Mirqabil Hüseynov - 70
Yubileyiniz mübarək, Mirqabil müəllim!
Yaxşı insanlar öz yaxşılıqları ilə həmişə ön sırada dururlar. Səmimi etiraf edək ki, Masallı rayon 1 saylı tam orta məktəbin direktoru, Əməkdar müəllim, “Tərəqqi” medallı, 40 ildən çoxdur direktor vəzifəsini şərəf və vicdanla icra edən dəyərli pedaqoq Hüseynov Mirqabil Mirhüseyn oğlu da yaxşılığın bir kodeks kimi unikal səciyyə daşımasında əsaslı rollardan birini oynayır. O, insanın ya¬ratdığı və nəsildən-nəsilə ötürdüyü maddi və mənəvi dəyərləri öz fəaliyyətində geniş ehtiva etməklə, bunu həm də yetişən nəsillərə tövsiyə edir. Cəmiyyətin fəaliyyət dairəsinin genişlənməsi, maarifçilik, savad, tərbiyə və s. kimi önəmli məsələlərin ictimai səciyyə daşımasında da Mirqabil müəllim başlıca rol oynayır. Biz məhz bu aparıcı proseslərdən qaynaqlanıb onun mədəni və mənəvi dəyərlərini, bizi əhatə edən xarakterini qiymətləndirmək iqtidarındayıq.
Bir insanın həyat fəaliyyətindəki mənəvi dəyərləri, davranış qaydalarını, maddi-mənəvi resursları o insanın yaşadığı mühit və mədəniyyət kimi başa düşürük. Və bu işin formalaşmasında böyük rol oynayan əsas, aparıcı amil də məhz insanlıqdır. Bu mənada, Mirqabil müəllimin ictimai-estetik zövgü, bir sözlə milli siması, mənliyi fərqlənən, seçilən yaxşı insanların apardığı işin bir hissəsidir. Bu istiqamətdə onun kimi Vətən fədailərinin, vətənpərvər insanların xeyirxahlıqları özünü xüsusilə parlaq şəkildə büruzə verir.
Cəmiyyətin pedaqogika ənənələrini nəsildən-nəsilə ötürərək böyük və zəngin bir irs yaradan Mirqabil müəllim xalq dəyərlərini daim uca tutub. Məhz əsl vətəndaş kimi yetişdirdiyi şagirdlərin cəmiyyət örnəklərinin formalaşmasında bu proses çox önəmlidir. Çoxları onun xeyirxah əməllərini bu gün də öz üzərində hiss edir, diqqət və qayğısını görür, onun insanlıq sevgisindən həvəslənərək cəmiyyət işinə daha böyük həvəslə yanaşır.
Mirqabil müəllim həmişə səmimi duyğuların, real ehtiramın cəm olduğu əhatədə qərar tutub. Onun insanlıq vəsfinin özündə də səmimiyyət durur. O, istər öz ailəsində, istərsə də onu sevənlərin yaddaşında bir insanlıq simvolu, xarizmatik vətəndaş, cəsur insan kimi cilalanır. Onun ömür, həyat yolu çoxları üçün bir təkandır, insanlığı heç bir sistemə, heç bir hüduda sığmır. Bu gün 70 yaşının qapısını böyük qürur hissilə döyən Mirqabil müəllim öz daxili əməli işi və zahiri fəaliyyəti ilə bu statusa sahib çıxıb. Şair demiş:
Yalnız başqasını düşünən zaman,
Qalxır insanlığın fövqünə insan...
70 yaşınızı ürəkdən təbrik edir, sizə daha möhkəm cansağlığı arzulayırıq, Mirqabil müəllim!
təsisçisi və baş redaktoru, “Turaz TV”-nin
direktoru Cəmil Zəbhullaoğlu
Son xəbərlər
Ən çox oxunanlar
- Bu gün
- Bu həftə
- Bu ay