Xəbərlər / Nesr
25.07.2023, 00:45
GEDƏSƏN - FOTO
GEDƏSƏN
Düşəsən yolun ağına,
Biryolluq çıxıb gedəsən.
Dərdlərini boğçalayıb,
Köksünə sıxıb gedəsən.
Dönmədən qula,köləyə,
Baxmayıb hiylə, kələyə
Bivəfa, dönük ürəyə,
Od vurub, yaxıb gedəsən.
Könlünü döndərib daşa,
Ömrü verməyəsən boşa,
Dünya olubsa tamaşa,
Candərdi baxıb gedəsən.
Baxmayasan bir kimsəyə,
Ağıllıya, nə də səyə
Dönüb bir dəli şimşəyə,
Yumruğun çaxıb gedəsən
Doğmadan , yaddan ayrılıb,
Şöhrətdən,addan ayrılıb,
Şeirdən-zaddan ayrılıb,
Ulduztək axıb gedəsən.
Yolu boynuma dolayıb,
Köksümdə ocaq qalayıb,
Əlimi qana bulayıb,
Ölümü yıxıb gedəsən.
Biryolluq çıxıb gedəsən.
Dərdlərini boğçalayıb,
Köksünə sıxıb gedəsən.
Dönmədən qula,köləyə,
Baxmayıb hiylə, kələyə
Bivəfa, dönük ürəyə,
Od vurub, yaxıb gedəsən.
Könlünü döndərib daşa,
Ömrü verməyəsən boşa,
Dünya olubsa tamaşa,
Candərdi baxıb gedəsən.
Baxmayasan bir kimsəyə,
Ağıllıya, nə də səyə
Dönüb bir dəli şimşəyə,
Yumruğun çaxıb gedəsən
Doğmadan , yaddan ayrılıb,
Şöhrətdən,addan ayrılıb,
Şeirdən-zaddan ayrılıb,
Ulduztək axıb gedəsən.
Yolu boynuma dolayıb,
Köksümdə ocaq qalayıb,
Əlimi qana bulayıb,
Ölümü yıxıb gedəsən.
Aybəniz Qaragilə Qafarlı
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
