Boks üzrə Azərbaycan çempionatında bütün mükafatçılar bəlli olub
Kişi boksçular arasında Azərbaycan çempionatına yekun vurulub.

Azərbaycan Boks Federasiyasının mətbuat xidmətindən AZƏRTAC-a verilən məlumata görə, ölkənin müxtəlif şəhər və rayonlarının klublarını, həmçinin idman cəmiyyətlərini təmsil edən yarışda 41 komandanın 167 boksçusu qüvvəsini sınayıb.

Altı gün davam edən turnirdə 13 çəki dərəcəsi üzrə mükafatçılar müəyyənləşib.

Boks Mərkəzində təşkil olunan final döyüşlərini gənclər və idman naziri Fərid Qayıbov, əmək və əhalinin sosial müdafiəsi naziri, Boks Federasiyasının prezidenti Sahil Babayev, “Azərişıq” Açıq Səhmdar Cəmiyyətinin sədri, Kanoe və Avarçəkmə Federasiyasının prezidenti Vüqar Əhmədov, Dövlət Gömrük Komitəsinin sədri, Voleybol Federasiyasının prezidenti Şahin Bağırov və digər federasiyaların rəsmiləri izləyiblər.

Görüşlərdən öncə bədii və rəsmi hissə keçirilib. Dövlət Himni səsləndikdən sonra finalçıların paradı olub.

Sonra çıxış edən Sahil Babayev bildirib ki, bu gün Azərbaycan boksçuları üçün əlamətdar gündür. O, regionların ölkə çempionatına çox aktiv qoşulduğunu, 41 komandandan 14-ün bölgələri təmsil etdiyini deyib.

Federasiya prezidenti boksun ölkənin hər bir yerində, xüsusilə regionlarda yayılmasını ana hədəf kimi dəyərləndirib: “Bu il boksçularımız üçün yaddaqalan olub. 22 yaşadək boksçularımız və məktəblilərimiz Avropa çempionatlarında medal sayında rekord vurublar. Aynur Rzayeva dünya çempionatında medal qazanan ilk qadın boksçu kimi tarixə düşüb. Ümumilikdə, beynəlxalq yarışlarda 150-dən çox medal qazanılıb. Onun 14-ü dünya və Avropa çempionatlarında əldə edilib”.

Maddi-texniki bazanın da gücləndirildiyini deyən Sahil Babayev Sumqayıtda Boks Mərkəzinin istifadəyə verildiyini xatırladıb və tezliklə Lənkəranda Regionlar Boks Mərkəzində təmir işlərinin yekunlaşacağını deyib. O, il ərzində məşqçilər üçün seminarlar təşkil edildiyini və hakimlərin beynəlxalq ulduzlarını artırdıqlarını bildirib. S.Babayev əsas hədəfin isə “Paris-2024” Yay Olimpiya Oyunları olduğunu vurğulayıb: “İlk yarışda 2 lisenziya əldə etmişik. Daha 2 təsnifat turnirində vəsiqələrin sayının artacağına inanırıq”.

Gənclər və idman naziri Fərid Qayıbov boksda kifayət qədər uğurların olduğunu deyib. O, Azərbaycan çempionatında iştirakçı sayında rekordun qeydə alınmasını nailiyyət adlandırıb: “Ən böyük uğurumuz isə Olimpiya Oyunlarına qazandığımız lisenziyalardır. İnanıram ki, bu say artacaq və növbəti ildə boksçularımızın uğurlarını izləyəcəyik. Bunun üçün dövlətin, Azərbaycan Prezidenti İlham Əliyevin xüsusi dəstəyi var”.

Daha sonra Azərbaycanın ən güclü boksçuları müəyyənləşib. Qonaqlar 63,5 kq və 67 kq çəki dərəcələrində ilk 3 yerin sahiblərini mükafatlandırıblar.

Həlledici döyüşlərdə qalib gələn Həsən Məlikov, Məsud Yusifzadə, Amin Məmmədzadə, Şamil Əsgərov, Maqsud Xasmetov, Tayfur Əliyev, Nəbi İsgəndərov, Sərxan Əliyev, Kamran Şahsuvarlı, Fəqan Məmmədov, Seyid Seyidov, Rauf Rəhimov və Yohanes Nuriyev çempion tituluna sahib olublar.

Komanda hesabında “Neftçi” İdman Klubu 55 xalla birinci yeri tutub. İkinci pilləyə MİK (36) yiyələnib, “üçlüy”ü “Qızıl əlcək” (31) qapayıb.

Çempionatda ən yaxşı boksçu adına Seyid Seyidov layiq görülüb. Elxan Quliyev ən yaxşı hakim, Rəhim Allahverdiyev isə ən yaxşı məşqçi adına sahib olub.

Qeyd edək ki, mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.

Azərbaycan çempionatı

Finallar

48 kiloqram

Tural Sarıyev (“Neftçi” İK) – Həsən Məlikov (“Neftçi” İK) – 2:3

51 kiloqram

Ağasəlim Mustafazadə (“Qızıl əlcək” İK) – Məsud Yusifzadə (BFL) – birinci döyüşə gəlməyib

54 kiloqram

Ruslan Qədirov (MİK) – Amin Məmmədzadə (“Qızıl əlcək” İK) – 0:5

57 kiloqram

Şamil Əsgərov (“Neftçi” İK) – Ümid Rüstəmov (DİN İC) – 3:2

60 kiloqram

Maqsud Xasmetov (“Neftçi” İK) – Elbrus Adıgözəlov (“Qəbələ” İK) – 5:0

63,5 kiloqram

Malik Həsənov (“Neftçi” İK) – Tayfur Əliyev (MİK) – 0:5

67 kiloqram

Nəbi İsgəndərov (“Neftçi” İK) – Cavid Çələbiyev (“Qızıl əlcək” İK) – 3:2

71 kiloqram

Mirşərif Kazımzadə (“Neftçi” İK) – Sərxan Əliyev (MİK) – 0:5

75 kiloqram

Rasim Çobanlı (MİK) – Kamran Şahsuvarlı (“Qəbələ” İK) – 0:5

80 kiloqram

Fəqan Məmmədov (AzTU) – Sərxan Budaqov (“Qızıl əlcək” İK) – 5:0

86 kiloqram

Seyid Seyidov (“Qızıl əlcək” İK) – Eldar Quliyev (“Neftçi” İK) – birinci tam üstünlüklə qalib gəlib

92 kiloqram

Rauf Rəhimov (“Neftçi” İK) – Tural Həsənov (“Qızıl əlcək” İK) – 4:1

+92 kiloqram

Pərviz Rəsulov (“Zərbə” BK) – Yohanes Nuriyev (MİK) – ikinci tam üstünlüklə qalib gəlib

Bütün mükafatçılar

48 kiloqram

1. Həsən Məlikov (“Neftçi” İK)

2. Tural Sarıyev (“Neftçi” İK)

3. Yusif Soltanov (“Qara papaq” İK)

3. Qardaşxan Həsənov (Ağcabədi)

51 kiloqram

1. Məsud Yusifzadə (BFL)

2. Ağasəlim Mustafazadə (“Qızıl əlcək” İK)

3. Yadigar Əliyev (“Səbail” İK)

3. Əli Fətullayev (Şamaxı-Uğur K)

54 kiloqram

1. Amin Məmmədzadə (“Qızıl əlcək” İK)

2. Ruslan Qədirov (MİK)

3. Mirzağa Hüseynli (“Cənub” İK)

3. Nihat Abdullayev (“Qızıl əlcək” İK)

57 kiloqram

1. Şamil Əsgərov (“Neftçi” İK)

2. Ümid Rüstəmov (DİN İC)

3. Kamil Babayev (METE)

3. Emil Quliyev (UGM-13)

60 kiloqram

1. Maqsud Xasmetov (“Neftçi” İK)

2. Elbrus Adıgözəlov (“Qəbələ” İK)

3. Aslan Quliyev (Z-1 İK)

3. Fərid Sadıqov (“Neftçi” İK)

63,5 kiloqram

1. Tayfur Əliyev (MİK)

2. Malik Həsənov (“Neftçi” İK)

3. Heybətulla Hacıəliyev (BFL)

3. Ruslan Rüstəmov (BFL)

67 kiloqram

1. Nəbi İsgəndərov (“Neftçi” İK)

2. Cavid Çələbiyev (“Qızıl əlcək” İK)

3. İlqar Salahov (Qəbələ)

3. Pərviz Quliyev (Ağcabədi)

71 kiloqram

1. Sərxan Əliyev (MİK)

2. Mirşərif Kazımzadə (“Neftçi” İK)

3. Elnur Abdullazadə (“Neftçi” İK)

3. Nicat Məmmədov (“Qızıl əlcək” İK)

75 kiloqram

1. Kamran Şahsuvarlı (“Qəbələ” İK)

2. Rasim Çobanlı (MİK)

3. Elnur Süleymanov (“Neftçi” İK)

3. Novruzəli Quliyev (MİK)

80 kiloqram

1. Fəqan Məmmədov (AzTU)

2. Sərxan Budaqov (“Qızıl əlcək” İK)

3. Devid Oloboye (Naxçıvan MR)

3. Cabbar İsmayılov (Sumqayıt)

86 kiloqram

1. Seyid Seyidov (“Qızıl əlcək” İK)

2. Eldar Quliyev (“Neftçi” İK)

3. Vətən Hüseynli (DİN İC)

3. Tural Useynov (“Neftçi” İK)

92 kiloqram

1. Rauf Rəhimov (“Neftçi” İK)

2. Tural Həsənov (“Qızıl əlcək” İK)

3. Rüfət Nəbiyev (DİN İC)

3. Mirxəyal Məmmədov (Gəncə)

+92 kiloqram

1. Yohanes Nuriyev (MİK)

2. Pərviz Rəsulov (“Zərbə” BK)

3. İsmayıl Yaqubov (“Səbail” İK)

3. İsa Sulxayev (Zaqatala)

Son xəbərlər

Formula 1 üzrə Bəhreyn Qran-Prisində mövsümə start verilib

Bakıda evdə yanğın: ölən var

Qərb elə bilir ki, Ukraynada baş verənlər cizgi filmidir

BQXK-dən Ruslanla bağlı açıqlama

İlham Əliyev sərəncam imzaladı

Eyvazov Anar Qafarova yüksək vəzifə verdi

Mart ayının havası açıqlandı

Yataqxanalarda yaşayan məcburi köçkünlərlə bağlı təklif

Əsgərlərə 20 günlük məzuniyyət verilsin – Təklif

Azan əsgərimiz İrəvanda həbs edildi - Bunda ittiham edilir

Qərbi Azərbaycanda 50 sosial media fəalı həbs edildi

Hikmət Mirzəyev üçün əlamətdar GÜN

Bu gün qadınlara “yox” deyən kişilər hədiyyə alırlar

Məhəmməd Əmin Rəsulzadənin məzarı abadlaşdırılır

Baş nazir: Rusiya Fransa üçün birbaşa təhlükədir

Azərbaycan iqlim dəyişikliklərinin fəsadlarına qarşı mübarizəyə daim öz töhfələrini verir - RƏY

HƏMAS və İsrail arasında razılıq əldə olunub

Avropa Rusiya qazının Ukrayna ərazisi ilə tədarükündən imtina planı üzərində işləyir

Beynəlxalq Kosmik Stansiyada sızma aşkar edilib

Mart ayının TƏHLÜKƏLİ GÜNLƏRİ - Xəbrdarlıq edildi

Prezident İlham Əliyev XII Azərbaycan-Rusiya Regionlararası Forumunun iştirakçılarına müraciət ünvanlayıb

Heydər Əliyev adına Hərbi Liseyin müstəqil fəaliyyətə başlamasının ildönümü qeyd edilib - FOTO

Bərdədə Ailə, Qadın və Uşaq Problemləri üzrə Komissiyanın növbəti tədbiri keçirilmişdir - FOTOLAR

Latviya öz qoşunlarının Ukraynaya göndərilməsinə icazə verə bilər

Dünyada 1 milyard insan türk seriallarını izləyir

Berlindəki sülh görüşü FOTOLARDA

Müdafiə Nazirliyi: Ermənistanın dezinformasiya maşını fəaliyyətini davam etdirir

Premyer Liqa: “Qarabağ” səfərdə “Qəbələ”ni darmadağın edib

Bütün xəbərlər
«    Fevral 2024    »
BeÇaÇCaCŞB
 1234
567891011
12131415161718
19202122232425
26272829