalanlardan danışırdıq. Diskussiyamızın maraqlı məqamında toya təşrif buyurmuş Pünhan qardaşımızla qarşılaşdıq. Səmimi şəkildə görüşüb, diskussiyamıza rəng qatdı. Onda hiss etdim ki, P.İsmayıllı həm də ürək, söz və səmimiyyət adamıdır. Pünhan öz hörmətini, ad-sanını heç vaxt qabartmayan əsl ziyalıdır...
Üzündən təbəssüm əskik olmayan, optimist təbiətli, nikbin insan olan Pünhanı həmişə belə görmüşəm. Gülərüzlüyü, müsbət aurası ilə daim ətrafındakılara da müsbət enerji ötürür. Problemsiz insan olmaz, deyirlər. Bəzən elə insanlarla rastlaşırıq ki, onlar öz problemlərini açıqlamaqla çoxunu narahat etdiklərinin fərqində olmurlar. Pünhan isə, problemi olanda belə, bunu ətrafdakılara hiss etdirmir...

İnsanların könlündə sevgi hissinin ən yüksək taxtını qurub


Şeiri yazmaq qədər onu böyük auditoriyaya təqdim etmək, özündə daşıdığı ruhu insanlara ötürməyi bacarmaq da misilsiz istedad istəyir. Tarix boyu şairlərin öz şeirlərini gözəl səsləndirməsi çox az təsadüf edilən bir hal olub. Buna görə də onların əvəzindən bu məsuliyyətli missiyanı bədii qiraət ustaları öz üzərlərinə götürüblər. Bədii qiraət özündə bir neçə sənəti birləşdirən sahədir. Qiraət ustası gözəl səs, iti yaddaş və səlis diksiyadan əlavə, incə duyuma, aktyorluq qabiliyyətinə və yüksək zövqə malik olmalı, sözün qüvvətini hiss etməyi bacarmalıdır.

Bu sənəti layiqincə yaşadan, təbliğ və tədris edən sənətkarlar sırasında Pünhan İsmayıllını görmək, uğurlarına sevinmək mənə də, həmyerlilərinə də, dostlarına da çox xoşdur. Onun, sadəcə, adını çəkməklə insanların üz-gözünün sevgiylə, məhrəm duyğularla işıqlanmasını da qabartmaq istəyirəm. Uzun sənət yolunda qazandığı uğurlarını sadalamadan, sadəcə, adını çəkməyim heç də təsadüfi deyil. Çünki o, bəzəksiz-düzəksiz, titulsuz, sadə adıyla neçə on illikdir ki, insanların könlündə ən yüksək taxtını qurub. Dövlətimizin onun sənətinə, zəhmətinə göstərdiyi sayğının, dəyərin nümunəsi isə sonralar qazandığı yüksək titullardır.
Daha bir yaxın dostumuz, özünün mədəniyyəti, səmimiyyəti və mehriban rəftarı ilə daim seçilən, sevilən qiraət ustası Məhəbbət Etibarlının yubileyinə yazını mən yazmışam. İstədim Pünhan İsmayıllı haqqında da yubiley yazısını mən hazırlayıb təqdim edim. Məhz buna görə ona müraciət etdim. Fotoşəkillərini təqdim edib bildirdi ki, qalanlarını da səhifəsindən götürüm. Səhifəsində olanlar isə bunlardır:

Pünhan İsmayıllı 14 aprel 1966-cı ildə İsmayıllı rayonunun Qalınçaq kəndində anadan olmuşdur. 1990-cı ildən Azərbaycan Respublikası Dövlət Neft Şirkətinin Mədəniyyət Evində aparıcı vəzifəsində çalışıb. Azərbaycanda və xaricdə mədəni-kütləvi tədbirlərin mahir aparıcısıdır.
Məmməd Araz, Bəxtiyar Vahabzadə, Musa Yaqub, Zəlimxan Yaqub, Ramiz Rövşən, Baba Vəziroğlu və başqa şairlərin, eyni zamanda aşıq poeziyasının danışan dilidir. Azərbaycan aşıq və şairlərinin poeziya incilərindən ibarət 36 musiqi albomunun və milli adət-ənənələrdən bəhs edən 400 səhifəlik ensiklopediya kitabının müəllifidir.
36 ildir ki, bu sahədədir.
"Qızıl Buta" (2006-cı il), "Qızıl mikrofon" (2008-ci il), "Uğur zirvəsi" (2008-ci il), "Persona" (2009-cu il), "İlin ən populyar söz xiridarı" (2009-cu il) mükafatlarına layiq görülüb. 2021-ci ildə Prezident İlham Əliyev tərəfindən ad günündə "Tərəqqi” medalı ilə təltif olunub.

Pünhan İsmayıllı milli-mənəvi dəyərlərimizi şövqlə yaşadır


Bir də Pünhan İsmayıllı haqqında mətbuatdan, müxtəlif saytlardan öyrəndiklərimi yaddaşıma həkk etdim. O, Azərbaycan ədəbi və mədəni mühitində özünəməxsus dəsti-xətti ilə seçilən sənət adamıdır. Zəngin nitq mədəniyyəti, poetik duyumu və səhnə ustalığı ilə geniş tamaşaçı auditoriyasının diqqətini cəlb edə bilib. Pünhan İsmayıllı xeyli vaxtdır ki, xalqın ədəbi-mədəni yaddaşını sədaqətlə yaşadır, milli poeziyanı və klassik irsi yeni nəslə həvəslə çatdırır və sevdirir, sözün sehri ilə insan qəlbini fəth edir. Kənardan diqqət kəsilən kəs deyə bilər ki, şairlərin yazdıqlarını oxuyur da. Bu belə deyil. O, təkcə səsləndirmir, eyni zamanda şeiri ruhən yaşayır, yaşadır, onu hiss etdirir və sevdirir. Mükəmməl bədii qiraət ustası kimi səhnədə, iştirak etdiyi məclisdə səsləndirdiyi hər bir bənd, hər bir misra ilə dinləyicinin qəlbini ovsunlayır.
Dəvət edildiyi mərasimlərdə onu başqalarından seçdirən və sevdirən əsas xüsusiyyətləri təbii səmimiyyəti, zəngin leksikası və güclü bədii estetikasıdır. Tamaşaçıları mənəvi cəhətdən qidalandıran Pünhan İsmayıllı milli-mənəvi dəyərlərimizi də şövqlə yaşadır. O bu amala, bu məqsədə xidmət edir. İştirak etdiyi tədbirlərdə bilir ki, tamaşaçı nə istəyir, nəyə qulaq asmaq arzusundadır. Odur ki, hər bir məclisdə xalqın ruhunu oxşayan, millətinə sevgi ilə yoğrulmuş sözləri ilə insanların gözlərində müdrikləşir, onları bir anlığa öz köklərinə, mənəvi zənginliklərinə aparır.

Dost dost haqqında...


Qələm dostumuz, “Neft daşları” qəzetinin baş redaktoru Xeyrulla Ağayev bu bənzərsiz sənətkarın yaradıcılığını yüksək dəyərləndirir: "Pünhan İsmayıllı daim öz üzərində işləyən bir sənətkardır… O, böyüklüyündən, kiçikliyindən asılı olmayaraq, bütün tədbirlərdə ürəklə iştirak edir və tədbirlərə özünəməxsus rəng qatır. İlahidən gələn hansısa qüvvə elə bil tamaşaçı ilə onun arasında rabitə yaradır. Deməyə həmişə sözü olan P.İsmayıllı fikrini, qəlbinin çırpıntılarını yüksək ruhla, müsbət enerjiylə, şövqlə insanlara çatdırır. Məhz bu xüsusiyyəti onu daha çox sevdirir. Onu elə-belə sevmirlər. Sevilib sevmək üçün gərək zəhmət çəkəsən. Çünki xalqa heç nəyi zorla sevdirmək olmaz. Pünhan istər klassiklərdən, istərsə də müasirlərdən bəhrələnən və Azərbaycan poeziyasını insanlarımıza sevdirən bir sənətçidir. Poeziyamızı sevdirmək təbii ki, hər kəsə verilməyib. Allah Pünhana Allah, enerji, bitməz poeziya eşqi verib. Səhnədə yenilik etməyi, təzələnməyi xoşlayır. Hər gün dəyişən, inkişaf eləyən, özünü hər zaman formada saxlayan bədii qiraət ustası kimi, o, gənc şairlərin də şeirlərinə müraciət edir, repertuarını onların yaradıcılıq nümunələri ilə zənginləşdirir. Bu isə Pünhanın həqiqətən həddindən artıq diqqətli, həssas yaradıcı insan olduqğunu təqdiqləyir”.

“Azərbaycan” qəzetinin əməkdaşı Elşən Qəniyevlə həm tələbə dostuyuq, həm də iş yoldaşı. Ona Pünhan İsmayıllı haqqında, daha doğrusu, 60 illik yubileyi barədə material hazırladığımı bildirdikdə o da fikirlərini bildirdi. Mən də tələm-tələsik onun dediklərini qələmə alıb yazıya daxil edəcəyimə söz verdim. Onun da fikirləri ilə tanış olmaq, məncə, yerinə düşür: “... Beləcə günlər keçir, insan gəlib çatır orta yaş həddinə. Birdən-birə səksənir, diksinib üşənir. Yadına düşür ki, 50 yaşı, 60-I, 70-i… keçdinmi, sanki minalanmış sahəyə girir. О minaların biri nə zamansa ayaqların altında partlaya bilər. Belə anda kövrəlir və istər-istəməz qanrılıb arxaya baxır. Yaxşı-yaman yaddaşında oyanır. Xoşbəxt о kəsdir ki, keçmişi, ötən günləri üçün xəcalət çəkmir, qürur hissi duyur. Bu xilqətdə olanlardan biri də tanınmış aparıcı, bədii qiraət ustası Pünhan İsmayıllıdır”.
Müstəqil jurnalist Təranə Cəbiyeva isə tamam ayrı ampuladan çıxış edərək bildirdi ki, istedadlı bədii qiraət ustası, el şənliklərimizin məharətli aparıcısı Pünhan İsmayıllı səmimi insandır, sədaqətli, təmənnasız dostdur, bir üzü olan kişidir, dəqiqdir, düzgünlüyü sevən və qiymətləndirəndir, dost üçün lazım olsa, varından, canından belə keçməyə hazır olandır. Gücü çatmayan işə söz verməz, söz verdisə mütləq yerinə yetirər. Bir insan kimi ürəyi böyükdür, sinəsi genişdir, içində xılt yoxdur, başdan-başa nurdur, işıqdır, şeiriyyətdir, poeziyadır”.
Pünhan İsmayıllı sənətinin daha bir vurğunu isə “İnsan və cəmiyyət” qəzetinin əməkdaşı Şelli Tağıyevadır. O da Pünhan müəllimi belə səciyyələndirir: “Hər bir insanın şəxsiyyəti və xarakteri böyük əhəmiyyət kəsb edir. Məncə, neçə-neçə alim, ziyalı və sənət adamını, el ağsaqqalını öz səsi, nitqi, fitri istedadı cəmiyyətə, iştirak etdiyi məclis əhlinə təqdim edən bir insanın özü də tanınmağa, təbliğ olunmağa layiqdir. Əziz dostumuz Pünhan İsmayıllının yubiley yaşı tamam olur. Bu münasibətlə onu təbrik edir, doğma el-oba, xalqımız naminə yorulmaz fəaliyyətində ona uğurlar arzulayır və fikrimi Cəlaləddin Ruminin sözləri ilə tamamlayıram: “Nə qədər ki, sağlam və qüvvətlisən işlə. İşindən qalma”
“Ədalət və həqiqət” qəzetinin, eləcə də “Turaz.tv” saytının təsisçisi və baş redaktoru Cəmil Zəbhullaoğlu da Pünhan İsmayıllının 60 illik yubileyini eşitcək sevindi və ürəkdolusu arzularını çatdırdı: “Bədii qiraət ustası, televiziyamızın, eləcə də el məclislərimizin yaraşığı Pünhan İsmayıllı Allah verən ömrü şərəflə yaşayıb. Şərəfi qoruya-qoruya yaşamaq, şərəflə yaşamaq hər adama qismət olmur. Pünhan müəllim xalqını sevib, mədəniyyətini sevib və dövlətini sevib. Vurğunu olduğu müqəddəs vətəninin pərvanəsinə çevrilib. Ondan nə qədər yazsaq, ünvanına nə qədər gözəl sözlər
işlətsək də, onun aydan arı, sudan duru, torpağın təkindən büllur bulaq kimi qaynayan yaradıcılığı və sənəti deyilən sözlərdən yüksəkdə durur. Bax, budur Pünhan İsmayıllı möcüzəsi!”
Şair Bəhruz Məmmədov deyir ki, Pünhan İsmayıllı özünəməxsus sənətkarlığı olan bədii qiraət ustasıdır: "Onu təkcə səsi yox, ifa tərzi, şeirə yanaşması, qiraətindəki təbiilik, səmimilik və şirinlik fərqləndirir. Vətənpərvərlik mövzusunda, milli ruhda olan şeirləri səsləndirən zaman isə onun ifasında həm əzəmətli, həm də yanıqlı məqamlar duyulur. Onun təqdimatında Məmməd Arazın, Musa Yaqubun və onlarca söz ustasının şeirlərinin səslənməsini xüsusilə bəyənirəm".
Bədii qiraət ustası Məhəbbət Etibarlının fikirləri də maraqlıdır: “Pünhan İsmayıllının ürəkləri titrədən səsi, səsləndirdiyi şerlərə verdiyi qəlb yanğısını az qala gözlə görmək olur. Elə bil Tanrı dünya yaranandan bu gözəl səsi ona verib ki, insanları düşündürsün, dünyanın olar-olmazından, azından-çoxundan, Sevgi adlı bir dünyanın böyük bir könül çırpıntısından, içimizi göynədən o şirin ağrılardan xəbər versin...
O, şeiri bənd-bənd, fikir-fikir, misra-misra deyil, söz-söz yaşayır, hiss edir və dinləyicisinə hiss etdirir. Sevgilisindən ayrı düşən aşiqin həsrət yanğısı, xəyanətə düçar olan qəhrəmanın qəzəbi, ədalətsizliklə üzləşən insanın mətanəti, sevdiyini görən, ona qovuşan divanənin sevinci bu səsin bütün çalarlarında öz əksini tapır”.
Jurnalist dostu, “via.az” və “xeberleragentliyi” saytlarının rəhbəri Yusif Məhəmmədoğlu isə yubilyar haqqında fikirlərini bizimlə bölüşür: “Pünhan İsmayıllının yaradıcılığında Vətən mövzusu həmişə əsas yerlərdən birini tutur. Digər mövzulara da biganə deyil. Birinci və İkinci Qarabağ müharibələrində hərbçilərimizdə ruh yüksəkliyini artırmaq üçün cəbhə bölgələrində çoxlu çıxış edib. Daim əsgər geyimində hər gün hərbi hissələrdə olub. Bu gün isə əsasən, Qələbə ruhlu mövzular, insanlıq, sevgi və s. mövzulara müraciət edir.
Pünhan İsmayıllının özünəməxsus səsini, ifasında səslənən şeirləri kim sevmir ki?!...”

Müstəqil jurnalist, Pünhan İsmayıllı yaradıcılığının vurğunu, pərəstişkarı Pünhan Şükür isə bəzi məqamlara toxunaraq fikirlərinə aydınlıq gətirdi: “Bədii qiraət ustası Pünhan İsmayıllının şəxsiyyəti və sənəti ilk tanışlıqdan məndə dərin rəğbət oyadıb. Bəlkə də onunla adaş olmağım bu rəğbətə stimul verib, deyə bilmərəm. Bu böyük istedad sahibinin iti hafizəsi, geniş dünyagörüşü, gözəl diksiyası, zəngin söz ehtiyatı, ölkəmizin hər bölgəsinin yerli xüsusiyyətlərinə - təbiətinə, kaloritinə, folkloruna, insanlarının zövqünə bələd olması heyranliq doğurur. Malik olduğu yüksək insani keyfiyyətləri isə ona Uca Yaradan tərəfindən səxavətlə əta olunmuş ilahi vergini uğurla tamamlayır.
Müşahidə olunan bir diqqətəlayiq məqam da odur ki, bu böyük söz xiridarının aparıcılıq etdiyi tədbirlərdə dilə gətirib uğurladığı, alqışlayıb xeyir-dua verdiyi bütün başlanğıcların sonrakı gedişatı da urvatlı olur.
Məhsuldar fəaliyyəti ilə Azərbaycan xalqının mədəniyyətinə dəyərli töhfələr verən Pünhan müəllimə uzun ömür, can sağlığı, yeni - yeni uğurlar arzulayıram”.

Pünhan İSMAYILLI: “İlham Əliyevin güclü liderliyi və qətiyyətli mövqeyi nəticəsində Azərbaycan dövləti tarixinin ən şanlı səhifələrindən birini yazmışdır”

Pünhan İsmayıllı hər zaman Prezident İlham Əliyevin rəhbərliyi ilə həyata keçirilən uğurlu daxili və xarici siyasəti dəstəkləyən ziyalılardan biridir. O, xüsusilə Qarabağ zəfərindən sonra ölkədə yaranan milli birlik və bərpa proseslərini dəstəkləyən çıxışları ilə seçilir. Prezidentin şəhid ailələrinə, qazilərə, sənət adamlarına göstərdiyi diqqət və qayğını yüksək dəyərləndirir və bu siyasəti daim alqışlayır.
P.İsmayıllı ictimai çıxışlarında tez-tez vurğulayır ki, Prezident İlham Əliyevin güclü liderliyi və milli maraqlara əsaslanan qətiyyətli mövqeyi nəticəsində Azərbaycan dövləti tarixinin ən şanlı səhifələrindən birini yazmışdır. O, öz nitqlərində bu siyasətin davamlılığını xalqın rifahı və dövlətin güclənməsi naminə vacib bir amil kimi qiymətləndirir.

Pünhan İsmayıllı haqqında çox yazmaq, çox danışmaq olar. Amma sonda onu deyə bilərik ki, ömür nərdivanın 60-cı pilləsində addımlayan, möhtəşəm yubileyini qeyd edən sənətkarımıza hələ günlər öncədən təbriklər ünvanlanır, hər kəs sevgilərini, xoş sözlərini çatdırır. Biz də öz növbəmizdə elin sənətkarının doğum gününü ürəkdən təbrik edir, ona möhkəm cansağlığı və yeni-yeni yaradıcılıq uğurları, olduğundan daha artıq pozitivlik, daha artıq təbəssüm arzu edirik. Qoy gülərüzlülük heç vaxt onu tərk etməsin. Hələ neçə-neçə illər bədii qiraət ustası Pünhan İsmayıllı uğurlu yaradıcılığı ilə qiraət sahəsinin, ümumiyyətlə, incəsənətimizin inkişafında öz sözünü desin.

QONAĞI BAĞRINA BASIR QALINÇAQ

İstedadlı söz ustası, el şənliklərinin mahir aparıcısı, şeirimizin, sözümüzün mahir təbliğatçısı Pünhan İsmayıllıya

Yığılın, a dostlar, baxın doyunca,
Gözəllik içində itib Qalınçaq.
Çiçəkli düzləri düzülüb sapa,
Dağların boynundan asıb Qalınçaq.

Doğma İsmayıllımız onun vüqarı,
Dəmirdən dözümlü vardır ilqarı.
Yazında əriyir dağların qarı,
Ürəkdən ürəyə çöküb Qalınçaq.

Dik tutub başını meşəlikləri,
Bəzənib budaqda bülbül yuvası.
Dərdlərə dərmandır minbir havası,
İnsanı heyrədə qoyub Qalınçaq.

Gəlin yolumuzu bu kənddən salaq,
Pünhan İsmayıllıya biz qonaq olaq.
Daşdəmir də deyir, bu eldə qalaq,
Qonağı bağrına basır Qalınçaq.

Daşdəmir ƏJDƏROĞLU



















 [/yandexrss][shortrss] CƏMİL ZƏBHULLA DADAŞOV: YARADICI RUH VƏ DƏSTƏKÇİ OXUCU https://turaztv.az/xeberler/62488-cml-zbhulla-dadaov-yaradici-ruh-v-dstk-oxucu.html https://turaztv.az/xeberler/62488-cml-zbhulla-dadaov-yaradici-ruh-v-dstk-oxucu.html
Xəbərlər / Nesr turaztv Thu, 02 Apr 2026 00:01:02 +0400 [/shortrss] [fullrss] CƏMİL ZƏBHULLA DADAŞOV: YARADICI RUH VƏ DƏSTƏKÇİ OXUCU https://turaztv.az/xeberler/62488-cml-zbhulla-dadaov-yaradici-ruh-v-dstk-oxucu.html https://turaztv.az/xeberler/62488-cml-zbhulla-dadaov-yaradici-ruh-v-dstk-oxucu.html ]]> turaztv Thu, 02 Apr 2026 00:01:02 +0400 [/fullrss] [yandexrss] CƏMİL ZƏBHULLA DADAŞOV: YARADICI RUH VƏ DƏSTƏKÇİ OXUCU https://turaztv.az/xeberler/62488-cml-zbhulla-dadaov-yaradici-ruh-v-dstk-oxucu.html
Xəbərlər / Nesr Thu, 02 Apr 2026 00:01:02 +0400
Cəmil Zəbulla Dadaşov – həm şəxsi keyfiyyətləri, həm də şeirləri ilə diqqət çəkən, insan ruhuna toxunan və ətrafındakılara ilham verən nadir simalardan biridir. Onun həyat yolu, insanın həm daxili zənginliyini, həm də sosial məsuliyyətini dərk etməsinə örnək ola biləcək bir nümunədir. O, yalnız öz həyatını formalaşdırmaqla kifayətlənmir; eyni zamanda ətrafındakı insanların yaradıcılığına, düşüncəsinə və zəhmətinə diqqətlə yanaşır, onlara dəyər verir. Bu keyfiyyət onu həm insani, həm də yaradıcı baxımdan xüsusi bir mövqeyə yerləşdirir.
Cəmil Zəbhulla Dadaşovun şeirləri, oxucunun ruhuna toxunan, düşüncəsini zənginləşdirən və onu həyatın mənəvi tərəfləri ilə üzləşdirən bir təsir gücünə malikdir. Onun şeirləri yalnız ədəbi dəyər daşımır; onlar oxucunu həyatın etik, mənəvi və fəlsəfi qatlarını dərk etməyə çağırır. Hər bir misra, hər bir fikir, insanın daxili dünyasında sükutla işləyir, düşüncələrin formalaşmasına səbəb olur və oxucunun ruhunu zənginləşdirir. Onun şeirlərindəki incəlik, poetiklik və fəlsəfi dərinlik oxucunu yalnız passiv bir izləyici deyil, düşüncələrinə diqqətlə yanaşan bir iştirakçıya çevirir.
Bununla yanaşı, Cəmil Zəbhulla Dadaşov yalnız yaradıcı bir şəxsiyyət deyil, həm də dəstəkçi bir oxucudur. Saytda paylaşdığımız şeirlərə diqqətlə baxır, onları qiymətləndirir, paylaşır və dəyər verir. Bu, onun yalnız söz və yaradıcılığa olan sevgisini deyil, həm də insanlara hörmətini və onların zəhmətinə verdiyi yüksək qiyməti göstərir. Onun bu diqqəti, saytda fəaliyyət göstərən hər bir müəllif üçün motivasiya və ruhlandırıcı bir qüvvədir. O, başqalarının yaradıcılığını qiymətləndirməklə yalnız onların işinə dəstək vermir, həm də ədəbiyyatın, sözün və fikirin əhəmiyyətinə olan inamını gücləndirir.
Cəmil Zəbhulla Dadaşovun həyatı və şeirləri həm fərdi, həm də ictimai səviyyədə dəyərlidir. O, öz şeirləri ilə insanlara ilham verir, oxucuların düşüncə dünyasını zənginləşdirir və hər bir şeiri diqqətlə dəyərləndirməklə ədəbiyyata verdiyi töhfəni artırır. Onun göstərdiyi diqqət, həmçinin yazıçıların yaradıcılıq yolunda qarşılaşdıqları çətinlikləri yüngülləşdirir, onları ruhlandırır və uğura doğru addımlamağa təşviq edir. Onun sözlərindəki səmimiyyət və diqqət, oxucu ilə müəllif arasında bir körpü qurur, həm də ədəbiyyatın sadəcə oxunan bir sənət deyil, həm də paylaşan, dəyərləndirən və yaşadan bir mədəniyyət olduğunu nümayiş etdirir.
Nəticə olaraq, Cəmil Zəbhulla Dadaşov yalnız öz şeirləri ilə deyil, həm də başqalarının şeirlərinə verdiyi dəyər və diqqəti ilə yadda qalır. Onun həyatı və fəaliyyəti, ətrafına işıq saçan, insanı həm düşündürən, həm də ruhlandıran bir nümunədir. O, həm yaradıcı, həm də dəstəkçi bir sima olaraq ədəbi mühitdə öz yerini möhkəm şəkildə qoruyur, oxucuların qəlbində silinməz izlər buraxır. Ona təşəkkürümüzü bildirmək, yalnız onun sənətinə deyil, həm də insani keyfiyyətlərinə verdiyimiz dəyərin açıq ifadəsidir. Cəmil Zəbhulla Dadaşovun həyatı və şeirləri, hər birimiz üçün həm ilham, həm də örnəkdir və onun sözləri, düşüncələri və diqqəti uzun illər boyu oxucuların qəlbində yaşamağa davam edəcək.
✍ Sevil Azadqızı
Azərbaycan dili və ədəbiyyatı müəllimi. Filoloq.
AJB-nin üzvü. Ədəbi təhlil-tənqidçi.
Yazar-publisist. [/yandexrss]